金公館 (康怡廣場北座)

营业中

休息中

我最近成為了康怡廣場金公館的常客。它讓我滿足食川菜的慾望。首先，地方光猛乾淨，坐得舒服，不擠迫。食物質素亦令人驚喜了。以平常康怡廣場餐廳的價錢，價錢亦不貴。酸菜魚用上了桂花魚，魚肉片份量多，肉質滑嫩。辣度和酸度剛剛好，非常開胃。大家也喝了數碗酸菜魚湯。片皮鴨實在太令人驚喜了。首先片皮鴨皮脆肉嫩，廚師刻意切走了油的部份，令片皮鴨的皮非常香脆也不會太油膩。另外，它配以很多不同的配菜，例如，青瓜、蜜瓜、蔥、西芹等等。亦有不同的醬料，令這個片皮鴨味道與別不同，有不同的層次和口感。我很怕蔥爆牛肉會煮得很老。但這個蔥爆牛肉份量多，肉嫩多汁，非常有鑊氣。配料也十分入味，於是我們連它的青椒紅椒配料也全吃光了。最後，炸饅頭炸得很香脆的，不會太油，裏面的包非常軟的，端上的時候是熱騰騰的。我真的非常滿意這間餐廳的食物，尤其是那個片皮鴨，值得再次幫襯。

是日喺北角放工，就去太古同家人一齊食飯，因為我突然好想食片皮鴨，太古友人就推薦康怡呢間新開既粵·川菜餐廳--金公館。大約七點幾到，嘩已經好多人等位,,,我地喺等既時候就把握時間望下menu 先，真係幾多菜式選擇，想食川菜又得，廣東小炒又有~~正首先大家一人叫左一個湯:成都竹笙菜膽湯 $48 +杏汁白肺湯 $48 湯味道清甜，竹笙再加冬茹白菜，清清地好味，另外既白肺湯，味道濃，同樣高水準飲完湯就再黎個前菜鴨舌 $48 我見我老媽起勢咁食，我地就知一定不得了，佢話好入味，依家爭咁支米酒咁話haha熱情果籠仔蝦球$138，睇食評個個都話要試呢個!! 六籠一籠一隻蝦~係幾有gimmick~ 蝦球炸得香酥蝦肉彈牙加上好似果蜜味汁好正~~之後又就係酸菜桂魚片 $198魚肉新鮮大大塊好嫩滑，但點嫌湯有啲過咸，而且辣度可以再加重啲~~蒜片牛仔粒 $78  牛仔粒份量夠多，牛肉唔un，再加埋蒜片入口，感覺一流。食左好多肉，終於黎番碟菜先~~腿茸杞子扒津白 $78：津白放上杞子同金華火腿蓉，一清一咸感覺很好再黎個芙蓉賽螃蟹 $128賽螃蟹加埋帶子，瑤柱炒，細滑軟彈送飯一流! 仲有因為老媽鍾意田雞，所以我地

同一班同事去了金公館食晚餐，本來想叫這裏的招牌菜北京填鴨，可惜等位時已經話沽清，唯有下次再試啦。我們一行三人點了幾款小食及小菜，小食全部都是幾十蚊起，價錢合理。雞絲粉皮：淋上麻醬的雞絲粉皮，粉皮煙韌且晶凝通透，雞絲亦都不鞋，一個幾開胃的小食。椒鹽九肚魚：炸得外脆內嫩，表面灑上些辣粉，帶點惹味。京滷鴨舌：鴨舌滷得入味不過有點腍，不夠爽彈。雞湯雲吞：雲吞皮厚薄適中，裏面啖啖豬肉餡，以雞湯煮熟，有淡淡雞湯鮮甜味。香酥葱油餅：很香的葱花味，中間鬆軟，不過有點油膩。百合腰果炒桂花蚌帶子：桂花蚌爽脆，帶子細細粒但嫩腍，百合爽口，加上脆卜卜的腰果，簡單又健康。酸菜桂魚片：桂魚片完全無骨，而且魚肉雪白，鮮甜嫩滑，酸菜的酸味適中，湯底帶酸味還有魚鮮味，令人食唔停口。腿茸杞子扒津白：津白上面放上杞子及金華火腿蓉，湯汁充滿了雞汁及金華火腿的咸香味。三鮮鍋巴：鍋巴炸得鬆脆但比較油膩，配上火腿、豬頸肉、蝦仁、魷魚、筍等汁料，十分飽肚。

片皮鴨中菜@太古同親友共聚一堂，食中菜就啱喇。套餐有小菜、有湯、有飯又有甜品，就叫咗個四人套餐唔使諗 胡麻鮮淮山砌得幾靚，淮山本身係好有益，加咗啲胡麻醬就健康又好食～蒜片牛仔粒好惹來味，牛仔粒有咬口得嚟唔韌，好好食！清城山杏汁白肺湯落足料，唔算係我飲過最好味嘅白肺湯，但就碗碗都好多豬肺同雞腳。烤北京填鴨（全隻）賣相好得！啲皮厚薄適中，色澤金黃。配料都好豐富，除咗傳統嘅京葱同青瓜之外，仲有蜜瓜條同西芹～將鍾意嘅配料包埋一齊，再加啲填鴨醬，好味 酸菜桂魚片超級大煲，桂魚片去哂骨，魚肉好滑嫩。靈芝菇炒萵筍絲味道清清地，將萵筍整成絲嘅口感幾爽脆。欖菜菜甫菜粒炒飯炒得入味，加上啲菜甫菜粒好有口感 最後係甜品荔枝桂花糕，加咗荔枝都唔會好甜，唔甜。青瓜豆漿有粒青瓜星星喺度，造型好可愛 味道清甜都幾好飲！