火間土 (已結業)

多年前嚟過呢度食飯印象中食物質素係唔錯最近朋友約食飯提議嚟呢度雖然睇食評，食物質素好似差咗但見呢度坐得舒服可以傾吓偈決定多年後再訪朋友訂位嘅時候問可唔可以安排窗口位職員話要收Min charge所以我哋話咁唔坐窗口都OK後來又有職員打比朋友話可以安排窗口位而且唔收Min charge，以為咁好點知第二日朋友又收到職員打嚟話搞錯咗其實安排唔到窗口位座位安排嗰度真係好混亂🤷🏻‍♀️講返食物先我哋一行五人都叫咗十幾樣嘢食⬇️蟹肉芒果沙律所謂嘅蟹肉應該只係蟹柳，所以無咩蟹味芒果都甜嘅，份量啱啱好五個人分炸嘢算係比較出色，我哋叫咗兩款⬇️炸黃金魷魚圈⬇️香炸雞軟骨兩款炸物都炸得好香口唔會話好厚炸粉雞軟骨幾好食，有咬口，合乎預期小食我哋都叫咗兩款⬇️螢光魷魚鹽辛⬇️魚鰭乾呢兩款佐酒小食都發揮正常螢光魷魚好爽口，雖然鹽辛但唔會好咸魚鰭乾都好薄身，厚薄適中⬇️櫻蝦薄餅櫻花蝦份量算多，薄餅用埋芝士一齊煎所以食落會比較漏，不過味道係唔錯嘅卷物都叫咗兩款，但兩款都一般⬇️軟殼蟹沙律卷唔係好食到有軟殼蟹⋯可能得細舊喺入面面頭啲魚子都無咩味😅⬇️肥美海鰻卷一上枱，朋友第一感覺係：咁似煎堆嘅😂食落口，海鰻肥唔肥美我真係唔知因為只感

同朋友喺尖沙咀行街消費🛍，行到攰，決定搵食🍽。朋友係日本控🇯🇵，咁啱路經北京道一號，醒起有間價錢經濟實惠、環境舒適寬敞、仲有維港海景嘅日本餐廳——「火間土」。唔知係咪因為星期日，我哋又比較夜，所以好好彩唔使等位，不過窗口位就無晒了。為免眼闊肚窄，我哋兩個女仔叫咗三道菜，佢哋嘅份量都幾大。1️⃣ 東京下町名物沙律🥗 ($78)每次嚟，我都一定會叫！裡面有日本脆椰菜、薄脆片、即食炒麵條、紫菜絲等。用料雖然簡單，但味道令人一試難忘。椰菜新鮮清甜，沙律口感清新有層次，醬汁調味一流，酸酸地，叫人食到停唔到口🤤2️⃣ 軟殼蟹沙律卷🍙 ($135)有點失望😓⋯主要係飯出事，無飯香，口感食落似普通白飯，無煙靭口感。軟殼蟹炸得都香脆嘅，蟹籽份量都好足，不過略嫌沙律醬較少，食落比較淡同乾身。3️⃣ 薄餅風燒雞蛋🍳($48)哩個燒雞蛋正！外型似pizza之如亦似日式燒餅，蛋味香濃，口感軟滑，沙律醬令蛋食落更juicy，味道亦好夾，正！尖沙咀食飯，哩個價錢真係好難搵。抵呀！

食物：鹽燒鯖魚 - 燒得唔會太乾牛肉烏冬 - 上菜嘅時候，居然有一隻細隻小強喺木盒行出來，雖然唔係喺食物上面出現，但係始終都係衛生問題，職員就立即更換了另一個牛肉烏冬。日式薄餅 - Pizza底都做到薄脆。軟殼蟹沙律卷 - 都可以服務💁🏻‍♀️：比較少待應，要等很久才有待應招呼。環境：窗邊位可以望到維港景色，環境舒服開陽。泊車🅿️：可以泊北京道1號的停車場總結：環境舒適，有靚夜景，食物還可以，但是衛生需要改善。