芽莊越式料理 (新城市廣場) (已結業)

東南亞食物中，越式菜餚算得上多元化，不同的食物可按個人喜好而作出選擇，其中有清淡的、有味濃的、有辛辣的，造法有蒸、煮、炸，而且往往配以青菜伴食，別具地方特色。越菜以酸辣及刺激味蕾為主，但這清淡的軟殼蟹卷卻予人清甜爽口的感覺。配上脆炸的軟殻蟹卷，更有沙拉菜相伴，色味俱全。牛肉串燒的香香，鐵板能存其熱氣，醬味亦香甜，黏在肉串上生色不少。咖哩完全沒有椰香味，更沒香料或微辣感，牛腩也稍靱，似紅燒牛肉多於咖哩牛腩！這也是失敗之作，蒜香欠奉，飽也不脆，完全不能令人感到新鮮烤焗出來之感！越式炒法有別於廣式，蒜外有碎花生，更美味的是加入櫻花蝦。只是芥蘭苖老身，欠脆口，但最失敗的是炒的不香，上枱時也不夠熱。

如果想黎呢間餐廳食晚餐，我會建議平日一至四，因為五六日實在太多人等位。一行二人叫左4樣野食軟殼蟹卷 - 同一般越南餐廳食嘅差唔多，無中伏河內魚餅 - 可能因為個人因素（唔好鯪魚肉），覺得唔算太好味，而家4舊入面2舊有骨。不過上菜時熱辣辣，加分！牛肉串燒 - 呢個正，d 醬調得岩岩好，d 肉都夠焾。表面可以燒耐d 更好。蟹肉炒飯 - 食第一啖已經大讚D 米飯夠乾有𡁻口，個樣睇落好似好清淡，但其實有見得到嘅蟹肉絲！總括黎講都唔錯，中價價錢，上菜快（可能因為會限時一小時十五分鐘）。如果星期五六日黎，會有d 趕客feel。

是日為放假天、好友從澳洲回來、話想食越南嘢。所以近近地就去咗沙田食。因為中午12點正已經去到，所以不用等位。坐底就即刻點菜。無耐餐廳都已經full哂！兩個人叫咗三樣嘢！埋單連加一220蚊。

夜晚食飯都要等位不過等20分鐘都接受到的食物的質素都好好柚子大蝦沙律好多柚子 大蝦都炸得好脆整個配搭都好好好開胃同埋感覺都好健康下.軟殼蟹卷除左賣相靚之餘味道都唔差的軟殼蟹夠哂脆 食之前加少少甜酸汁係一流的!!另外都食左生牛肉粉牛肉唔會好韌 湯都幾好味可以一試 

中環既芽莊係排隊店.....而沙田呢間分店lunch好多時都唔駛等.....所以我耐唔耐都會黎幫襯 生牛肉河: 牛肉夠滑.....燒豬扒撈檬: 豬扒可以再淋d就好啦.....但撈檬真係好好食.....係我食過最好食既撈檬!軟殼蟹卷: 味道唔錯.....服務OK.....加水,點餐,上菜&結帳都快.....但$200以上先可以簽卡.....總括食物質素同中環店一樣咁好.....值得推介

最後都要自己一個吃晚飯, 決定搵間舒適的慢慢吃~因時間很早, 有很多座位, 只有大約7-8枱客人, 但原來除了我, 都有兩枱是一個人來吃~每張枱點菜後, 都必定會給魚露及青檸辣椒~本想吃香茅豬扒湯檬, 但原來豬扒只可跟撈檬, 不能轉湯檬/湯河, 這算是不夠靈活的部份~ (因本人曾在官塘試過另一間有質數的越南餐廳, 可以靈活為客人改動)要試越南食店廚藝好唔好, 我本人覺得一定要吃最簡單的湯河粉~湯有牛肉味, 望落雞絲好像很"鞋", 但食落原來很滑, 而且似不是用刀切, 應是手撕的~ 牛肉是半生熟, 很嫩滑, 不韌不鞋, 牛肉份量也不少, 有4-5片~ 河粉都很順滑, 吸了湯汁都已經很好味, 加了青檸&魚露, 味道更加提升~ 米紙不會太腍沾口, 夾了生菜青瓜很爽口, 很清新, 軟殼蟹超脆, 但咬到入去軟殼蟹好像太多粉, 有些少炸粉味........, 不過加了青檸魚露吃, 整體上都不錯~碗湯河太大碗, 實在不能當場完成, 唯有帶回家, 外賣紙袋及紙碗都很心思~家人其實都很喜歡吃越南食物, 今次我單人匹馬試過後, 都有信心可以再帶家人來試試其他菜色~