小南國 (已結業)

諗住幫2位好朋友搞番個1月份生日會，見屯門市中心開左間小南國，就過年之前預早book定位，準備過年後黎試下喇~當日book左7點鐘，但我地早左，6點8、9個字就到左喇，咁佢都預備左枱俾我地入^^6點幾，出面都已經好多人喇... 可能係新開啦... 不過都發覺而家屯門市中心多左好多自由行旅客...一坐低，個待應居然... 同我地講普通話?!再舉頭一望，發現有7-8成都係自由行客人...唉... anyway，餐廳環境都唔錯，可能新裝修啦﹗都坐得幾闊落，為左等齊人，我地坐低左成半個鐘先叫嘢，d人都無摧我地...我地一行6人，叫左個4人餐再加d餸咁啦~糖醋排骨ok，但個菜卷d味就好怪...佢跟餐有4隻，咁我地6個人就另外叫多籠啦... 點知另外叫嘅係得3隻個砂鍋雲吞雞都幾清幾好味~唔知咩黃魚，好好味 ^^清炒河蝦仁... 好爽口... 咁細隻唔知會唔會剝殼剝到想喊呢??炒菜心，一般ok啦~老媽紅燒肉，係茶樹菇燜五花腩，好肥但好味~醉雞係另外叫嘅，都幾好仲有雪耳雪梨糖水!! 都真係堅飽﹗因為係慶祝生日，所以我地都買左蛋糕黎~ 加左$50切餅費總括黎講都幾好啦~ 不過一定要記得book定位...