太二老壇子酸菜魚

营业中

休息中

原來K11開咗間太二，真係行過先知。冇去過大陸嘅太二，咁就入嚟試吓。湯底：果然名不虛傳，好香好濃郁嘅湯底。嗰種濃郁唔係好酸或者好辣，而係溫和、唔霸道，但係又好夠味。而且仲有好多芝麻粒，令到飲起上嚟滲透住粒粒芝麻香。係可以飲落口仲會忍唔住再飲幾啖嘅湯底。魚片：份量都OK夠多，非常滑，冇骨。不過就偏軟偏腍，用筷子夾，可能會整爛。酸菜：佢slogan 叫「酸菜比魚好味」。我心諗點會呀？食咗之後又明白嘅。個賣點係在於佢係淡淡嘅酸味，再配以粒粒嘅芝麻香混起一齊。整體唔會太酸嘅感覺。脆豆腐：要加$20。冇特別。原來係硬硬地、似魚片質感嘅「豆腐」。個人覺得普通，可以唔加錢嗌。紅薯粉：都要加$20。質地都夠彈牙煙靭。但係缺點係份量太少！加$20 ，先得好少紅薯粉，有啲唔係好抵。另外仲有洛神花茶，啲陳皮又香又甜。好味。唔知深圳食係唔係平好多。但係當想食酸菜魚嘅話，太二應該係香港我食過好滿意嘅其中一間。唯一批評係紅薯粉份量太少、「脆豆腐」似魚片味道無聊。環境： ★★★★☆ 食物： ★★★★☆ 推介度： ★★★★☆

位於K11商場的酸菜魚，是閨蜜shopping完飽餐放鬆之選～服務想是比照內地的規格-上菜動作和口號都是制式化的，櫃子理有type c/apple的充電線，很貼心。自助bar擺放著不同顏色字樣的杯子、洛神花、陳皮和熱水。和姐妹聊天口乾時，喝上一杯酸酸甜甜陳皮洛神花茶，心情也美美的。酸菜魚是二人份的，稍嫌太辣太油，個人理想的口味是辣和酸一半一半。加了薯粉卻不多，寥寥幾條，若男生的食量，大約是吃不飽的吧。聲明：未享有任何試食優惠，本人全額付款。