吞POT 雞煲火鍋.住家菜 (譽發廣場) (已結業)

吞pot火鍋位於譽發廣場22樓，今日傍晚時分食呢一餐，有個日落黃昏景22樓個view真是好讚😻😻好彩，坐到窗邊位，可以嘆住呢個景，一邊食雞煲一邊睇靚景😄😄火鍋配料頗豐富，有以下各種（九宮格）可以揀叫了一個重慶麻辣雞煲（半隻）小辣 $198雞煲料多、辣得野味，食落雞肉好惹味，質素幾好，無得挑剔。另外嗌了一碗白飯$15餸呢個雞煲一齊食食得七七八八，可以加水就變打邊爐😆唔好哂左咁惹味的雞煲，所以還點了唐生菜$42 & 鮮冬菇$42 溝一溝，份量多又抵食唐生菜$42、鮮冬菇$42食的其間店員都有照顧好我既需要，服務very good，上菜快、主動加水，好似知道我的需要咁，讚讚讚👍🏼👍🏼👍🏼最後加埋一，今餐食了唔駛$440😎😎

經網上預先訂座並於晚上七時三十分前結帳可享火鍋配料及小食半價優惠，餐廳五時三十分才營業，所以只能用餐兩小時。其實我並不是為了半價優惠而早吃晚飯，純粹假期總會睡得晚，在家只是隨便吃點東西，早些吃晚飯更適合，可是店員說即使願意付全數也不能逗留超過兩小時，對於進食緩慢的我來說頗頭痛。醬料每位收取$12基本選擇齊全，一般非連鎖式火鍋店差不多都是這些了。來這裡吃火鍋很大原因是看中環境，店子位於23樓，配上一面落地玻璃窗，坐在窗旁往外看挺舒心。原本想着日落前來吃，正好能欣賞黃昏美景，不幸當天傾盆大雨，景色都被雨水模糊了。入口處置放大魚缸，養着魔鬼魚和一種我不知名字的魚，挺有特色。吃火鍋配可樂是常識吧，來一杯大檸樂順喉。選了香辣雞煲走辣半隻，效果是甜甜的帶微弱的麻，挺惹味，雞肉不算很嫩，但亦屬合格。手打四寶丸價錢$118，吃不出手打的爽口嚼勁，近似是山竹牛肉的口感，最大問題是特別咸，不過蝦丸味道的確挺鮮，但這個價錢與質感，還存在着特別咸的問題，實在欣賞不來。脆肉鯇腩肉質爽口，可惜帶泥味，令味道大打折扣。豬頸肉片是當晚最好吃的食物，吃第一口有被小小驚豔到，豬肉味非常香濃而不膻，肉質爽，令人留下深刻印象

今日與友人一年沒見，決定打邊爐。因朋友在油麻地放工，決定在這邊找打邊爐的餐廳，看見這打邊爐店好多好評，決定一試。位於22樓高的餐廳，場內感覺舒適，亦有景觀，雖然不是坐在窗邊，但都感覺良好。我們細看餐牌，都有很多選擇。我們選擇了有名氣的胡椒豬肚雞煲，亦叫了手打系列-手打黑墨丸，這是我們最期待嘗試的。另外亦叫了蔬菜籃、脆肉腩片和兩杯凍飲。職員先給我們調味醬料，選擇多。凍飲亦很快到，一杯$38，大大杯，夠一晚飲用而胡椒豬肚雞煲很快就到了，上菜時職員告知，雞煲已可品用我們急不及待嘗試了雞件，味道果然不錯，雞很滑，亦大大件，而且份量也很多以二人份量絕對是吃不完的，如果三至四人來會比較好不久，其他食物很快上菜，脆肉腩片和黑墨丸，份量足夠，味道也很不錯👍🏻墨丸也好彈牙，我們也很快吃清光我們最後先吃豬肚，因為怕一開始吃會太硬，待淋一點先吃。果然，豬肚淋了易咬口，而且入晒味蔬菜籃最後先到，清一清腸胃後，便滿足地離開！總括而言，味道很不錯可以encore再來，如果一堆人一起吃更可以嘗試多點手打系列

我一直覺得要食高質雞煲配高質火鍋料就一定唔可以揀d任食🤣，咁先可以精細品嚐到每道火鍋料。今次去咗一間朋友一直都好想去食既「吞pot」，一入到去已經俾個環境吸引咗，落地大玻璃，22樓俯瞰哂成個旺角。可以坐係窗邊位一路食一路望。 😝一坐低店員就會拎定醬料俾我地揀定，唔洗走黎走去，仲要有9種選擇，我就必定揀芝麻醬同沙嗲醬，配搭牛肉一流！ 😋坐低冇耐，揀左重慶麻辣雞煲，就即刻上左雞煲，店員話d雞已經熟咗，可以食住先。 唔怕餓住等。 我地一路食一路點配料，叫咗個十全大寶丸，一共有5款，共十粒，呢5款真係寶，先唔講全部都係新鮮手打，仲要有芝士牛丸，蟹粉，黑松露，海膽墨魚丸同埋我最愛既鵝肝蝦丸。 樣樣都好高質。🥰 手打芝士牛丸食到舔舔脷，黑松露夠哂香，最估唔到係鵝肝配蝦丸係咁match! 入面仲要大大粒鵝肝🤩，真係自家製好好味！ 另外，打邊爐點可以冇肥牛😆，叫左碟特級美國肥牛過下癮！肥牛夠哂大碟又切得靚，滾起上黎岩岩好！