萬歲 (已搬遷) 新店位置

車仔麵我至鍾意食佢嘅地既台灣腸、花枝丸、鹵水雞翼配咖喱汁粗麵佢地車仔麵 老火豬骨湯底，我食完碗麵會飲晒最緊要食完一d都唔會頸渴 佢地一家好細心，因應時節天氣，決定煲咩糖水/靚湯我好鐘意食佢地既「夠姜番薯糖水」真係夠辣 唔太甜 又大碗 抵食不過要撞彩數因為佢哋每次供應糖水嘅口味都唔同依家冇得食 等新舖開張

炮台山附近已經好多嘢食，有時想食啲小食頂下肚所以就幫襯萬歲食燒賣同埋陳皮魚蛋。嘢食都OK，除咗食燒賣嘅時候每一次都要求佢哋比特別嘅辣醬，因為佢哋淨係肯比辣油，要食陳皮魚蛋先肯比辣醬，每一次問嘅時候嗰個老女人都非常西面。本身以為淨係老女人係咁啦，原來嗰個後生女態度仲差，得個男人態度相對比較好。買嘢食都希望佢哋有啲笑容態度良好少少，其實炮台山其他餐廳都好好態度，對街坊都好友善，係唯獨萬歲成日都黑口黑面見到街坊都唔會打招呼，如果唔係收工有時好肚餓未夠鐘開飯，我都唔會去幫襯萬歲，何必俾錢買難受。希望佢哋搬咗去大啲嗰個舖位之後，個老女人同後生女嘅可以有返少少笑容同埋客氣少少。

路過又未夠鐘食晚飯，買住小食頂下肚腸粉加魚蛋，通常會咁揀魚蛋話左要唔辣，佢落左d 沙嗲醬，可惜，d 醬幾辣，又無咩花生香，感覺好油粒魚蛋唔知點解 d色澤咁啡，食落非常鹹，唔落醬仲好。無魚味，而且質感好實，真係唔係咁好味腸粉又係好實，咬落去唔會食到一層層，醬料正常門面望落好似好多野食，但要糖水無糖水，湯又已經賣晒以車仔麵黎講，都幾多選擇總括，就住以上兩款小食，免了。不過其他野就未試過，但又無咩衝動想試咁啦。

今日有幸與上此店阿媽靚湯「蘋果雪梨無花果粟米銀耳豬展骨湯」飲得出 清甜 足料 又平靚之後我仲叫咗個娃娃菜我好友就叫左仲自家包嘅餃子🥟超級大隻，足料 好香韮菜味。叫完外賣等左10分鐘左右，店員就好詳好詳細話星期一至五都有唔同嘅她叫我地留意Facebook睇店員話食餃子就要打電話嚟訂定先會比較好因為我哋係即叫即煮既！超有人情味嘅小店！好有家嘅感覺下次要試埋車仔麵 我買完外賣後，去油街嗰邊公園坐食外賣，超級舒適環境

隱世小店，難得有綠寶飲 (雖然就咁叫要16蚊枝，但真係經典細細間店，冇乜華麗裝修，反而用左好多兒時玩具等做佈置不過唯一缺點係冇位坐，要立食 (仲要得1，2個位)食物方面，有樣幾特別，就係陳皮魚蛋，估唔到魚蛋內放入陳皮咁都得

喺北角返工，成日經過都俾佢店舖裝潢吸引住，今次終於試到喇!!!有全港獨家的綠寶橙汁舊式裝潢仲有售賣好多兒時玩具,Chloe童真返曬黎呀店子小小，只有一張站食桌，所以建議最好外賣喇！！因為小桌沒有座位，食得就有啲狼狽！！我點了萬歲麵，$26 四餸！都算平叫左中辣，但不算太辣，下次可試大辣，一人份量剛剛好！仲有其他小食可選擇另外，就緊係要點返枝全港獨家綠寶橙汁啦！貴就貴左啲，都要$16，不過重拾童年味道就唔好介意啦Blogger:香港愛玩生Iplayhk.com

同事介紹過依間鋪，話佢地d車仔麵有好多款餸擇。由其係加咖喱汁中辣配油麵係我同事必食之選，今日我決定跟,仲擇左陳皮魚蛋，蘿白，甜酸齊，水尤魚。四餸麵都係$42。係炮台山依邊唔算貴，加多$6有汽水（蜂蜜綠茶）都有得擇真係好。我仲加多左串手打魚肉燒賣配自家辣丈好彈牙，香魚味，又夠熱 👍👍👍👍👍陳皮魚蛋（同我細個食味道一樣）好香陳皮味蘿白 冇渣清甜甜酸齊 聽講係佢地特製 好新鮮水尤魚 好香 爽口仲有湯底係老火豬骨湯 食完 唔口渴 食得出冇味精 份量又足夠 老板又會介紹小店食品小店人情味下次要再黎食

本身已經對呢間野無咩好感，之前食過佢啲魚蛋，燒賣果啲，食落口種感覺好似擺左成日，溶溶爛爛既感覺！腸粉又膠膠地既feel,,今日病病地，打算就腳食個最安全既撈面啦！點知一食落口，咸到食一啖要飲一啖水，跟本撈面既碗就無洗過，咩都撈一餐！仲要大撈面加3隻雞翼收30蚊，大家吾好再食呢間垃圾，表面好多選擇，其實無樣食得落肚！

這是一家小小的懷舊食店 裝修像回到過去一樣復古不過地方小小就難少少有得坐啦 比較適合外賣拎走四款的午餐選擇 可以加($4)要一罐汽水也算great deal碗飯不太重身 而在剛打開飯盒感覺肉燥有點乾身搞拌一下發現下方有不少醬汁油光 但足夠撈飯肉燥滷得鹹香不過的確是偏乾 肥油卻倒是不少肉燥份量多 底部油量也很多 需要飲品順下口雞翼兩隻偏小但油滑肉嫩 味道尚算入味可惜飯粒只是普通米而非珍珠米 又是較為乾澀整體普通一般 不差也不突出 就是普通的一頓午餐不知是否生意未如預期 午餐比之前的單點便宜呢 

係呢度有唔同既飯同麵比大家選擇，亦有車仔麵，1號揀左碗雞翼、溏心蛋、豬紅粗麵，盛惠$38，當然唔少得綠寶橙汁($13)，係全港獨家（佢係咁寫）講明先，1號唔係屬於呢個年代，嗌好哂野就可以跟住地下既飛行棋行去一個有冷氣坐既地方，夏天有呢d服務係絕對加分。坐低望下牆身見到好多以前既漫畫同海報，除左有冷氣之外，入去係幾有穿梭左時空既感覺，好似唔係係2015年咁。張枱仲有野玩添！至於野食方面，溏心蛋最正(有8.5/10)，夠入味，個麵就唔係條條分明，而且份量都幾細架，真心唔係幾抵食。綠寶其實係偏甜，但好岩唔中意飲汽水既1號。嗯，應該都係食回憶既味道架啦⋯窮遊指數：6/10好味指數：6/10

Came here for lunch as I saw this mentioned in a magazine that focuserd on retro themed restaurants.Hooray is located in the Fortress Hill area, right behind the AIA building. It's a small (and I mean SMALL) shop that has a retro like decor. It is geared for take away, however, there is limited seating in the back.Yes, back meaning you go into the building adjoining and there are a few fold away tables and chairs behind a plastic curtain with a decent amount of air conditioning. Life doesn't get

見到雜誌介紹，專程特登過黎試一試宜家鋪租愈來愈貴，依啲特式小店都愈來愈少舊式的食品，擺設好多宜家都未必試得番但依間店鋪"萬歲"，老闆將以前的食品重現廣告都有講"綠寶帶比你清新感受"(張poster好似係老闆畫)記得細細個好鍾意飲，之後唔知點解香港就無得飲，好彩依度老闆將佢再引入香港，令我地可以再飲番，我諗都應該係獨家至於餐廳鋪面尺寸唔算大，但裝修擺設就相當之豐富漫畫牆由於座位唔多，而附近多寫字樓，所以佢地都做埋外賣(如果係附近番工就好啦，哈)因為果日係星期六，所以人流唔算多落單叫野食之後，仲可以睇下佢果度啲書牛仔我細個成日睇(哎呀，曝露左我年齡添)野食到了雞翼鹵蛋燥肉飯 $38鹵水溏心蛋, 秘製雞翼帶點鹽焗,又帶點土匪雞翼的味道, 好特別,好好食~懷舊車仔麵 $45材料豐富, 有豬紅, 魚蛋(細粒得黎有魚味, 唔會一咬就散), 湯底又夠味其中蟹籽芝士丸係必食, 出面從來都未食過,如8有得買番去打邊爐果時食就好啦綠寶橙汁, 我諗真係只此一家, 宜家香港除左依度都唔知邊度仲有得飲了由食物都餐廳所有裝修,都見得出老闆的用心餐廳門口還放了紅白機及這個扭蛋機, 10蚊一次扭蛋內有襟章同刷刷卡,刷

在炮台山也有不少好味的小店, 今次想講下近期雜誌報紙也有報導的懷舊店舖車仔麵 – 萬歲.因為相對比較近我公司, 我會外賣自取. 由於午飯時間較多人, 為了不用等, 我會提早打電話落單. 最好的地方是湯可以另上, 外賣不用加錢. 這是佢地的點菜單, 各人可以因應自己的喜好而點.今次我點了粗麵, 腩汁, 小辣, 牛腩, 沙律丸, 牛筋和甜酸齋.粗麵麵質尚可以, 因為湯是另上, 麵沒有被浸稔, 但我覺得油麵好味一點.牛腩幾腍身, 唔會太硬, 得兩塊, 唔太夠喉, 但對於我來講味道略為淡了一點.沙律丸夠彈牙, 一口開, 內裡的醬流出, 味道調教得好, 這個好味.甜酸齋入口同平日食有點不同, 還有微微的硬身, 原來這些是每日新鮮, 所以口感有所不同, 同樣入味一點仲更好味.牛筋不會太硬, 有點咬口, 味道適中.總括來講, 也幾好味, 我自己覺得配腩汁和辣出來效果是更惹味. 若份量多一點會更好~

好味,我食过了鹵水糖心蛋,雞亦和鱼蛋,那鹵水糖心蛋好入味,易入口吾滯,係其他食店食糖心蛋已不多,而這有鹵水味的更未試过.重有那鹵水雞亦好夠味,雖夠味,但D肉不是`鞋鞋'的,而吃下去仍是滑滑的.可能我特别愛吃鹵水食物,对這一方面很有研究.這家店真的有心思!  下次会再试下其他食物!  讚.

睇到雜誌介紹，又係公司附近，決定去試一試，店舖裝修幾有特色。今日食左粗麵+沙律丸(好好味)、魚蛋、酸齋、溏心蛋。沙律丸真係好好味，魚蛋同酸齋一般，溏心蛋唔夠味，如果要食去日本拉麵地方食好D。「最重要係份量真係太小」！！