甜記餃子 (已搬遷) 新店位置

朋友問我試過未，因我住係呢區，佢食過讚口不絕，故我係佐敦做完嘢就打電話落Order 外買，中午食飯時間要排隊，好彩我外買不用等，鋪面好細坐滿人，佢哋都好細心將餃子連湯分開，不用浸得太久，而且湯可選雞湯或魚湯的，餃子料好豐滿亦可雙拼，我點左西洋菜+白菜豬肉，不過西洋菜我覺得有少許苦苦哋，醉豬手甜甜地少少酒味，都值得一試

從太子直到長沙灣一帶，突然好多餃子店開張，雖然餃子係傳統食品，但唔知點解無啦啦潮流興食餃？放工O完T，做到周身散，想餃餃震鬆返吓，於是走去餃子勢力邊緣—長沙灣餃吓嚟到唔係唔餃先呀？湯底番茄薯仔魚湯，順便補充營養豬肉餃味道經典羊肉好勁孜然味，好有草原feel湯完就要任性吓，煎餃照殺牛肉餃好似食緊漢堡扒餃，幾特別雞肉餃都有，仲有大胃最愛嘅芝士𠻹，加上粟米，口味好兒童冇澱粉落肚，可以更放肆嗌小食，牛𦟌好入味，底下仲有蔬菜減低罪疚感明目豬手，雖然大胃偏好腍身啲嘅豬手，不過凍食豬手嘅話，爽口啲反而更好吹水冇奶油唔預口水雞啦因為冇點餐，所以飲品另加錢雖然位置偏遠咗啲，地鐵站行去都要左穿右穿，不過換來滿足一餐，不亦樂乎

甜記餃子大大隻，見到姐姐坐在後面不停手係咁包豆漿同洛神花茶都幾清，配餃子一流肚餓可以加麵，但係我鐘意食餃子，都係要淨餃子蝦子蠔油菜芯，幾多蝦子，好香口，菜芯粗大又甜口醉豬手，爽口，酒味唔太濃郁，有少少毛醉雞有隻大雞脾份量，酒味都係唔太濃，肉質一般叫左牛肉及羊肉煎餃，香口，肉味濃，皮有D油，似乎湯餃好食D湯餃大大隻，叫咗椰菜冬菇雲耳豬肉餃同西洋菜豬肉餃，有好多菜，好健康，鮮雞湯清清地冇味精。好有屋企住家飯感覺！

朋友住附近話新開左街坊美食🤔😳☝🏻認住lee 個tiffany blue 既門口☝🏻就到嫁啦😆下午茶時間黎到！唔洗等位 幾好☺️嘩！見到季節限定無得唔試試佢🤪係供啦！西洋菜豬肉餃！係你啦出黎啦😂（因為近排玩緊Pokemon )叫左兩杯洛神花茶☺️ 健康少甜既野 要試就緊係試曬！煎同湯餃啦！重配個台灣麵😎煎餃就係傳說中既季節限定😳西洋菜！豬肉餃D 料多到爆曬出黎🤪西洋菜唔會好老到咬唔爛！條條分明☝🏻而且外表炸得好脆😆湯餃都好足料！ 皮唔會好厚☝🏻叫左白菜豬肉同 韭菜豬肉🤔兩個都唔錯！唔會乾身 夾起身都唔會易爛👏🏻醉豬手有7 件😆豬皮好軟好易咬！啖啖既酒味！ 唔會有個份"重味精"感覺成為$139 😎☝🏻

是日行過長沙灣區，因為好鍾意食餃子所以撞入去。店內雖然不大但樓底好高，亦坐得好舒服，一d都唔逼。唔算好肚餓，叫左牛肉煎餃、羊肉煎餃雙拼，羊肉煎餃一入口超重羊味，重要爆汁超好食！羊愛好者必叫。牛肉煎餃個味比較清但都同樣爆汁好好食。餃子大細岩岩好，而且唔會好似出面好多舖勁厚皮，皮同餡既比例岩岩好。如果肚餓可以加少少錢加個面底，但我想叫多個小食所以無加到小食選擇好多，個日無咁想食辣所以叫左醉豬手，平時多數食德國個種炸豬手，估唔到呢種醉豬手更多食！酒味唔會太濃太淡岩岩好，非常入味。食落一d都唔肥膩反而好有咬口，岩曬我鍾意補充骨膠原。同老闆傾左兩句，原來先開咗無一個月，未來仲會想推多幾款小食。講真差唔多價錢如果唔想食茶餐廳咁悶不如黎呢到食d有誠意既野，高水準小店值得大家既支持！