竺扶大班燒味

营业中

休息中

平時少行開灣仔內街都唔知道沿路可以咁旺買餸嘅人人山人海肉類海鮮蔬菜水果五花八門之後見三角街呢個街名咁打意就轉咗入去就見到竺扶大班燒味好光亮嘅門面 (小妹仲要讀錯咗個竺字比小馬捉到😂)見佢咁四正就打算買嚟做晚餐就發現原來呢間鋪用金黃色調做裝修好鬼光猛 門口啲餐牌仲寫住藍帶廚神主理二話不說就走咗去買外賣😆黯然銷魂鴛鴦飯 配大將燒肉汁 + 鳳凰辣汁 $68 🙆🏿‍♀️金牌蜜汁叉燒標榜用波蘭黑毛豬梅花肉感覺肉味比平時嗰啲濃郁而且我哋order半肥瘦 佢真係做到燒到焦香嘅叉燒咬落好有口感😋亦唔會好似平時嗰啲咁淋冰燒鳳凰無骨雞首先無骨已經加分👍🏿再加上佢燒過 同叉燒一樣有焦香嘅感覺點埋鳳凰辣汁 真係冇得輸大推鳳凰辣汁！！！ 堅好食😋可以話係送飯神器 點咩都咁好食😂小馬將所有嘢都點佢一次 佢話樣樣都夾 perfect池燒味雙拼飯 (燒鵝拼乳豬) $88 💁🏿‍♀️燒鵝皮脆肉鬆 而且燒得好香 加埋淡淡嘅陳皮味👌乳豬望個樣已經“令立立” 薄脆皮令佢加分加分加分佢都係肥瘦參半 唔會食落好肥好油好漏而且份量亦好多 有六大嚿 舊舊都幾厚肉吓🤤金牌蜜汁叉燒 (半斤) $80 🙆🏿‍♀️❎ 加一服務費

呢日喺灣仔上完Training，呀媽打電話俾我叫我買啲嘢加餸😂，所以我就去斬啲料返屋企啦～。見到有塊大大嘅易拉架，行前啲就係間燒味舖喇。店員喺門口落力宣傳，我去到即刻被阿姐熱情招待😆。我要咗半斤金牌蜜汁叉燒($68)同上莊古井燒鵝($138)。不過叉燒啱啱賣哂要即燒，所以要等陣。等嘅時候認真睇下門口堆二拉架，除咗燒味外，當然唔少得燒味飯🍚，屬正常價格啦。另外，原來仲有唔少小菜同小炒賣🥘。餐廳堂食環境都OK，雖然出面係街市，但入面光光猛猛，仲有啲牆畫添🖼。燒味熱辣辣斬起，已經聞到好香，特別係叉燒🐷，半肥瘦切真係好正，而且仲有啲微燶，特別香。肉質好嫩，好多汁，送飯食正啊😋。我哋幾個直頭爭食添，咁好食應該買一斤先啱。而燒鵝🦢都唔錯，由於係上莊部份，所以比較多肉食，淋上燒鵝汁加點酸梅醬食，好搭配。總括嚟講，呢間燒味舖嘅蜜汁叉燒真係好正🤤，比起其他叉燒大王嘅一啲都唔輸蝕。我下次經開灣仔都一定會斬料、斬料、斬大舊叉燒🐷😋。