立体派拉麵 (威靈頓街)

营业中

休息中

禮拜六午市人坐滿,前面有兩人排隊,等左十分鐘後由服務員姐姐帶位,睇左餐牌後先發覺限定拉麵要兩點後先供應,唔緊要,反正第一次黎,先試下d basic野先,雞醬油拉麵,先飲個湯,濃濃既煙燻雞味再出醬油味,有層次感,麵質煮得唔淋唔硬,啱啱好,雞肉&叉燒都好讚,醬油清湯拉麵,滿滿醬油味,又唔會淡而無味,再加竹筍牛蒡漬,酸酸甜甜,令人食慾大開,只略嫌硬左d章魚小丸子一咬已知係袋裝工場貨,就算落多左d木魚都掩飾唔到,以為係佢地自家製,我真係諗多左🤣🤣,而且工場貨收呢個價錢有d貴.....綜合評分,味道&服務都好,會再光顧

咁啱嚟到中環但撞正落雨，就揀咗間近近地又一直想試嘅拉麵。見到佢地雞白湯都幾吸引，但見到隔離枱嗰碗超大兜就放棄咗，叫咗碗醬油清湯試吓。個湯底都幾鮮甜、又唔會太鹹，荀好食，不過慢煮叉燒就麻麻地（我都係比較偏好有啲厚度嘅肉，慢煮叉燒太薄了冇乜咬口）。奇怪嘅地方係，食完返屋企嗝返啲胃氣出嚟嗰陣，口腔入面陣味居然仲香過餐廳入面食嗰陣😂😂可能因為上菜嗰陣啲蔥太生（超大量蔥），食完嘢響胃入面整到佢半熟反而仲香。其實係咪因為個湯底冇乜點落蔥去煮呢？真係唔太清楚

位於中環威靈頓街的立体派拉麵，位置有別於一般地舖，需在大廈旁的樓梯向下望才見到燈牌，樓梯還立著私人地方閒人免進的牌牌，為這間日本拉麵店增添一分神秘感。周未的下午5點，店內只有三名孤獨的客人。店內播著抒情的日文歌，一名店員輕聲地招待客人，另一名則在角落的桌子處理文件。店內清一色白楊木桌椅，配以灰色水泥牆和黑色的框架線條。明亮的黃色燈泡全都亮著，照著牆上色彩分明的幾何圖案畫，整體風格溫馨又不失個性。- [ ] 醬油清湯拉麵($88)湯頭味道不會過濃過鹹，反而有一絲清甜配上拉麵剛剛好。叉燒薄薄一大片，無甚特別，最讓人驚喜的是荀，柔軟鹹香，十分開胃。- [ ] 名古屋風雞翼($48)雞翼新鮮炸起，上面灑了彩色芝麻十分誘人，一口咬下去肉質嫩滑，然而味道過鹹，雖只有四隻，仍讓人吃完大喝清水。

適逢沙田首個賽馬日開鑼，跟小學同學伉儷一同去中環士丹頓街的投注站，用了＄20，買馬和六合彩，當買個希望！結果，我倆都成為慈善家星期日中午的中環，部分食肆也沒營業，好友非常細心，一早已搜尋了一間位於威靈頓街後巷（鏞記燒鵝斜對面）的隠世人氣拉麵店-立體派拉麵，我們到達的時間尚早，未見太長人龍，稍等一會，侍應便安排入座，餐廳要沿樓梯上一層，空間不算大，四周設有半卡位，在中央位置，有一張長長的枱，原先食客可以對望而坐，或許因應疫情關係，加設了透明的膠帆布，與天花板下的黃色吊燈泡，出奇地好看！仨個人，點了三個拉麵丶小食和飲品，包括：特級白湯拉麵、九味醬油湯拉麵、醬油清湯拉麵、脆炸雞、櫻花可樂、綠茶可樂丶柚子汽水三款拉麵的份量十足，拉麵上滿佈芽菜丶蒽條等配料，拉麵的麵底，也十分彈牙丶爽口，至於湯底方面，特級白湯，很有濃濃的鮮雞味，其餘兩款湯底則顯得平平無奇，九味醬油湯拉麵，還另配上肉質入味，尚算鮮嫩的豬肉，為它加回一點分數！脆炸鷄，份量合理，夠熱丶鬆脆香口，不算太油膩，配上清酒品嚐，也是不錯的選擇飲品方面，全部是玻璃樽裝，味道也不錯，當看到柚子汽水，眼前的「富士山」招紙，只得幻想自己，去了日本旅行

🍜特級白湯(小) $88😋：8/10有另一個大啲既就$118真係好大碗下🤣都幾多人叫小都唔係話特別細 即係正常size湯底幾濃但唔會油膩味道啱啱好 又唔會太咸！幾欣賞佢啲竹旬係有用黑椒調過味幾特別 都幾好食叉燒好軟身 幾嫩滑下🐖味道都唔錯～🍜醬油清湯拉麵 $88😋：7/10呢個湯比雞白湯更清滲出淡淡既醬油味唔算濃味 不過飲落會覺得係舒服非重口味人士可以揀呢個🤣🥟林隆臣餃子 $48😋：6/10呢個係自家製既餃子都係正常日式餃子既質素😂可以試下其他小食 冇咩特別👅總結：想食雞白湯拉麵既時候會翻兜呢間🥴叉燒真係幾出色～似係慢煮既！濃豬味又嫩滑😛同埋麵條都幾彈牙😋不過食完過左陣會覺得有啲口渴😂飲多幾杯水先走🤫佢仲有個鯖魚湯底好吸引～有機會下次試下😋🤔呢間位置都幾隱蔽雖然佢都係地鋪黎係要行條樓梯落一層左右咁❣️有收加一服務費🍜🥟🍜🥟🍜立体派Ramen Cubism💸價錢：人均～$120📍地點：中環威靈頓街27-29號元益大廈地庫

碗拉麵賣相超靚⭐️塊肉片又薄又肥美又軟稔稔 入口即溶 食完齒頰留香🤤碗醬油清湯一飲落就非常好 唔會太稀唔會太鹹😃麵粗幼、軟硬適中 唔係味X連鎖拉麵嗰啲鮮黃色拉麵🤔總括而言 食得出日本嘅感覺🤩評分 (out of 5⭐️)味道 Taste: ⭐️⭐️⭐️⭐️⭐️價錢 Price: ⭐️⭐️⭐️⭐️服務 Services: ⭐️⭐️⭐️⭐️位置 Location: ⭐️⭐️⭐️⭐️⭐️回頭率 To Return?: ⭐️⭐️⭐️⭐️⭐️

舊年新開從曰本開過來的拉麵店，12:15pm去到不用排隊，即管試一試。我點了特級白湯拉麵（$118) 極有期望因為食評都讚口不絕。湯底都幾鮮味，不是清甜的那種。叉燒肉切得好薄，不會好油膩，醬油蛋都不錯。可惜說是大size,就是個碗好大，及麵多小小。朋友點了醬油清湯拉麵（$88），她說湯底不油膩，頗清。本身真的好想試他們的冷熱鹽味拉麵，可惜已沒有了。午餐餐牌亦只得五款的拉麵可以選擇，吃了不久已開始有人龍排隊，所以當我差不多吃完，店員亦提示我們他們希望我們可以快些給回他們枱再做另一輪生意。一般來說，不是十分吸引的拉麵，但一試也無防。