川粤時空時尚小廚

营业中

休息中

食物很不錯，本本身鍾意食酸菜魚，在openrice search 「酸菜魚觀塘」，就彈咗呢間出嚟，就去試下，嗌咗三樣嘢，一鍋細酸菜魚，一個麻辣土豆絲同埋一個蛋白炒飯，三樣嘢都好食（本身唔係好食得辣，但我都完全食到唔覺太辣）。用咗openrice coupon，全單九折，三樣嘢埋單唔使400蚊，不錯

我最鍾意食辣雞煲麻辣火鍋烤魚水煮系列酸菜魚係最愛見有Youtuber介紹，原本想試任食價錢唔貴又多野食，不過得2個人，又好似食唔到咁多野，所以無試到最後單點酸菜魚($168) 點左中辣同水煮田雞($188) 點左大辣本身睇個價錢都覺得正常，平時其他地方食都差唔多，一黎到真係嚇親份量多到嚇親我酸菜魚($168)超級多魚片，無骨嫩滑，酸菜爽口，湯底清甜酸度足夠，好開胃，只係略嫌唔夠辣底有大量芽菜，蓮藕，萵筍，豆卜，寬粉全部吸晒湯汁勁好食水煮田雞($188)田雞份量都多，煮得好嫩滑，辣度都足夠，面頭辣油可以一直保存熱度，底部同樣有大量配料，同樣吸汁好味呢個價錢，有咁既份量，性價比超值，一定會再黎

今次已經係第三次食呢間每次都覺得佢個名好搞笑😆差唔多每次黎都必食佢個酸菜魚💕勁大份，魚肉滑又冇骨冇鱗，清得好乾淨好多餐廳都好少魚片😌有時同一兩個朋友食，勁快就食哂呢度就相反，食極都食唔完😂😂😂加埋薯粉真係好飽🤣我地仲叫左手撕包菜～諗住點都要食下菜嘅但又有驚喜喎，味道幾好～仲有好邪惡嘅炸饅頭本身一碟有六件，但係佢個樣太吸引人未影得切相，我同朋友已經一人一件😂總括嚟講呢間餐廳性價比好高👍🏻間鋪雖然冇乜好靚嘅裝修，仲要我嗰日去嘅時候壞咗一部冷氣🥵要坐入啲先至比較涼但如果唔係想打卡，淨係想同朋友食餐便飯我覺得呢一間好過好多喺APM入面嘅舖頭🫡

一直都好鍾意食酸菜魚。見到午市有得食，當然要試一試。一望個店名有個川字，好明顯川菜系。川菜以麻、辣、鮮、香為特色。唔食得辣嘅我，當然係揀BB辣。個酸菜魚好足料，魚嘅份量好多，配料有萵筍，藕片，木耳。第一時間飲啖湯先，又麻，又辣亦夠酸，個感覺好刺激，BB辣都唔係無辣度，正正正。每次去試食一間新嘅酸菜魚，都喜歡配白飯，可以變湯飯，更能試清楚個湯。喜歡這間店灑上菊花花瓣，清香配酸辣😍午市$68有個中湯加飲品。（凍飲加$3）環境乾淨企理。