芽莊越式料理 (新城市廣場) (已結業)

兩個女仔行得耐，又係時間去拼食喇。去左呢間越式餐廳，叫左3樣野ahare食。番茄🍅蟹肉麵呢個麵係我個朋友仔推薦，一黎到個賣相真係好吸引，除左湯既色澤橙紅色好靚之外，裡面個料都好足，有成隻蟹蚶、仲有已拆肉既蟹、魚片等等。食落去個味道好好食，又鮮甜又濃郁，值得一試。牛油雞翼鍾諗食雞翼既我同你，大家千祈要叫呢樣野。一放底已經聞到好香既牛油味，仲有辣醬同青檸俾我地，睇大家想要咩味，都滿足到大家唔同口味既人。軟殼蟹紙米卷呢個賣相真係好靚，紙米卷好薄身，而且又有好多蔬菜🥬，鍾意健康既朋友，都可以叫呢個黎食。

友人下午的一發短訊，做就一頓好的晚飯椰汁燉肉：味道濃甜，椰子味好出；肉軟化，肥膏一點也不油；唯一不足係個肉由皮到肥膏再下兩層肉後，師傅沒切走底層較瘦的肉。燉煮過後，這部份非常硬和柴。咖哩蝦：我喜歡咖哩，友人喜歡蕃茄，這TOMATO_BASED咖哩就適合晒我地兩個口味。洋蔥偏多令碟菜賣相稍微失色。軟殼蟹米卷：不過不失其實餐廳內有很多服務生，奈何帶位慢左D，點菜埋單都要勁揮手先有人理會。。。

今日放假，所以同亞媽食晏。亞媽話食越南菜，我記得年初去過灣仔合和果間芽莊越南料理覺得唔錯所以再去光顧。果時系午飯時間但唔full，唔使等位。我地叫左藕苗蝦沙律。藕苗好爽，但唔知系唔系通漲關系，上次響灣仔食系一隻隻蝦，但今次系開邊，同埋得三幾隻而已。軟殼蟹米卷軟尚算可以。另外叫左生熟牛肉雞絲河，牛腱河粉。。河粉好爽滑，湯濃郁和鮮味，生熟牛同雞絲剛剛好，唔會太鞋。亞媽話D牛腱韌但我覺得OK。唯一美中不足嘅系D湯比較鹹，飲完好口喝，希望餐廳可以改善。兩個人共食左$230左右。以食物水準同埋餐廳位置黎講，算系可以接受。但要注意系外賣盒同碗各收$2一個。