添好運點心專門店 (裝修中)

今晚成班網友一齊去睇入樽🥳🥳🥳約左其中一個友人去澳海城食野再一齊行去，咁黎到就睇下有乜好食，見到呢，懷念舊屎馬拉糕味，就入去食。點左唔同點心，最緊要就係點個馬拉糕啦😋😋 豉汁蒸鳳爪普普通通，冇咩好講叉燒腸料多皮滑，唔錯😋金銀蛋瘦肉粥幾好食，佢個粥底幾特別，但係又講唔出有咩唔同，係同平時食既粥有好大分別，各位知唔知有咩唔同？紅油抄手都係冇乜特別，我覺得不過不失鹹水角幾好食，料多過一般酒樓，唔錯👍杞子桂花糕好軟淋，覺得咬落好易散開，有陣花味，鍾意食既會覺得好食。酥皮焗叉燒包真係後悔太遲先食，呢款唔食尤志可，一食就覺得好好味，酥皮又脆又軟，入面又熱又香，一人一件，食完都回味無窮，再叫多碟食，誠意推薦👍👍👍👍👍👍馬拉糕就失望啦，同我n年前食既馬拉糕好唔同，以前食落係又香又軟又甜入心。而家覺得好普通，係我記憶錯左？懷念腦海中既味道🥲🥲不過成餐都唔錯，可能下午去，坐得舒服。

今日突然想食酥皮叉燒包，諗起添好運平靚正收工即興去食😆-1️⃣晶瑩鮮蝦餃 $312️⃣酥皮焗叉燒包 $233️⃣鮮蝦腐皮卷 $294️⃣家鄉鹹水角 $195️⃣脆皮琵琶豆腐 $246️⃣酥炸奶皇包 $21-首推叉燒包，腐皮卷都唔錯。蝦餃皮較厚，冇乜調味，唔推。奶皇包我以為都係叉燒包個整法點知原來係似炸饅頭，奶黃唔流心又無奶黃味，極度唔推。鹹水角同琵琶豆腐正正常常，無特別推唔推。-總結：普普通通，不過不失，點心選擇唔算多，勝在平。

幫襯咗添好運點心專門店已經有十幾年，由油麻地第一間舖開始食，即叫即蒸真係好食好多，蝦餃、燒賣、牛肉、蒸排骨、腸粉，一個人去都會食十幾籠，除左價錢唔貴，又可以帶返屋企繼續品嚐。

之前一直聽朋友介紹添好運點心專門店，但因為有名氣,長期都要排隊等位，而家開多左分店之後終於有機會試到啦。今次係平日的晚上去，大約8點幾唔算多人，一入到去就有位，都幾多外國人已經係入面。黎之前已經有想試的野食，所以即刻就已經落左單，每樣野食都係二十幾三十蚊，可以試多幾款。落單後大約10分鐘就已經有野食了，都幾快，但d野食全部都熱的，唔會係放左好耐的感覺。酥皮叉燒包真心好食，入面的叉燒甜甜地再夾埋出面脆的外層，而且份量岩岩好，唔會太大個之後試唔到其他野，兩個人食每人食1.5個都冇問題。黃沙豬潤腸一路都聽講豬潤腸好出名，所以黎到一定叫，味道唔錯，但好可惜豬潤的量唔多，好多時都係食到個腸粉皮。鮮蝦燒賣皇蒸出黎之後外觀唔錯，食落去都食到隻蝦，但唔算係太特別，同平時的燒賣差唔多。鮮蝦餃每隻蝦餃都皮薄而且蝦的份量都多，不過味道就冇咩日特別。沙律海皇卷本身飲茶食點心我都好少叫春卷類的點心，但今次比到驚喜我！卷外面炸到香脆，但唔會油膩，同入面的沙律醬又幾夾！總結黎講算係平價好食之選，每人都只係大約六十蚊埋單，就已經試到好多款點心而且飽肚，而且最開心係奧運分店冇咁多觀光客，排隊都冇其他分店咁誇張！

已經唔係第一次食，每一次食都keep到好水準。 喺門口見到好多人已經喺度攞位，但係因為啲枱走得好快，所以等咗一陣就可以入去食嘢。呢幾樣嘢每次都會叫:酥皮焗叉燒包黃沙豬潤腸古法糯米雞

禮拜日, 因為好舊冇去飲茶, 所以決定去樓下既添好運食個飯, 飲個茶～但係我一到, 條隊長到呢～ 因為添好運係海外既香港介紹旅遊書上曬榜, 真係每早好多遊客來食佢～ 更可況禮拜日, 足足排jor 半個鐘！  所以提醒其他朋友仔早上黎飲茶, 真係預算多d時間！！好啦～ 終於入jor 去, 其實覺得佢地真係一次比一次 求其, 我地d 碗, 係開始已經係有多油漬,需要我地慢慢自己洗～ 咁都點平時既嘢～ 照片 酥皮叉燒包 同我最喜愛的 排骨鳳爪飯～ umm～ 點講, 每次食呢個包, 味道質素都不同, 浮動大～  我唔明白點解會咁其他嘢就質素平衡～ 總得來說, 味道不錯的, 但係衛生就每況愈下. 希望佢地focus 返碗碟清潔衛生. 其實幾間分店的添好運都食黎, 相比之下, 奧海城呢間係最好食～ lol

星期六經過旺角，特地去奧運添好運食個晏。去到拎位沒有店員招呼，其中位客人自己寫人數係輪侯紙上，成功打尖。等左10-15分鐘有位，張枱好細，同隔離枱好近。茶係無得揀，只有濃濃既普洱，水亦要收錢，$10枝。

6月30號晚同娘親傾開計,佢話想試下添好運係咪真係咁好味~我即刻話:就聽日7.1去試菜la~飲早茶!!一早上網搵定料,知佢搬左去奧海城二期, 開10 am 9:45am到門口,已經見到咁既情況...真係咁大名氣?!準時10 am放人入去, 環境係好迫!!我都唔理得咁多~即刻畫紙仔,叫野食!!兩個人叫左9款點心黃沙豬潤腸粉: 豬潤好細好薄, 腸粉都算皮薄陳皮牛肉: 有細細粒的陳皮係內面, 好味馬拉糕: 最愛係馬拉糕!!!唔係好甜,有特別的黑糖味!!我一個人食左兩個潮州蒸粉果: 皮薄&足料,win古法糯米雞: 初頭都驚荷葉大糯米雞size細,結果係真係好大都算足料,娘親一個人都食晒唔蝦餃皇:何解係"皇"呢?!@@同一般酒樓d size一樣...娘親重話佢無筍,口感唔好豉汁蒸鳳爪: 鳳爪好入味好腍, 豉汁味濃又香鮮蝦腐皮卷:個皮好脆, d蝦好大舊,啖啖蝦肉~正主腳出場~~~酥皮叉燒包!!!佢真係無敵的!!!  (但娘親話佢太鹹,我就覺得無咩野=3= )結尾: 佢的確係比一般酒樓的點心好食,值得一試的不過環境同服務質素就有待改善!!!報告完畢~~~