鄰居

营业中

休息中

呢間burger店面積唔大，淨得幾張枱，所以之前每次行過都見到排隊排到門口出面😅睇到網上嘅評語大多都唔錯，所以有次特登早d去試吓😆🍔鄰居漢堡 $62塊包有微微烘過，質感夠晒軟熟，而最特別嘅係麪包味道甜甜哋咁，好好食呀😋佢嘅特製醬汁帶點微酸，勁開胃～仲要d汁多到流晒出嚟，真係食到好呢hea😅漢堡扒雖然唔係非常厚，但肉汁豐富，而且牛味香濃，加上入面仲落咗d洋蔥碎，香味十足💗配料方面超級豐富，有菠蘿、蘑菇、煙肉等，令成個包食落冇咁單調，而且有埋清甜多汁嘅菠蘿，感覺非常清新🥰🧀雙重芝士牛肉漢堡 $52呢個就有兩種唔同嘅芝士，芝士味超級濃郁，鹹香味十足😚而且佢仲有輕微燒過，令香味更突出，望落去好似熔熔哋咁😍但嗰兩塊芝士真係好厚，之後會覺得有d膩😣同埋d芝士一凍咗就變硬，所以要快d食呀～呢個食落比較乾，味道亦較為單調，個人比較鍾意上面嗰款多d😝🥔🍠雙色薯條(跟餐+$18）呢個超有驚喜🤩又黃又橙好靚呀～分別係普通薯條同蕃薯條，全部都係厚切㗎，炸得非常香脆又唔會好油👍🏻尤其係蕃薯條，甜甜哋咁，好味到完全停唔到口，真係必食呀💕🧅洋蔥圈 $26洋蔥圈外層炸得金黃香脆，入面嘅洋蔥亦都好厚身，而炸粉唔會太厚✨

呢間漢堡專門店主打手工牛肉漢堡，可以配唔同嘅芝士、蘑菇或者黑松露醬，我叫咗最簡單嘅美式牛肉漢堡($48)，朋友鍾意食菠蘿所以叫咗鄰居漢堡($64)，入面仲有煙肉同炒蘑菇絲，另外再share個洋蔥圈😋賣相唔錯，唔係好華麗但吸引到食客，麵包甜甜地、好似餐包，芝士未去到拉絲，不過焗熔咗所以更融入到漢堡，漢堡扒表面有煎到微濃，一路食都會滴肉汁出嚟，但未去爆汁嗰種🙈初頭以為冇醬汁，原來喺曬同一邊🤣係有啲芥末味嘅千島醬咁，如果比多啲就會更好😉鄰居漢堡相對上比較juicy、冇咁乾身，可能因為菠蘿汁同煙肉嘅油份，煙肉有濃邊又唔會煎到硬曬，菠蘿表面都有微微焦濃，整體嚟講口感幾豐富，係預期中嘅味道😆洋蔥圈即叫即炸，嚟到嘅時候一大浸熱氣湧上嚟，咬落去脆卜卜，粉漿厚薄啱啱好、鬆鬆地唔會太實👍🏻

之前成日經過長沙灣店都冇幫襯（而且已經結業了），今日經過荃灣店，一於入去試試。大烤菇牛肉漢堡（$62）轉餐（+$18）大啡菇好香又juicy，牛肉漢堡有牛味有肉汁，最估唔到菇配埋牛好夾，好味道。鄰居漢堡（$62）轉餐（+$18）菠蘿甜，搶咗好多味，煙肉夠脆唔乾，整體味道不錯。鄰居併盤（$68）除咗跟餐嘅雙色薯條，仲想食其他小食，嗌併盤乜都有就最啱。雙色薯條夠脆口，薯仔內粉、蕃薯夠甜；洋蔥圈夠大件，同樣脆卜卜；魚手指點他他醬最夾；芝士條相對失色少少，中間芝士唔夠拉絲。

長沙灣人氣Burger店進駐荃灣😍呢間bookmark左好耐但長沙灣店位置有d吊腳😮‍💨終於！終於！等到佢開左黎荃灣🥰位於千色滙內街地鋪，位置不算顯眼鄰居漢堡 $62 （+$18跟餐可選沙律/雙色薯條加汽水）⭐️⭐️⭐️⭐️⭐️揀左雙色薯條，10分鐘上餐。全部即叫即做，薯條熱辣辣係一半蕃薯條加一半薯條。兩隻味道都10分好，香脆新鮮熱辣！入邊有菠蘿，蘑菇，蕃茄，生菜，洋蔥，煙肉再加手打牛肉扒。牛扒10分Juicy,配合菠蘿味道多左幾分層次☺️正！雙層牛肉芝士漢堡 $72⭐️⭐️⭐️⭐️有兩塊手打牛扒，芝士，蕃茄，生菜，洋蔥😳對比起鄰居漢堡，呢個層次少一點。2大塊牛扒岩晒食肉獸，好滿足😋

Neighbour喺荃灣都開咗分店~舖頭入面嘅裝飾係走美式懷舊風,不過座位真係算少。雖然如此，我哋去當日係平日嘅下午 晚飯時段，亦都見到唔多人。佢係有一個Open Kitchen嘅形式，所以你大概都可以見到廚師點樣為你準備餐點。鄰居漢堡 （$62）今次就叫咗佢哋Signature嘅鄰居漢堡: 佢哋嘅賣點係漢堡入面會夾住菠蘿🍍其實加埋菠蘿個漢堡真係Fresh左唔少亦都減少左膩嘅感覺～牛肉嘅味唔算特別重，不過牛肉嘅量都夠，而且很香😇麵包亦都有烤熱過，所以成個Burger食落口都係好統一嘅溫度🔥+套餐 （$18）有雙色薯條 Jeng最岩鐘意食熱氣野嘅我🤪整體性價比唔錯，如果係荃灣可以一戰嘅漢堡選擇😊

下晝4點入到去，原來只有最後一塊漢堡扒，遲少少入嚟既客人都沒有了。即刻叫左個鄰居漢堡跟餐，漢堡砌得幾靚仔，麵包都有煎香，要一啖咬晒都有啲難度，味道唔錯。不過塊菠蘿味道有啲霸道，蓋過其他食材味道，下次叫芝士漢堡試試👍