麵道 (已結業)

石門有一間拉麵店幾人氣 聽聞好好食 又係良心小店 每次經過都見到大排長龍  今日係閒日中午 見到條隊唔算長 就決定試下佢啦！剛入店  店舖雖然裝修普通  但侍應很熱情 笑容燦爛 待客有禮 吃麵期間 偶然會聽到員工之間閒談 有說有笑 氣氛融洽 相信佢地係到工作得都幾愉快。醬油豚骨湯拉麵 $77整碗湯呈乳白色 個湯底飲到係非常濃郁嘅豚骨味 飲落去個下 每一淡都係膠質十足  湯底 有兩種層次 先係濃厚嘅豚骨味 後有回甘  再配上掛湯能力高 咬勁滿滿 嘅 拉麵  真係可以話係好優秀嘅拉麵  然後 一定唔少得提及 兩大塊嘅叉燒 軟嫩不柴 肥而不膩  入口即化  仲有微微嘅焦香 拉麵店仲送汽水 一口拉麵 一口汽泡水  真係超級滿足！極推介經過嘅朋友都可以試下呢間拉麵店 ！佢真係唔輸比好出名嘅拉麵店 ~

石門宜家已經從工業區慢慢變成一個好有活力既新區。附近又有好多酒店落成，區內亦多左好多居民。變相唔少得周邊嘅配套亦會更加完善。從石門地鐵站一出就見到麵道！其實一直想試好耐，但係次次去親石門都已經諗好咗食咩，所以之前一直未有機會試。🥹麵道舖頭面積唔大，坐到盡都係20個人左右。門口有寫住每日限量拉麵供應，當日我哋點幾兩點去到問店員仲有冇，店員就話仲有，所以入咗去試。😁味玉伊勢海老豚骨拉麵（$93)，另外加多$25可以跟餐。非常建議大家跟餐叫，包一個小食同埋嘢飲，價錢十分相宜。😎呢款拉麵屬於比較濃味嘅拉麵，個湯真係冇得頂。👻你直頭feel到佢連蝦殼一齊落去淆湯，飲得出好濃嘅蝦味，唯一嘅問題係食到後期，會開始覺得鹹得滯，有少少苦苦地。醬油豚骨湯拉麵（$77)，聽講係呢度嘅招牌菜，個湯飲落唔算好濃，整體味道屬於中上水平。一開頭同上面蝦湯拉麵比較，確實係會遜色咗少少，但勝在食到最尾都好舒服，相對容易入口，感覺亦都冇咁邪惡。😂😂兩個簡單小食味道中規中矩，但係以$25嘅價錢來講冇得挑剔，仲包埋嘢飲。👍👍兩個人食到捧住個肚離開埋單$220 ，以呢個水準嘅拉麵來講絕對收貨。

石門站C出口一出就見到呢間麵道3點幾先去到去到得返豚骨湯同埋伊勢海老豚骨湯醬油豚骨湯拉麵$77加拉麵 $15豚骨湯用大量豚骨熬煮12小時以上豚骨湯味道濃郁經過可以一試味玉伊勢海老豚骨湯拉麵$93溏心蛋味道略鹹湯底雖說用大量蝦頭蝦膏熬煮而成但海老味道不重整體不過不失以下附上餐牌