輝

营业中

休息中

好朋友生日~ 我當然要專登搵咗間位置方便又高質數嘅日本餐廳，一齊食個舒適嘅晚餐😎餐廳充滿日本氣息🎎 裝修舒適又優美，柔和嘅燈光非常適合朋友/ 情人傾偈談心🥰 而且望出窗外嘅景觀好開揚，日頭有自然光應該另有一種格調！食物嘅選擇非常多，主打刺身壽司外，仲有串燒、壽喜燒、丼飯、多款前菜小食沙律，超級多元化🤩📍精選刺身拼盤 (5種) $488呢個刺身拼盤係驚喜之作自己都可能順便吱吱😌 師傅用上字不同嘅食材配搭五款時令新鮮刺身，令味覺更上一層樓！👍🏻帆立貝上面點綴左細細的紫蘇花💜釋放花香味，感覺清新。間八魚配搭自家製嘅乾薑蓉片，調出魚嘅鮮味🤩 鯛魚則加上蔥絲，清爽未來感覺。拖羅刺身呢完全無筋，唔需要加其他配搭已足夠好味❤️ 油香在口中散開 💯 好幸福☺️(哩個真係要提下😌而家去到年尾，只要2人起同行當中有一位壽星公~ 生日月黎食一個主菜就送刺身５點！)📍八爪魚卵 free呢個食材之前從未遇見😏 好新奇。質地有啲似熟嘅魚卵，多咗一陣奶香味📍特色鰻魚蛋燒 (小妹推介!) $168呢個菜式擺盤精緻，適合打卡用😂 入邊嘅材料有鰻魚，滑蛋，明太子等，用類似薄pancake嘅皮包住。口感非常有層次，真係好睇

餐廳位置幾易搵，枱同枱之間距離唔會太近，啱晒同朋友傾下計，想感受氣氛又可以坐bar枱～呢度食材非常新鮮，服務亦很周到👍🏻吞拿魚他他(細) ($188)吞拿魚淨係表面有炙燒過，其他部位都係生嘅，吞拿魚色澤靚，睇落非常新鮮，連埋洋蔥同酸酸地嘅醬汁食好開胃👍🏻軟殼蟹沙律($138)軟殼蟹唔係出面食嘅一般貨色，呢度嘅軟殼蟹炸得非常香脆，有驚喜✨沙律菜好新鮮，好味！推介😋精選壽司拼盤(10貫) ($588)魚生肉質真係超新鮮，肉質甜，冇腥味～ 每舊魚生都係有一定厚度，手握壽司軟硬適中，我自己最鐘意係三文魚腩，油脂豐富甘香😚😚松葉蟹肉海膽三文魚籽丼 ($388)推介！非常抵食😂一絲絲嘅松葉蟹肉超級多😍，味道鮮甜；海膽清甜，冇腥味，新鮮；一啖有齊蟹肉、海膽、三文魚籽食，真係成個口都係鮮味，好有幸福感！唐揚炸雞 ($88)炸得香脆，外層嘅炸粉唔會過厚，炸完仲保留到肉汁，雞肉嫩滑～免治雞肉軟骨($48)啖啖肉之選，食落有雞軟骨嘅脆脆口感，加埋蛋液食更嫩滑👍🏻