雲來軒 (已結業)

從未試過這一類中高價類的中菜但試過你會覺得物有所值，即使價格比一般中菜館貴首先你會發覺她們的開胃小菜已經跟平時的開胃菜有分別＜避風塘芙蓉茄子＞從未想過避風塘＋芙蓉＋茄子原來可以出現在同一款菜式裡面更想像不到原來味道是可以這麽夾避風塘帶來的咸辣香脆加上芙容可以平衡菜式的油膩感＜安格斯牛柳粒＞安格斯牛柳就是這道菜的靈魂，加上芥末沙律汁。推介！＜拖地蜜汁黑豚肉＞以傳統廣東叉燒的煮法去燒黑豚肉，燒出來的那種香，甜，脆，加上黑豚肉本身的肉質鮮甜所有叉燒王都要比下去＜清爽釀蟹蓋＞＜醒胃話梅雞＞一款比較少品嚐過的菜式酸酸甜甜，伴飯一流，份量多而且食得多亦不會覺得膩

今日約左幾個朋友食飯，其中朋友介紹呢度的食物有水準，所以就訂左呢度食飯。入到去環境光猛，簡潔，寛敞，我們被安排坐在卡位的最後位置，比較清靜，侍應放下小食，小食入面，除左有花生外，我見個小食有啲一片片的東西，食落應該係南瓜片，食落都幾得意，又脆，又甜甜的。一路食就一路睇下餐牌的小菜，餐牌入面好多小菜賣相都相當吸引，唔知食落又會點呢？我地太多小菜想點了，好在個侍應好nice咁推介左幾款小菜給我們，跟著加多幾碟就搞掂！第一味上枱係侍應推介的金磚豆腐，全碟金黃色，炸得好靚，賣相真係相常吸引，所以忍唔住立即拎起筷子夾黎食，面頭炸得好靚，好薄，入面豆腐好滑好滑，沾埋喼汁真係冇得頂！唔怪得係推介小菜啦！真係好正！第二味係杞子花膠濃湯浸時蔬，我們選了用白菜仔，入面濃湯令到白菜仔好甜，花膠都唔少，面頭除左有花膠，我們食到一塊塊爽口的東西，幾好食的，一問之下，原來係名貴的羊肚菌，羊肚菌對身體好好的，口感又好，令到成個菜生色不少！第二味侍應推介的係新會陳皮香酥骨，香酥骨炸得好好，唔油膩，細細件一口一件，面頭好香好鬆脆，沾上十五年陳皮製造的陳皮醬，真係不得之了，個陳皮醬好香，陳皮味好出，同個香酥骨簡直係絕配，

是晚同一眾好友相聚，朋友選左呢間新派粵菜，雖見價錢都唔太平，但大家都躍躍欲試。 朋友已訂枱，所以去到都唔使等。對唔熟尖沙咀嘅朋友嚟講，酒家位置係有少少難搵嘅。上到酒家，其實地方比較細，枱與枱之間位唔多，但都光鮮企理嘅。 我地坐低後，因未齊人，都傾一陣偈先點菜，侍應都無催我地。 上菜時間一般正常啦，侍應態度都良好嘅。我地都點左8碟餸，真係有讚有彈。其中最掂嘅係脆皮牛仔腩，肉嫩唔黏牙，仲有脆脆嘅外皮，正!  話梅雞都ok嘅。 而最唔掂嘅，我覺得係星洲炒米囉，茶記果D都炒得香過佢。 當然雜菜煲都係勁普通，可以唔使叫。 而陳皮骨嘅份量就少得可憐，真係預你一人食一粒，同價錢唔成比例啦。