Le Viet

营业中

休息中

讲到亚洲嘅菜式可能好多人都忽略咗越南菜 今日就嚟到The One试吓呢个新派越南菜时尚新颖嘅装修 感觉上都几舒服～为左试多啲唔同菜式 决定唔食午市套餐 直接系餐牌度散叫<<青木瓜丝鲜蟹肉鸡丝沙律>>酸辣酱汁系呢道菜式嘅灵魂 美味又醒胃之余 亦唔会盖过鸡肉同蟹肉嘅鲜味 整体配搭相当不错～ 顺带一提 呢道前菜味道唔算辣 所以怕辣嘅朋友 其实都不妨一试！<<超载椰青焗饭>>一嚟到见到成个椰青都装满哂，𠮶种「超载」嘅感觉好震撼而且食落去每啖都充满椰香味 而且喺海鲜之中亦都混杂咗啲椰青肉～又邪恶又滋味<<越式火车头酸辣锅>>相对之前两道菜式，呢个感觉上冇乜特别，酸辣汤底配上牛肉牛丸等等嘅配料，但佢最特别嘅系其中一样配菜竟然系菠萝！菠萝提升咗汤底酸辣嘅层次～真系从来都冇谂过用菠萝黎打边炉以前对于越南菜只系食汤檬捞檬 但系呢度令我对越南菜大大改观 惹味又充满新鲜感～价钱适中，值得推介！