川火堂

营业中

休息中

位置就在銅鑼灣鵝頸橋附近，門面易找。店內乾淨，內部不大但也有卡位。酸菜豆腐青花椒烤魚 $228一上來就陣陣很香的青花椒味，怕太辣所以點了小辣，其實可以點更辣！烤魚是清江魚，蠻大條，肉質嫩滑。旁邊有豆腐和酸菜。鐵板魷魚須 $128魷魚須也算多，咬下去蠻彈牙，不會太鹹或油膩，作小菜也不錯熊貓冰粉 $32甜品點了冰粉，中和剛吃的辣，有黑糖也不會太甜手工紅糖糍粑 $46好煙韌，挺有咬口，個人喜歡多點紅糖，再甜點會更好

呢晚約咗個嗜辣嘅友人食晚飯 搵咗呢間喺銅鑼灣嘅川菜 主力想食佢嘅川式烤魚😉燒椒金色皮蛋因為太肚餓 所以嗌咗碟前菜食下 呢碟皮蛋並唔係黑鼆鼆嗰種😮 所以一上碟已經覺得好賞心悅目 面頭有啲鮮蒜蓉同埋辣椒 食落口有浸煙燻嘅味道 仲有部份皮蛋係流心㗎👅 膠原脆皮豬手呢個一定係必叫之選 豬手厚肉 而且豬皮炸到好鬆化 配埋椒鹽加花椒嘅調味料🧂 豬手嘅肉仲好軟腍 而且每件都好大件 都幾抵食 食完真係覺得骨膠原滿滿☺️酸菜豆腐青花椒烤魚呢碟酸菜魚已經有埋豆腐同埋芽菜喺底🐟 估唔到豆腐同埋酸菜魚嘅味道咁夾 豆腐幾滑 不過都唔夠酸菜魚嘅魚肉嫩滑 呢條酸菜魚份量都幾多 魚肉魚油豐富 所以食落口特別嫩口🥰 黃金小饅頭 小饅頭炸得好酥脆 上碟時熱辣辣 外脆內軟 點埋煉奶食就啱啦☺️ 一碟有六件 方便同朋友分享特別欣賞呢度店員嘅服務 因為我喺地鐵站趕過嚟 入座嘅時候滴晒汗 店員竟然留意到 仲特登較大啲個冷氣 等我可以涼快啲 真係超級貼心啊🥹

萬州烤魚 - 酸菜豆腐青花椒烤魚 $228 另加一萬州烤魚大大條連爐頭上枱，已經煎好開邊，煎得皮脆肉嫰，好香口，好多肉食。下底墊有好多豆腐，仲有芽菜同紫洋蔥。面頭加上好多酸菜，辣椒，花椒，蔥花同白芝麻粒，味道又麻又辣，愛辣人士必食，真係辣到鼻涕出嗮黎，個嘴麻左。仲可以加配菜，規定最少要加兩樣。萵筍 加$18 另加一豆腐乾 加$18 另加一兩樣配料份量都唔少，好吸辣油。蔥爆牛肉 $98 另加一蔥爆牛肉極速上枱，牛肉大大塊彈牙啖啖肉，加上大量蔥同炒，好有鑊氣，味道調得好，唔會太重口味，好有牛味，份量好多。加上芫荽香，味道更好。

一直都好鍾意食烤魚，但香港嗰啲食極都冇內地嘅咁好食，前幾日路過呢間川火堂，見裝修好別緻又試下坐低點咗個酸菜豆腐青花椒烤魚，青花椒鍋底好香，唔算好辣，加咗酸菜令到成個鍋底好惹味，鍋入面已經放咗滑豆腐，食豆腐嘅時候連埋啲湯一齊食味道啱啱好。烤魚落鍋之前預先炸過，脆到連骨都可以食埋，但係啲魚肉依然嫩滑，配埋個咁惹味嘅鍋底真係好好味，終於可以喺香港都食到好味嘅烤魚，貪心地又加咗薯粉同午餐肉，結果兩個人都差啲食唔晒食完烤魚仲叫咗兩個熊貓冰粉，有粒熊貓頭棉花糖，勁得意