萬歲 (已搬遷) 新店位置

係呢度有唔同既飯同麵比大家選擇，亦有車仔麵，1號揀左碗雞翼、溏心蛋、豬紅粗麵，盛惠$38，當然唔少得綠寶橙汁($13)，係全港獨家（佢係咁寫）講明先，1號唔係屬於呢個年代，嗌好哂野就可以跟住地下既飛行棋行去一個有冷氣坐既地方，夏天有呢d服務係絕對加分。坐低望下牆身見到好多以前既漫畫同海報，除左有冷氣之外，入去係幾有穿梭左時空既感覺，好似唔係係2015年咁。張枱仲有野玩添！至於野食方面，溏心蛋最正(有8.5/10)，夠入味，個麵就唔係條條分明，而且份量都幾細架，真心唔係幾抵食。綠寶其實係偏甜，但好岩唔中意飲汽水既1號。嗯，應該都係食回憶既味道架啦⋯窮遊指數：6/10好味指數：6/10

睇到雜誌介紹，又係公司附近，決定去試一試，店舖裝修幾有特色。今日食左粗麵+沙律丸(好好味)、魚蛋、酸齋、溏心蛋。沙律丸真係好好味，魚蛋同酸齋一般，溏心蛋唔夠味，如果要食去日本拉麵地方食好D。「最重要係份量真係太小」！！