銘興山西刀削麵 (大同新邨) (已搬遷) 新店位置

呢間係性價比非常高，味道又好嘅麵店👍🏻👍🏻 見門口勁多人等緊，原來係因為外賣有9折優惠，真係好抵食👍🏻每張枱有一樽酸蘿蔔🤤我哋嘢食未到已經食緊😂熱拌金錢肚金沙骨刀削麵($72)加$15金沙骨做雙併，醬底係青瓜絲、芝麻沙律醬、擔擔醬，味道濃郁。金錢肚非常入味，金沙骨熱辣辣炸起，肉質唔老👍🏻👍🏻好味～ 成碗份量好足👍🏻麻辣牛筋腩豬軟骨刀削麵 ($62)加咗$10豬軟骨做雙拼，牛筋腩同豬軟骨都超淋🤤而且又大大舊，好抵食～ 刀削麵口感彈牙，有少少煙韌，有水準👍🏻花雕醉雞($52)雞肉肉質嫩滑，就算係雞胸位都唔會鞋，食落有雞味，花雕酒味好香，值得一試👏🏻薑蔥牛肉($65)又係份量非常足😍，牛肉唔會過分地淋，食落有肉香又唔老，醃得好入味～呢間餐廳食物份量足，味道好～ 值得再去👍🏻👍🏻

今日約左fd嚟到大角咀呢頭食lunch~好耐冇食刀削麵🙈就入嚟呢間餐廳試吓呢度嘅刀削麵🤣花雕醉雞刀削麵($55)一大碟花雕醉雞同埋一大碗刀削麵😍雞肉滲透一浸香濃嘅花雕酒🥰雞肉幾新鮮嫩滑💕仲有個流心蛋，都有一浸香噴噴嘅花雕酒味😋刀削麵煙煙韌韌，幾有咬口👍🏻湯底都幾正～熱拌豬頸肉金沙骨刀削麵($61)雙拼只係加$9，好抵👍🏻食到兩樣餸🤣豬頸肉幾乳，而且冇肥肉，食落唔會太膩😆金沙骨表面金黃色😍好吸引💕食落表皮脆卜卜，內裏有肉汁☺️熱拌麵拌有醬汁，幾creamy🥰郊外油菜($18)灼生菜～生菜幾新鮮👍🏻調味再鹹少少會更好🙈蒜泥牛𦟌($48)蒜泥咪好香😍適合啲好鍾意食蒜嘅人一試🤣牛𦟌好薄，配埋蒜泥好夾😋滷水雞翼($40)因為我同個friend都唔食得辣🙈所以就叫咗滷水雞翼🤣滷水味好濃郁😋雞翼幾有咬口😋同滷水汁好夾👍🏻阿華田脆脆(+$8)跟餐只係加$8🤣好抵飲☺️好香濃嘅阿華田味😋表面仲浮有脆脆粒🥰幾正👍🏻

🌶吃香喝辣-🔸花雕醉雞 $46🔸郊外油菜 $18🔸蒜泥牛𦟌 $48🔸麻辣金錢肚 $48🔸溫泉蛋木耳牛筋腩刀削麵 $56🔸阿華田脆脆 跟餐加$5🔸支裝豆漿 $12.星期日帶媽媽去奧海城行街，先去咗美食集中地埃華街覓食，見到依間刀削麵幾滿座吓，一於入去試試～我哋兩個人叫一碗刀削麵share，因為想試多幾款小食haha。刀削麵🍜好煙韌，份量都好多。花雕醉雞🐔好香酒味，啱晒我呢個「雞精」，肉質都超嫩滑，係我至愛啊！蒜泥牛𦟌🐮滷得好好味，加埋生蒜茸無得輸啊！麻辣金錢肚🐷好麻好辣，辣到要狂飲嘢解辣啊，推介俾嗜辣者。特飲叫咗華田脆脆🥤好濃郁嘅華田啊，正！唔怪之得咁一路食都不停有食客入嚟，仲有唔少人買外賣拎走𠻹，推薦啊！