一葉台灣料理

营业中

休息中

今晚同朋友捐窿捐罅搵到嚟呢間小巷嘅台灣菜，地鐵出口行幾步就到，都好方便。羊肉湯米$78-湯底有香而不騷嘅羊肉味，米粉好幼身，可以索曬啲湯汁食，羊肉片都好多下金沙四季豆$78-送上嚟時熱辣辣香噴噴，金黃色蛋黃配四季豆顏色同味道都好match，推介！台式香腸$55-甜甜地令人忍唔住一食再食黑糖珍珠奶茶$24-好抵飲，黑糖味道似蔗糖，珍珠幾好咬口台式黑糖糕$22-黑糖唔算好甜，食落口感厚實九份綜合小丸子$28-食台灣嘢甜品必食芋圓，都夠煙韌，份量夠一至兩人食

在鰂魚涌地鐵站附近的小巷，這家台式小店店面不是很顯眼，但朋友推介，於是慕名而來。看見餐牌上滿滿的菜色，樣樣都好似好好味，選擇困難症又發作😅 結果店員推介咗幾道菜：鳳梨蝦球、蔥爆牛肉、金沙四季豆、台式鮮魚羹台式鮮魚羹聽講係用台灣鯛魚，口感更勝龍利柳，多了一種鮮味。湯裏還有蝦粒，增加了𡁻口。食嗰陣加啲台灣烏醋，好夾呀！鳳梨蝦球意想不到蝦球大大粒，外層鬆脆，菠蘿甜甜酸酸，加埋外面嘅沙律醬，一啲都唔膩，反而感覺好清新，好開胃蔥爆牛肉是家常小菜吧，不過食得出牛肉新鮮，而且鑊氣十足。金沙四季豆表層蛋黃醬好香，四季豆鮮甜爽脆，睇落平凡，但比起平時食嘅蒜蓉炒時菜，口感豐富今餐的選擇，有魚有蝦有肉有菜，好滿足呀😍😍