Cakebearbear

营业中

休息中

呢日帶住大少、小妹同親戚響東岸海濱公園嗰邊玩完，行左去親戚推薦呢間熊餐廳食嘢，小朋友當然好開心。望到咁多熊寶寶，好治癒！而且餐廳裝修以粉色為主，乾淨企理，座位非常舒適。小朋友不停叫我幫佢哋影相，打卡真係一流！😍估唔到嘢食都相當出色。😋明太子忌廉大蜆意粉:大蜆非常大隻、新鮮，明太子忌廉好Rich，意粉彈牙，加埋蟹籽食，口感一流，非常美味！紐西蘭草字無激素肉眼牛扒配薯角:牛扒好大塊，七成熟肉質夠腍又多汁，配埋外脆內軟嘅薯角食，完美配合！金沙單骨雞翼:呢個金沙骨雞翼，上枱嘅時候熱辣辣，用鹹蛋黃嚟炸雞翼，雞翼香脆，咬落啲肉汁流晒出嚟，仲有鹹蛋黃嘅鹹味，非常正！玫瑰鮮奶:熱玫瑰鮮奶上面有個好可愛嘅紅啤啤圖案，鮮奶配埋玫瑰，香氣四溢，飲落甜甜地又暖胃。焦糖哈密瓜棉花糖窩夫配雪糕:燒過嘅哈密瓜，面頭焦香，脆脆地，咬落又甜又多汁！配埋外層酥脆，內層煙靭嘅窩夫，加埋棉花糖同雪糕食，非常可口嘅甜品，必食推介！

可愛熊餐廳呢日同大少、小妹去咗炮台山呢間餐廳食午餐，呢間餐廳裝修好夢幻，又有好多啤啤熊，佢哋嚟到超級開心。黑松露帆立貝意粉:帆立貝的鮮甜與黑松露的獨特香氣完美結合，，意粉煮得恰到好處，Q彈有嚼勁，與醬汁的搭配非常協調。黑松露牛油雜菌:雜菌的鮮香和黑松露的香氣為整道菜帶來了豐富的風味。牛油的滑順口感與黑松露的濃郁味道相得益彰，讓每一口都充滿了層次感。金沙單骨雞翼:雞翼裹上金黃的鹹蛋黃碎，外脆內嫩，口感極佳。金沙鹹蛋黃的鹹香與雞肉的鮮嫩完美結合，讓人一口接一口。士多啤梨熊仔窩夫: 呢個窩夫非常吸睛😍，打卡一流。響窩夫上面瞓咗一隻啤啤熊，非常可愛。窩夫外脆內軟，充滿蛋香，非常美味。洋甘菊茶: 洋甘菊茶清香怡人，飲完之後覺得舒緩又放鬆。千語星晨: 呢款飲品色彩繽紛，蝶豆花、橙汁和菠蘿汁的組合使得這道飲品擁有豐富的層次和口感。特別的是，飲品上還有一隻藍色冰塊的熊仔，增添了可愛的視覺效果。

早前，我為了慶祝好姊妹的6月生日，她決定選址位於北角電氣道城市花園商場的 Bear Bear 主題 Cafe 🐻 <Cakebearbear>！這裡似是以家庭式經營，還有隻女柴犬店長，我幫牠影相，牠好奇聞我隻鞋及小腿！店內盡花心思佈置，到處都是打卡位；況且歡迎狗狗呢！Menu要先付款落單千語星晨 $68 跟餐半價我杯飲品，熊仔以冰製成，色澤層次分明！ 飲到尾，只是溶化剩番一半！口味穩陣，酸甜有致！初戀 $68 熊仔用上奶昔凝固成冰，相對較快溶化！蒲燒鰻魚飯 $120原條鰻魚，飯量豐足！金沙單骨雞翼 $68對於女仔來說，更容易入口又方便呢！鹹蛋黃既惹味又入味！睡眠熊芝士蛋糕 $58 + $20 朱古力字咖啡色的立體睡眠熊外型芝士蛋糕相當可愛， 切開後，外層及內裡都是一樣！ 香濃芝士味，不算甜膩！

呢間熊仔Cafe我已經bookmark左一段時間 今次十二月尾同屋企人一齊去試下 多啲人可以叫多啲野食 仲因為係聖誕假期 餐廳出左個聖誕套餐 幾抵食 出左地鐵站街5-10分鐘左右就會到餐廳我地叫左個二人聖誕套餐 前菜係忌廉芝士煙三文魚沙律 食落好新鮮 會另外上個胡麻醬俾客人 個醬食落好開胃 同個沙律菜好夾 仲有個前菜黑松露鵝肝多士 有兩客 都幾大塊 味道唔錯主菜揀左明太子忌廉大蜆意粉 賣相好靚 大蜆圍住意粉咁擺盤 擺得好有心機 大蜆既份量有好多 隻隻都好大隻 仲要好厚肉 食落鮮甜冇沙 意粉食落好重明太子味 條條意粉都好掛汁 勁Creamy另一個主菜揀左紐西蘭無激素草飼肉眼牛扒 呢個另外要加五十蚊 我地揀左五成熟 肉眼牛扒煎到岩岩好 食落好淋身好有肉汁 牛扒係厚身好大塊甜品係睡眠熊慕絲蛋糕 有兩隻味可以揀 白熊係伯爵茶味 啡熊係芝士味 餐廳所有甜品都係自家制 我地另外加左$68蚊試埋佢地既朱古力雪糕窩夫 睡眠熊仔慕絲蛋糕會係窩夫上面 岩晒打卡 熊仔我地揀左伯爵茶味 成份窩夫加埋熊仔 賣相好靚 窩夫好大份 但係食落係淋身既窩夫 如果係脆身會更加好食 伯爵茶熊仔好重伯爵茶味 呢個幾有驚喜 值

鍾意熊熊🐻又想打卡要嚟呢間餐廳，周圍都係熊熊🐻⭐️燒牛舌溫泉蛋飯牛舌燒完之後好淋，而且好入味，加埋溫泉蛋一齊食，正👍🏻⭐️日式咖哩吉列豬扒旋風蛋包飯豬扒炸得酥脆，個蛋又整得好靚⭐️金沙單骨雞翼朋友係蛋黃愛好者，所以第一時間決定叫呢個雞翼。雞翼炸至金黃酥脆，好香蛋黃味⭐️千語星晨（蝶豆花熊仔冰、橙汁、菠蘿汁）一開始被呢個熊仔冰吸引了😍，個冰keep到好耐，飲到差唔多無先開始溶化。杯飲品就甜甜地，剛剛好⭐️蜜桃茉莉花冰茶

由細到大我都好鍾意熊仔既我屋企有一大堆熊仔公仔 細個成日搵佢地陪住我食飯架🧸最近知道有間Cafe係熊仔主題 就即刻去試吓門口已經有好大隻熊仔俾人打卡餐廳入邊有部份枱係有啲熊仔公仔坐喺你隔離陪你食飯架梗係要揀呢啲枱啦食品價格都好相宜同朋友叫咗兩個晚餐香煎比目魚配薯菜 $128美國肩胛牛小排配薯菜 $158套餐嘅薯菜係脆卜卜嘅薯角 啱啱炸起 上枱熱辣辣仲有啲煎過嘅翠玉瓜同埋沙律菜 配菜好豐富香煎比目魚 魚皮煎得脆卜卜魚肉充滿着肉汁 牛小排肉質鮮嫩 好juicy 厚切㗎 好大塊仲有陣陣炭烤嘅味道晚餐附上熱茶/咖啡 - 朋友叫咗個熱洋甘菊茶店員好貼心喺朋友飲咗一大半茶嘅時候 幫佢加熱水變相都好抵飲 雖然係用茶包但係係大牌子嘅茶包黎架另一個套餐加咗$15要咗個是日冷泡茶當日係荔枝烏龍茶個樽都係一隻熊仔嚟㗎仲可以攞返屋企添另外仲叫咗個金沙單骨雞翼 $58個雞翼一上枱都係熱辣辣新鮮即炸個鹹蛋黃包爆滿成個雞翼成間Cafe嘅感覺真係好夢幻少女心返晒嚟呀

上網見到呢間新開好可愛嘅熊仔cafe,放假梗係即刻過黎打卡😍😍佢地址寫北角但其實係炮台山地鐵站行過去近好多，大家唔好去錯🤣去到門口已經見到好可愛嘅熊仔😍店鋪唔算大但一行入去估唔到佢地區分左唔同嘅打卡位😍仲會有玻璃房同商場室外仲可以帶狗狗😍門外會放埋餐牌比大家睇岩就入去啦😍話明熊仔餐廳當然唔少得有熊仔陪食啦😍黑松露帶子意粉 $92帶子新鮮，忌廉汁好creamy仲好大陣黑松露嘅味👍🏻而意粉軟硬到適中👍🏻美國肩胛牛小排配薯條 $148牛扒叫左5成熟，切開岩岩好中間紅紅地😍食苦牛味重點埋個醬汁好好味😋而薯角炸到岩岩好👍🏻金沙單骨雞翼 $58鹹蛋黃佈滿成隻雞翼😍一啲都唔孤寒😍而鹹蛋黃本身都會偏鹹同食落好香口👍🏻千語星神 跟餐半價 $34打卡必點😍又可以打卡又好飲👍🏻Ice Latte 跟餐半價$16飲落唔會太過苦澀👍🏻

今次來到炮台山試吓呢間新開嘅cafe ☕️見佢裝修都好精緻又有好多熊啤啤🧸同埋打卡位~美國肩用牛小排配薯菜 $148牛小排大概七成熟 唔會overcooked 個面煎到焦香 肉質juicy😋 配埋個汁好惹味~ 薯角都幾出色 焗得好脆😚唔錯👍初戀First Love 🍓 set +$34哩杯係士多啤梨奶 面頭仲有隻熊仔冰🐻🐻‍❄️~ 非常打卡able! 千語星辰Thousand Star🍹 $68係有橙味同菠蘿味嘅梳打 上面仲加咗蝶豆花令到佢更加有夢幻嘅感覺~ 一樣都係有熊仔冰係面🧸 酸酸地幾開胃✨金沙單骨雞翼 $58雞翼表面炸到金黃香脆👍充滿鹹蛋黃味! 非常香口~自家製巴斯克芝士蛋糕🧀 $50推薦大家試下哩個~ 芝士味濃郁 同時奶香十足! 甜度亦控制得好好 食曬成個都唔會太膩😋😋