大澳德發 (已結業)

喺銅鑼灣行嚟行去唔知食乜好，最近又成日食西餐，所以想轉吓口味🥢。經過謝斐道嗰邊，「大澳德發」嘅店員係咁叫人入去試吓，見招呼咁好，又有唔少人食緊，就決定幫襯。餐廳分上下兩層，可坐𨋢或行樓梯去二樓，我哋上咗去二樓，環境唔錯，而且望到街景，感覺開揚👍。佢嘅格局好似茶餐廳，但就一啲都唔逼夾，坐得舒服。佢同其他茶記一樣有提供茶餐同晚飯小菜。不過小菜款式繁多，而且更有好多樣係同海鮮有關🦐。餐牌上嘅每一道菜式都好吸引，當中更有孖寶套餐，我哋嗌咗優惠孖寶D($288)，有豬手同雜菜煲。三弄脆皮豬手(原價$188)，哇哇哇，豬手勁大隻🍖，以依個價錢嚟講性價比極高，佢比起喺西餐廳食平好多，而且味道亦一啲都唔遜色。豬皮整得好脆，咬落卜卜聲，豬手肉就切得夠厚身，而且充滿骨膠原，肉質唔嚡。🐷豬手有經鹽水醃過，所以唔使沾汁食都已經好夠味，鹹度恰到好處。咁大隻豬手我哋又點食得晒呢，所以連骨打包咗，返到屋企仲可以拎去煲湯添。大澳海味雜菜煲(原價$128)，雖然佢係四周圍都有得食嘅雜菜煲，不過就滋味好多🤤。蔬菜菇菌款式豐富，有齊菜芯、白菜、西蘭花、冬菇同埋金菇等。除此之外，佢更配以大量大澳海味，包括蝦乾、蝦米同魷魚，🦑

👍🏻菠蘿拔絲咕嚕肉 $88夠哂脆皮，炸衣唔厚粉，成舊啖啖肉😋！肥瘦適中，唔韌又唔會太多肥肉豬肉味好香，質地有彈性，唔會霉哂咁👍🏻拔絲🤩！醬汁稠身，酸甜度又岩岩好😛味道：9/10性價比：8/10-👍🏻金磚豆腐拼花枝餅 $108花枝餅混左花枝粒同馬蹄粒，好厚身，花枝味好突出😛👍🏻質地唔係彈牙個種，有啲似肉餅既口感裏面濕潤有啲汁，唔會太乾身外皮微脆，但唔會好油淋淋調味偏重味，好岩送酒🤪金磚豆腐皮脆嫩滑，面頭灑上椒鹽同炸蒜辣辣地超惹味🤤🤤！味道：9/10性價比：7/10-👍🏻大澳鹹香雞 $128/半隻鹹雞調味唔太鹹，比想像中淡味肉唔算好滑，但雞味好香同厚肉雞皮唔肥，比起肉入味啲有鹹香😛有啲似鹽焗雞既味道會配埋薑蔥，不過唔點就咁食會好啲因為薑蔥味太濃會蓋過雞味🤣鹹雞可以再鹹啲就正啦😜！味道：7/10性價比：7/10- 👍🏻鹽焗奄仔蟹 $88奄仔蟹用粗鹽圍住放落瓦煲仔上枱然後用gas爐開火焗15分鐘先食得新鮮熱辣，好多蟹膏好鮮甜🤩！而家仲做緊$398兩小時任食奄仔蟹+小菜一款😛味道：8/10性價比：8/10- 📍#大澳德發銅鑼灣謝斐道477-481號肇明大廈1樓及地下A號舖#hkfoodie #f

晚市有時想食海鮮，小炒，有時都幾難諗地方既，今日我就真係比佢餐牌所吸引了，單是餐牌，就已經決定要食。今日叫了晚市孖寶，係鮑魚配蝦煲，頭盤之選鮑魚可以揀椒鹽或酒香，今日就係揀左酒香。鮑魚size 好大，酒味都好香濃，而又煮等好入味，煮既時間岩岩好。而且天氣熱，用酒香，冷盤咁上，好岩現時天氣。惹味之選沙嗲銀蒜中蝦煲蝦煲好惹味，一定要配個白飯，沙嗲粉絲，好入味，蒜味沙嗲味與先前既鮑魚酒香好大對比。 送飯一流。而蝦都好鮮味，又大隻，而且有成8隻，比我想像大份。一打開蓋，一陣香味已傳來，趁熱食，確是一道惹味中菜。香口之選金磚豆腐拼花枝餅，金磚豆腐當然香口之選花枝餅應該係自己打既魚餅手，裡面粒粒肉，咬落去更加係彈牙爽口，難怪係店鋪推介之一。去濕之選最後檸檬薏米水，薏米去濕，再加片檸檬，好清熱去濕，而且吾係話好甜。