開餐 (已結業)

是日下午茶餐廳冇特別下午茶餐牌，但會提供平日做開嘅粉面🤭個酸菜魚片湯河真係冇得頂，叫咗小辣，個酸菜同魚片啲味道好夾，魚片份量都唔少㗎！我諗好少有茶餐廳會有得咁樣叫依個河粉，自己喺屋企整又好麻煩，呢個價錢有一碗真係真心抵食扎肉雙丸湯湯火都係辣嘅，同樣好食，湯底好夠味，又可以叫小辣，所謂嘅雙丸其實係魚蛋同埋貢丸每一碗粉加$10可以轉香港人加油特飲，呢個係菊花，冬天飲真係覺得好潤好正！入邊本身已經有茶包，鍾意嘅可以自己拎走個樽返去再加水沖。

呢間位於佐敦新開嘅餐廳，由店舖門口到裏面嘅佈置都超級黃，仲有postcard貼紙可以拎！主打各式湯麵，鰻魚飯，炸物小食等，最多人食就係酸菜魚湯河！平時食酸菜魚好多都係一鍋二百幾蚊，又要成班share食，呢個嘅酸菜魚就啱晒，一人份唔洗分享。湯底有酸菜，辣椒，魚片等酸菜魚必備材料，湯底好夠味，魚片幾新鮮，魚片份量唔少，而且嫩滑無骨，啖咬肉兼無腥味！仲嗌左炸奶皇包都係第一次食，新鮮炸好超熱，食嘅時候外面層包炸到好香脆，奶皇味好濃，仲有流心。特色飲品共有三種味道，解毒胎菊花蜂蜜、明目圓肉紀子蜜同埋養生牛蒡冷泡茶。飲完後，攞埋個印住“香港人加油”嘅膠樽返屋企重用。不過呢間食肆就比較細，枱同枱之間都比較迫，空間感差啲啲但服務好好坐低會派紙袋放口罩。總結：一定會再去酸菜魚片湯河 $57炸奶皇包 $19

依間由佐敦開果陣，已經聽講佐好耐味道好又抵食，今日終於的起心肝同frd去試～.酸菜魚片湯河 $57個湯底酸同辣平衡得岩岩好，啲辣椒越浸越出味，跟住佢啲酸菜唔係嗰啲好鹹嗰種酸菜，係真係酸嘅酸菜😛，同埋啲魚好嫩滑同埋無乜骨，不過河粉碎佐少少～.喇沙海鮮肥牛湯麵 $58其實本身對小店嘅喇沙唔係好大期望，但我食完好滿足，佢個喇沙湯出奇地好香濃同好惹味～～同埋一啲都唔辣🙆🏼都幾正宗 而且都幾多配料：肥牛干貝同魷魚😍.養生牛蒡冷泡茶 $20解毒胎菊花蜂蜜 $20印佐'香港人加油'透明膠樽既養生特飲！！咁靚點可以唔買，仲要可以循環再用，跟餐加$10就有😍😍每枝都會有個茶葉包冷泡住～～三款飲品都有唔同嘅功效💛我試佐菊花唔會好甜而且好香菊花味，超級潤喉🙈仲可以清熱明目解毒～frd飲既牛蒡茶都好養生同清甜😚 仲有款明目圓肉杞子蜜🙆🏼.總結，強推大家黎依間開餐💛雖然餐廳格局有啲似茶記，但食物既款式都好多樣化，重點係真係平靚正～～依個價錢食到依個質素真係水凖之上😍勁滿足🙆🏼簡直係窮人恩物！！記得記得嗌野飲拎走個樽🙈

同朋友去到每人一碗酸菜魚片湯河（$57），大大碗！酸菜魚唔算多同薄左少少，但片片都大塊！魚同河粉索晒啲湯味，個湯偏向酸啲，唔太辣，完全係自己鍾意既酸菜魚湯底味其實一碗河粉好夠飽，但見啲小食幾吸引，跟餐要左酸辣冇骨鳳爪（跟餐$26，正價$36）同埋炸流沙奶皇包（跟餐$19，正價$29）鳳爪正正常常啦，都係嗰個味，流心奶黃包好夠流心個包好似有少少粉，可能炸耐左少少食辣當然最緊要加野飲，香港人加油飲品有三款，跟餐加$10就有大大枝（正價$20）自己要左解毒胎菊花蜂蜜，好清甜，個樽又靚，飲完留返起平時用一流

估唔到呢間餐廳老闆會喺疫症期間開新餐廳寫名香港人食堂，屬於黃色經濟圈4月至5月撞正限聚令但人流仍然一個接一個餐廳做足抗疫措施1. 為客人量度體溫2. 提供消毒用品3. 提供紙袋存放口罩4. 每張枱保持1.5米之距據了解，餐廳由前珠寶商人開設由賣金轉為賣黃到金餐廳，似係一個良心老闆食物好有香港味道，菜式國際化基本乜都有！日式蕃茄湯麵、日式鰻魚飯、台式半筋半腩飯、越式生牛肉湯河、中式酸菜魚湯河、港式豬酒渣撈飯、港式四寶湯河、素食珍菌湯河、星菜喇沙湯麵唔單一又好迎合唔同口味最特別係唔少菜式隱含政治意味有五大素球嘅素食、勿忘初心嘅油菜、香港人雜扒飯、印有良心嘅平安湯印有香港人加油嘅滋潤特飲包括明目圓肉杞子蜜、養生牛蒡冷泡茶同解毒胎菊花蜂蜜最大特色係有一人份量嘅 酸菜魚片湯河$54好少見用酸菜魚做湯底嘅粉麵小店嘅酸菜魚係一人前，唔使吓吓成鍋叫都食到酸菜魚，可以過口癮湯底有酸菜、辣椒、魚片等酸菜魚必備材料明明好簡單，但好少人做湯底有酸菜魚湯味，酸菜味適中酸味唔算太重，有微微四川辣椒味好啱做粉麵湯底，飲幾羹都唔口渴，似無味精因為酸菜本身都有味魚片幾新鮮，而且嫩滑無骨，啖啖肉兼無腥味酸菜湯底為魚片提味

平! 靚! 正!晚飯時間都幾多人等位 餐廳侍應都好好咁同等位/等外賣嘅人講 可能要等耐小小 不過我一心諗住嚟食酸菜魚 緊係等啦!! 酸菜魚片湯河 $54 好耐冇食過酸菜魚🐟 好好味冇得輸 d河粉係幼身嗰款 唔會好油唔會一夾就爛同d酸菜魚出奇地好夾 d魚又好滑個湯底酸味同辣味好平衡 會忍唔住飲多幾啖 本身碗粉有餐飲送 不過我就跟餐加$10要咗個明目圓肉杞子蜜 超足料 個水樽仲可以拎返屋企重用抵加啦懷舊豬油渣撈飯配鹽酥豬扒 $56好邪惡 不過真係好好食

我從來都唔食酸菜，不久前喺第二間餐廳友人食麵有酸菜伴碟我聞到即刻反胃作嘔，但係開餐嘅酸菜魚麵堅係好好味，我竟然食咗朋友嗰碗幾啖仲諗住下次自己再去食!! XD鰻魚飯大大條抵食無失望，鰻魚汁撈埋珍珠米一流😋😋椒鹽豬扒醃得入味炸得夠香，豬油渣飯加上甜豉油一流👍🏾👍🏾👍🏾炸流心奶皇包好香到宜家都仲掛住，推薦大家去到一定要叫黎食！🤤飲品跟餐只係加$10，買個樽都唔止啦，一於叫晒三個未，全部都好足料夠哂味！總結：一定會再去！