霸王山莊

营业中

休息中

早前霸王山莊裝修，所以都幾個月無食。之前一直都覺得佢啲麵食幾吾錯，所以今次都系諗住黎食麵既。但我就無叫到午餐set，因為啲小食吾系咁感興趣，單叫左碗酸辣湯麵同一份皇家蘿蔔絲酥餅。可能下午比較忙，舉左好多次手先比人注意到我大約等5分鐘左右啦，酸辣湯麵就到手啦。其實我之前已經有食過，感覺系吾錯既。上到枱發現份量比以前少左，食落味道麵麻麻。個酸辣湯都還可以，但系啲麵系吾掛湯既，食落系無味既比以前水準差很多。而皇家蘿蔔絲酥餅就要等得比較耐，大約15-20分鐘左右，上到枱仲系熱辣辣，應該即炸我記得之前食好似吾系既野樣，不過而家好得意但系味道都仲系好好食！！！我應該下次都會叫，雖然有啲貴

大發現! 午市100蚊有找好去處~黎到呢個霸王山莊~有午市套餐~~我地今日2位去, 一人叫左個麵餐--有酸辣湯麵同担担麵~佢地麵呢有得揀3種: "幼滑", "粗豪", 同埋"黑金剛" (!!)睇個名真係笑左出黎~我地最後揀左酸辣湯"黑金剛"麵, 同担担"粗豪"麵XDD黎到講左酸辣湯"黑金剛"先~佢真係好足料既酸辣湯: 黑木耳, 筍同豆腐乾等等既材料都切哂幼絲, 湯底又好夠濃! 真係似酸辣湯加麵咁--係我想要既野!!咁"黑金剛"到底係咩呢? 其實係薯粉~不過真係好滑又夠爽! 真係要讚一讚自己配搭得宜XP到担担 "粗豪"麵喇~ "粗豪"麵係似厚身既闊條麵, 不過好有趙口!!!吸埋又係傑身既担担湯, 真係好滿足~~個湯底係好似冇花生, 同埋肉碎略少左DD..到點心~我地一個叫左春卷一個叫左馬豆糕,春卷係不值一提既, 素春卷, 好明顯唔係自己包既, 皮很厚, 料唔夠...反而馬豆糕真係MY FAVOURITE--好濃既椰汁再加埋勁多馬豆!!!!有HEART!埋單(連埋每人5蚊茶錢)都係65蚊一位!!!(當然公司9折都令到成件事抵上加抵)~~不過下次可以3個人叫2個餐都夠~個麵真係大到食唔哂!!

晚上7時半左右到達霸王山莊的門口，接待的侍應隨即問入座人數及有否電話訂座！雖然我和男朋友是即慶而沒有預先訂座，但也很快被安排到樓上的二人位。雖然桌子有點狹窄，但環境也算不錯！而且侍應們也不停說︰多謝光臨，請坐！行到二人位便立即有一位侍應送上前菜一碟，是煙鴨胸沙律配芝麻油（＄16）。之後便閱讀餐牌，點了：（1）酸辣湯麵 （～＄46）﹣份量適中！但不太辣，酸辣味可濃點。雖然我平日都習慣清淡，但酸辣沒有酸辣感始終差了少少！幼上海麵應該是用機器做出來的，並不似是人手做，因為麵條每條都很平均！不過質感也不錯，整體尚算滿意。（2）賽旁蟹（～＄65）﹣與餐牌圖片的圖樣完全相同，有四棵西蘭花，蛋白同瑤柱！好味！而且一間放上一隻蛋黄，拌勻後一起進食!很美味！（3）霸王小籠包（＄32）﹣一籠四隻! 熱騰騰的！不錯！但小籠包內的湯汁不夠清甜！有點油膩，但整體味道不錯！皮也不太厚！普洱茶也算不錯，每位茶介＄5！及加一服務費！下次有機會，會試其他分店，也會大夥人一起嚐，可嚐更多不同的菜式!