金滿庭京川滬菜館 (時代廣場) (已結業)

今日忽然想食小籠包,男朋友媽咪介紹食尼間中菜餐廳,食物不過不失,味道唔差,環境尚算可以。今日係星期二,午餐時間人流唔算太多，坐得幾舒服,但當中點菜時發生咗D小插曲,嚟咗一個唔係我哋原本點嘅麵,同部長講返嚟錯,但之後服務態度就大不相同，令人覺得有D奇怪⋯⋯本人覺得服務麻麻哋,有待改善。

係銅鑼灣想平平地食有小籠包既中菜，見一排無食金滿庭，臨last order前入座，被安排係一入門口既路口位想入裏面坐話close左喎，算啦無乜所謂，都係想快快手醫肚姐。前菜(應該要收費) 好大兜，魚仔脆得黎幾好味喎，啱送啤酒想食清啲，叫左個清湯拉麵，無餸的，果真好清。麵線質感唔comment 喇，只可以講筆者唔識欣賞。整體無乜特別，好大碗囉。全晚最好食既係呢碟前菜醉雞。幾好酒香味，有好多件。食到呢到已經發現，呢間餐廳乜野都大碟過人。。。京川滬菜館好多時都有松子魚，一般都唔平，隨時叫價三舊，我見呢到收百六蚊，又想食d酸甜味既菜咪叫囉，點知最伏就係佢！ 照例又係好大碟，條魚大到兩個人都食唔哂，炸得唔算好油，但無脆口，最最最伏係個汁 酸到無朋友，呢期醋價崩盤唔駛本呀？其實，中菜酸甜汁，酸味唔應該只靠落白醋，醋味好死好攻鼻架，所以有人咪話要用山楂煮汁囉(筆者無深究是否正宗做法) 。。。 呢道菜食得好辛苦，太酸兼有近乎wasabi 既攻鼻感，堅差奶油津白無乜特別，奶油好似白汁(預左係咁，唔係投訴), 津白灼得好腍，ok啦。依然好大碟，菜食多d都好既。。。最後又係京川滬餐館必叫又可作水平參照既經典

同家人book左6點食.呢度食晚餐有2輪，我地食第一輪.叫完上菜時間好快，岩晒我地呢D唔等得既香港人.食物方便就ok，冇話特別好食，又冇話特別難食.每樣水準都平衡.其中小籠包好食！皮不厚，多汁，推介！時日叫左好野食，埋單都唔貴，仲有多.呢間，有下次

時代廣場食通天大翻身, 金滿庭由原本10樓喬遷至現在既13樓~ 人流比以前少左! 但相信戲院開埋之後應該會去返以前排晒長龍既景況!搬左之後都無黎過, 今日就同未食過金滿庭既同事黎依度食晚飯! 2人枱比其他大枱等得無咁耐, 15分鐘左右就到我地了   一坐低侍應就奉上menu同餐前小食! 餐前小食就次次都唔同, 有時係油爆蝦有時係豆腐~ 而今次就係蒜蓉拍青瓜~ 本身已經想叫蒜蓉拍青瓜做頭盤, 而家可以慳返! 青瓜夠晒凍, 加埋蒜蓉同辣油真係既開胃又惹味!友人想食醉雞, 所以叫左一碟做頭盤~ 黎到見到以為好細碟, 點知"撩"極都有! 份量唔少! 雖然顯然係冰鮮雞, d肉都算滑! 紹興酒味亦都夠濃! 因為太想食小籠包, 就算得兩個人都叫左一籠(共8粒)黎食下~ 本人覺得翡翠拉麵小籠包同金滿庭既小籠包水準都好接近! 皮簿但又唔會一夾就爛~ 但金滿庭小籠包裡面既湯汁就好似唔夠翡翠拉麵小籠包個度個d濃! 好在湯汁夠熱同個餡食落都好香, 豬肉一d都唔"un"~ 因為得兩個人所以食唔晒, 建議有4粒一籠方便少人時都可以叫黎食下 奶油津白係我既最愛!! 衣度真係整得好好食! 奶油夠多又夠香! 津白亦煮得

特登揀下午茶時段去,因為平d...(真係好抵咖!)我地2:45就到左, 要攞飛,等3點先可以入去,就係咁, 等左15分鐘...睇完餐牌,我地叫左兩個下午茶餐, 各$52,另加一個醉雞, $70.(下午茶時段免茶芥免收加一, 餐牌內食物有八折)大家一齊睇下張menu啦,我地分別叫左雞絲粉皮, 燻魚, 傻佬炒飯及回窩肉粗炒, 燻魚雖然只得4件, 但真係好好味, 又脆又甜甜的... 好少骨...相比鼎泰豐果個超多骨的, 呢個真係食得好方便!雞絲粉皮亦好好味,花生醬, 青瓜絲, 粉皮同雞絲,百吃不厭~!個傻佬炒飯, 每次必吃,有蝦仁, 大蝦米, 鹹蛋黃, 肉鬆, 仲有d好似係葵花籽仁...加埋一齊炒...大家去試下就知幾好食咖喇~!至於個回窩肉粗炒...就略嫌多油左少少...但都ok... 個醉雞好好味...每咬一件入口, 都感覺醉醉的...哈哈~!雞肉好鮮味~!~!~!本人誠意推介...人參烏龍...茶味少苦但回甘...令人一飲再飲,,,!!!!! =]