餃掂手工餃子雲吞專門店

重慶鮮肉雲吞(52hkd@18隻)雲吞皮未去到超薄，入面嘅豬肉餡都幾飽滿扎實，入面仲包埋雲耳，上面有層薄薄嘅辣油，帶起個麻味，叫中辣都幾過癮😝壽喜燒牛肉餃(58hkd@7隻)餃子🥟勁多汁，一咬落去真係爆汁，仲彈到我個frd😂皮幾薄，食到壽喜燒獨有嘅甜醬油😍居然有日式餃子嘅感覺，肉都幾飽滿😎龍鳳松茸煎餃(98hkd@8隻)有白松露同黑松露，第一啖咬已經勁香，完全唔會有豬肉腥味，餃子都一樣做到焦邊，咬落好香脆，一如既往咁爆汁，推薦😍四川涼皮(32hkd)同我之前食過嘅涼皮唔同，佢唔係用花生醬，而係用花生粒本人🥜增加唔少口感，叫中辣都幾辣其實🥵#foodiblum中式

我返工間唔時會去「餃掂」太子總店食晏，呢日去開西環尾買嘢，行經先知原來佢都喺呢區插咗旗⛳️。出面落緊雨，廢事行嚟行去就入去食個快飯吧。西環店裝修簡約，餐枱排列整齊，冷氣充足👍，整體感覺同太子總店好唔同，呢度似主力做街坊生意。唔同分店嘅餐牌都大同小異，餃子以外仲提供多種小食。定價方面，我認為係比市面上其他餃子店較高，但要食到飽人均消費一百蚊內搞得掂，所以都OK👌。至尊松茸豬肉餃($79/8隻煎餃)，🥟餃子好大隻，外層煎至金黃色，微微脆。由於餃皮厚，所以肉餡唔易穿。豬肉餡夾雜住松茸，香味頗出，但略嫌少咗菜粒爽爽嘅口感。隨餃子奉送一碗狀元九鼎湯，冇落味精，口味偏清淡。重慶鮮肉雲吞($40/12隻)，個人鍾意呢種小雲呑多過餃子，因為雲呑皮好滑溜，而且細細粒一啖食得哂。呢個大小讓人不知不覺間食咗好多粒，食上癮，四十蚊有一打好抵食。湯底有得揀辣度🌶，我哋要咗小辣，香麻多過辛辣，好惹味。四川涼麵($30)，涼麵雖然無餸，但都好足料，花生粒鋪滿面。🍜麵條幼身，爽彈唔笠口，撈辣汁或麻醬食一樣得，得咗。小朋友先選擇，我就兩樣都要。蜜餞雞翼($24)，雞翼幾正，外脆內嫩，早知嗌五隻啦🍗。蜜餞味道甜絲絲，甜度無