蟹點

营业中

休息中

自從開通左南港島線後，入香港仔/鴨脷洲就方便好多~ 同家人行完山就黎到西邨街市覓食，估唔到係街市一樓中有間乾淨企理既大排檔，有齊海鮮/中菜/泰菜/潮州野食，仲有新加坡風味既白胡椒蟹食，呢餐有驚喜呀😍餐廳設有室內外座位，裝潢以藍白色為主，幾有地中海風情。雖然餐廳位於街市頂樓，但係乾淨衛生，地方寬敞，用餐環境舒適。♢ 🦀招牌白胡椒蟹 $598我地一行四人都想試招牌菜，果然好正🤤 上菜時鐵板發出滋滋聲，一斤半重既菲律賓大肉蟹新鮮熱辣辣送上🔥 我地著定圍裙，望住店員淋上白胡椒汁，煙霧繚繞，香氣四溢！廚師好貼心咁將蟹鉗破好殼，好輕易就可以食到肥美鮮甜既蟹肉，而且掛滿醬汁，微辣既白胡椒味道非常惹味！就算唔食辣都可以輕易carry到~ btw D醬汁咁正唔好浪費，我地叫左幾個白飯，用黎撈飯一流！♢ 金沙鮮魷 $128黎得大排檔當然要叫有穫氣既小炒啦~ 呢碟金沙鮮魷十分推介！炸粉唔會過厚，香脆可口，鮮魷爽口彈牙~ 配上金沙咸蛋黃醬鹹鹹香香咁，好香口！♢ 泰式燒雞(半隻) $138即叫即燒，夠哂新鮮熱辣辣~ 雞皮燒至金黃色，帶有少少焦香，呢種口感勁正！雞皮香滑脆身，保持到滿滿肉料，點埋附送既泰式辣醬更加

之前聽朋友講鴨脷洲有一間食店專食蟹所以今日就黎品嚐一下蟹點裝潢以大排檔為主題主打粵式鑊氣小炒和地道泰國菜位於街市樓上招牌白胡椒蟹：選用斤半至兩斤的菲律賓大肉蟹好厚肉而且每一件蟹都沾滿白胡椒汁非常香的胡椒味色香味俱全招牌脆皮咕嚕肉：咕嚕肉係用大大塊豬頸肉做材料非常爽口彈牙，外層炸至金黃色，配上秘製酸甜汁拌勻加埋新鮮菠蘿，酸酸甜甜，十分開胃！大大個白玉海皇冬瓜盅超級多配料，除左肉之外仲有帶子、蟹肉同蟹柳。味道都幾清甜。我地飲完一碗又一碗金沙鮮魷炸得很香脆，而炸粉亦不會很厚拌上金沙咸蛋黃醬很好拌飯唔想食飯可以叫豉油王炒麵炒得非常有鑊氣藤椒魚皮辣辣地超級爽嘅魚皮食極都唔停口豉椒炒蘇格蘭蟶子皇蟶子皇真係好大隻加埋豉椒一齊炒超級有鑊氣鍾意食海鮮嘅你一定唔可以錯過啦快啲去試吓啦

去完海洋公園玩左成日就喺附近順便搵餐廳食晚飯呢間餐廳有海鮮、小炒、潮式、泰式咁多款式，咁就揀左呢間黎試下餐廳環境幾光猛同幾闊落，坐得幾舒服龍蝦做緊特價$398仲送埋伊麵，就嗌黎試下龍蝦好大隻，肉質好爽口，食到鮮甜味伊麵吸左啲龍蝦汁好香另外叫左金沙鮮魷，鮮魷幾爽口食到粒粒鹹蛋黃醬汁，特別惹味仲叫左碟百灼海生蝦，蝦肉就正正常常想食啲泰式野，就叫左飛天炒通菜通菜配埋少少辣好好食最後叫左碟豉椒鵝腸，鵝腸份量都多豉椒炒野最啱用黎送酒整體食物水準唔錯同埋選擇好多，啱哂一大班人去食

今日晏咗收工，天氣又勁熱，唔想買餸煮飯✌️打俾老公同佢講出去食，佢就話想食海鮮，咁不如喺屋企附近食，因為住南區，附近都有好多海鮮嘅舖頭😋😋佢話想食蟹，即刻諗起蟹點！😌😌佢話今日掛住開會都冇食過嘢，要食返餐勁嘅😑😑😑佢嘅食量果然驚人，真係泰式、粵式同海鮮都俾佢叫曬咁濟😌睇嚟佢真係好肚餓！🙄🙄嘢飲都叫咗兩杯，唔講以為佢幾日冇食過嘢😂😂！如果唔想淨係食海鮮，仲可以叫啲其他款式嘅菜，例如潮州打冷、粵式同泰式野，所以唔食海鮮嘅都大把嘢食🥳🥳