海街丼 (東港城)

营业中

休息中

難得爸爸收早，今日同阿女去完街特登去搵爸爸一齊食飯🥰黎左坑口既海街丼食日本野😍呢度既佈置好靚，充滿日本風，有吧枱亦有卡位☺️今次係平日晚上六點半入座，唔使等位☺️Menu有好多選擇，花多眼亂😍最後我地叫左：🧡醬汁吞拿魚丼賣相非常精緻，一上菜店員好細心咁樣講解食法。綠色小碟係啫喱醋，好特別☺️可以自己撈成醋飯，食淨三份一時可以醬湯壺入面既湯汁倒出，加入芝麻、蔥粒同埋玄米粒一齊食✨平時我好少食吞拿魚，因為覺得有時會有陣魚腥味，但呢度完全唔會！吞拿魚片配埋醬汁非常好食，整體好有鮮味！三文魚子非常新鮮，晶瑩剔透，吞拿魚蓉都非常鮮甜，完全超出我既預期，勁好味!😋😋😋😋😋 食到最後加入湯汁，湯汁嘅味道鮮甜，熱辣辣，配埋一齊食另有一番風味😋🧡炸雞件雞件非常鬆脆，即叫即炸，一上菜聞到好香既炸雞味，面頭灑上左少許胡椒，好香口😋炸既火候啱啱好入面多汁肉嫩，好好食❤️😍🧡炸昆布獅子狗卷獅子狗外脆內軟，鬆脆香口，獅子狗嘅質感軟棉Q彈，食到少許昆布香味，唔錯😋整體真係好正，食物質素高，用料新鮮，餐廳裝潢充滿日式感覺，下次要再黎試下唔同菜式😋❤

聽聞海街丼既魚生丼飯可以一飯兩吃 happy friday專程黎試下 系忙碌既生活上尋找小確幸🥳每一個丼飯都跟海鮮魚湯同埋前菜 上餐嘅時候店員問我哋有冇曾經食過 我哋表示冇食過佢就好詳細咁介紹俾我哋知佢哋推薦嘅食法💁🏻‍♀️ 除咗可以當係普通丼飯食 亦可以試吓加透明啫喱狀嘅醋好似壽司咁食 食到飯得返三份一嘅時候可以落埋支魚湯同埋前邊嘅芝麻紫菜配料就會可以有茶漬飯嘅食法🍚🌊海宝丼 【上】$160賣相相當豐盛 材料有吞拿魚 油甘魚 章魚 穴子 蛤蜊 小扇貝 鱈場蟹 三文魚子 青瓜鱈場蟹拆左肉 鋪滿左半個丼飯 岩曬蟹控胃口👍🏻 足料得泥又好味 難怪系人氣之選💯🐟醬汁吞拿魚丼 $190除咗有醬汁吞拿魚之外 仲配左吞拿魚蓉同三文魚子 醬汁鹹鹹地仲有少少好輕微嘅辣好特別🍣💭一個丼飯餐可以有三種食法 好有新鮮感🤟🏼另外雖然餐廳喺商場入邊 但無論門面定係入邊裝修都好日系 好有日底居酒屋feel🏮好享受嘅一晚😌