漁粉 (已結業)

係旺角有間漁粉川菜火鍋，價錢親民又好食😋優惠時段12:30-16:30，配料有ABC，小編簡了配料A+B $128。酸菜魚湯底好濃郁，夠晒味，鱸魚片份量好多，魚片肉質很滑嫩，沒有骨，重點係可以任添😍。配料A有美國雪花肥牛•黑豚肉•鴨紅•蘿蔔•萵筍•牛柏葉• 蓮藕•薯仔• 薯粉配料B有•安格斯肥牛•鮮鵝腸 •野生竹笙• 手打蝦滑。手打墨魚滑 • 鮮鱸魚片• 牛骨髓• 水魷 •沙白外面有自助區，有飲品櫃、甜品櫃和配料櫃。自助配料的款式多多，有肉類、丸類、菜類和麵。自助醬料區。

落雨天去做乜嘢？梗係去打邊爐啦！尋晚就揀咗呢間試試佢。本人最鍾意食嘅嘢之一就係酸菜魚啦！當店主俾咗幾個選擇我哋，其實我只聽到酸菜魚，而我最後亦都揀咗酸菜魚，利申：朋友話佢咩都食㗎🤣！佢一拎個鍋出嚟嘅時候我就已經聞到濃濃嘅蒜香味，店主溫馨提示我哋最好唔好滾太耐，盡快食咗啲魚如果唔係就會林晒㗎啦！本身我就好鍾意食有蒜頭味嘅嘢食，加上酸菜魚。但我估唔到嘅係原來酸菜魚配蒜頭係咁夾㗎！而且食落口嘅時候我發覺有啲牛油嘅香味咁樣，非常惹味！連我朋友都話好好味！另外佢寫紙點嘅其他任食配料都唔錯：例如沙白、帶子、鵝腸同埋野生竹笙我都覺得好配合個鍋！牛肉呢就正常啦。可惜嗰晚佢自家製嘅韭菜餃賣晒，未能試到。另外自助火鍋配料嗰度，由於我哋兩個人食晒啲魚再加埋之前点嘅火鍋配料其實都差唔多，所以我主力都係攞少少蔬菜：韭菜啊（呢樣呢火鍋店就少啲出現，本人覺得有驚喜）芫荽啊、菇啊嗰啲囉！如果你鍾意食酸菜魚但唔鍾意酸菜味太勁嘅朋友，我10分推介呢一個酸菜魚火鍋，因為佢食落仍然有嗰種麻辣麻辣嘅感覺（辣到可以選擇）再加上蒜頭嘅香味，朋友同我都食得好滿足。