2派克雞排

营业中

休息中

經過紅磡見到有間台灣過江龍炸雞扒店🥹即刻睇吓有咩特別，餐牌上有好多唔同嘅選擇最吸引嘅係佢有唔同嘅調味粉自由選擇，包括紫菜、芝士、咖喱味等等，仲寫明係即叫即炸🤭所有食物都熱辣辣😂製作需時，大家要耐心等候啊脆皮無骨雞扒 $38(紫菜,梅子粉)份量十足，大過隻手好多。外皮金黃酥脆，灑滿調味粉，估唔到落梅子粉都幾夾，酸酸鹹鹹。雞肉食落都嫩滑又多汁😚😚甜不辣 $25(麻辣小辣)麻辣粉就正正常常，食得出有麻辣味。以呢個價錢嚟講性價比非常高，食極都未食完。甜不辣外表鬆脆裏面煙煙韌韌，有一種吸引你一直食嘅感覺。金菇酥 $12(麻辣小辣)🌶️呢個好特別，估唔到真係見到一條條嘅金菇😂炸完嘅外表非常吸引。金菇炸得超級鬆脆，十分香口2派克雞排 (紅磡)紅磡蕪湖街123號海德豪苑地下C號舖及1樓

呢間台灣開過嚟嘅2派克雞排位於紅磡蕪湖街，細細間街邊台式炸物店全港得一間分店，淨係做外賣，因為所有嘢都係即叫即炸，所以成日都大排長龍，想食到新鮮炸起嘅炸雞扒就要俾d耐性去排隊等。所以炸物都可以加調味粉，最多可以揀兩種混配，總共有八種調味粉可供選擇：原味、芝士、梅子、麻辣、Wasabi、辣味、海苔、咖喱味。我哋嗌咗脆皮雞腿排、金菇酥同脆皮百頁豆腐。原塊無骨雞腿排係即叫即炸，雖然要等一陣，但佢一炸起拎上手熱辣辣，size比想像中大，一個人食完真係未必再食得落正餐，雞皮唔算厚粉，炸到又香又鬆脆，令平時唔食雞皮嘅我都忍唔住口食咗幾啖，雞脾肉既嫩滑又多汁，配上梅子味嘅調味粉，味道酸酸甜甜咁好醒胃。金菇酥其實就係炸嘅金針菇，第一次見到所以好奇心驅使下就嗌咗，炸完個外貌好得意，食落既口感就好似薯片咁，又脆又香口，配上海苔味嘅調味粉，唔講真係唔覺自己食緊金針菇。脆皮百頁豆腐都係比較少見到既炸物，百頁豆腐口感偏硬身，炸完之後食落就好似魚蛋咁彈，配上咖喱味調味粉好似食緊咖喱魚蛋咁。整體黎講，呢間台式炸物小店絕對係我行過會再幫襯嘅小食店！📍紅磡蕪湖街123號海德豪苑地下及1樓C號舖位置就腳：🍊🍊🍊🍊餐廳環境

💪🏻脆皮無骨雞排 ($38)呢間外賣小食店所有食物都係即叫即炸，所以炸物都係新鮮滾熱辣😝 呢個脆皮雞扒揀咗芝士味調味粉（調味粉最多可以兩溝），芝士味香，而且鋪滿成塊雞扒！雞扒炸得好香脆😋，無骨雞排肉質都好嫩滑，啖啖肉，而且雞排唔肥，亦都唔油，但異常juicy多汁，會食到彈汁🤤 食完亦都唔覺好膩。雞扒即叫即炸，所以非常熱，食嘅時候要小心辣手！💪🏻 金菇酥 ($12)金菇酥揀左梅子味，梅子粉甜甜酸酸非常開胃，而且同蔬菜類好夾！金菇炸到收乾晒水，所以炸得超級酥脆，食落脆卜卜😋 💪🏻 脆皮花枝丸 ($18)花枝丸揀左椒鹽味，椒鹽非常香口！同樣都係炸到脆卜卜，好香脆！而且粉漿算薄，唔會食到成口粉漿😝 花枝丸都好彈牙！味道：8.5/10性價比：7/10 食住瘦指數：💪🏻

【脆皮無骨雞扒】⭐️⭐️⭐️⭐️1/2Book mark了好一段日子的雞扒店，聽說在台灣十分有名氣。這天經過附近工作剛好可以試試，點了店家招牌的無骨脆皮雞扒，另外有八款調味粉可選，我們選了辣味調味粉，想著應該會惹味一點吧！雞扒份量超大而且很厚，由於是即叫即炸，外皮非常鬆脆，但肉質依然保留嫩滑多汁，配上辣味調味粉果然惹味不少。【金菇酥】⭐️⭐️⭐️⭐️之前吸引著我想試的其中一個餐點，好吃的酥炸金菇不易找到，這裡的完全滿足了我的慾望。以海苔調味粉配搭似乎可以達到最佳效果，外層的金菇非常鬆脆，帶有淡淡海苔的鹹鮮，金菇並沒有因為炸過而流失大量水份，處理得非常好。【脆皮百頁豆腐】⭐️⭐️⭐️⭐️與其說是豆腐，其實它更像魚腐的質感，有點彈性。用麻辣調味粉配搭之下，帶有辛麻的感覺，我認為比純辣味調味粉更為優勝。

7點唔夠已經好多人等緊外賣既台灣雞排店😯 我地都唔執輸排下先🤗脆皮無骨雞塊（$35）一口size 非常方便 外皮酥脆 雞肉唔鞋口 🤫聽講雞排會更加juicy 自己食既話可以試雞排 雞塊就方便share 食脆皮杏鮑菇（$22）岩岩炸起勁熱 塊塊都大大塊 而且好多汁😋 好辣嘴 冇經過長期訓練既人就攤凍些少先食😆 真係好爆汁架金菇酥（$12）炸到乾身香脆 配埋辣粉好惹味 可以食好多好多串🤤脆皮百頁豆腐（$24）軟綿滑溜 而且少少彈牙 比一般豆腐口感豐富🤭有機會係附近行過就去試下啦 不過要俾啲耐性 即叫即炸架😌 可以打定電話落單/落完行返圈先返轉頭拎😉

平日中午食晏已經留意到蕪湖街有間新開嘅炸雞店叫「2派克雞排」，因為黃色嘅門面好搶眼💛。店舖裝修簡約乾淨，再加上中文招牌，感覺猶如置身於台灣一樣。不過小店營業時間開得比較晏，要成兩點。店員話其實佢哋準備緊，如果行過見到閘半掩，可以試吓敲門🤣。店舖主打炸雞排同各款台式炸物，食物定價一啲都唔貴，另外仲提供撐枱腳二人套餐👯‍♀️($98)，抵上加抵。食物即叫即整，製作需時，店員建議下次可以打定電話嚟落單☎️。食物包裝袋印上台灣本店嘅漫畫風格，望落都幾可愛👦🏻。脆皮無骨雞排(原價$38)，🐔大雞排係餐廳嘅名物，佢有兩款之分，分別係普通雞排同雞腿扒。前者用上雞胸肉，而後者就係雞脾，脂肪較多，所以炸皮會相對整厚啲。鍾意食雞胸嘅我揀咗前者，雞排超級大塊又夠厚，直頭好似隻拖鞋咁。雖然係雞胸，不過肉質都好滑，同炸皮緊貼。店員話即使客人要求切細，佢哋都會拒絕，因為要保留傳統風味。脆皮無骨雞塊(原價$35)，🍗無骨雞塊有成十幾件，拮嚟食好方便。但如果比起大塊炸雞扒，就無咁多肉，而且炸皮唔算超級酥脆。脆皮百頁豆腐(原價$24)，🍢百頁豆腐勁正，一客有六件。豆腐外皮微脆，中間部份非常軟綿，帶少少煙韌，食落又多汁。店員

紅磡新開台灣過江龍炸雞排專門店！係台灣已經開咗接近廿年，有過百間連鎖分店，而紅磡店就係香港首間全部炸物即叫即炸🔥！主打當然係無骨雞排同各款炸雞小食，可以自由配搭八種調味粉 (原味即係椒鹽)另外仲有$98二人餐，性價比高😛-👍🏻脆皮無骨雞排 $38 & 脆皮雞腿排 $38絕對係招牌必食item！雞扒有分雞胸肉同雞腿肉兩款拎上手真係嚇親，兩款都大過塊面又厚肉，呢個價錢好抵食😜雞扒每日自家醃製，唔會淡茂茂，保持雞肉原味唔死鹹外皮超級香脆，就算外賣半個鐘後先食仍然好脆口，亦唔會油淋淋👍🏻肉質非常嫩滑，係連雞胸扒都好嫩完全唔鞋大大塊咬落仲爆哂雞油汁勁juicy，超正🤤！可以揀兩款自己鍾意嘅味粉mix&match店員介紹每塊雞扒都最少250克重，無骨啖啖肉好滿足，食一塊都已經飽哂😈-👍🏻脆皮雞中翼 $25/3隻 & 脆皮無骨腿丁 $35雞翼推薦必食！厚身大隻，肉質非常嫩滑，估唔到比起炸雞扒更juicy多汁，好好食🥹無骨腿丁就係雞腿扒切成一口size，雞皮炸得更加脆口，不過肉質略為冇原塊雞扒咁滑-👍🏻脆皮杏鮑菇 $22 & 金菇酥 $12 & 甜薯地瓜條 $25除咗炸雞，佢地嘅炸菇類都值得一試杏鮑菇

🥢 2派克脆皮雞排 @紅磡出完個post之後燒到自己😂😂雖然邪惡嘅程度係等緊外賣嗰陣同自己講應該差唔多厭，食埋今次短期內都唔食。。。點知今次外賣返屋企，仲好食過琴日堂食。。。原味（椒鹽味）係最好食嘅味！唔知係唔係因為有椒鹽味嘅加持，所以覺得今日叫嘅雞胸扒好食過琴日叫嘅雞腿扒🤪另外因為外賣拎到返屋企冇咁熱，即場食根本熱到好難入口😂😂經過兩日嘅經驗，最好食係原味脆皮無骨雞胸排，第二係脆皮百頁豆腐，第三係脆皮無骨腿丁🌟👍🏻👍🏻🌟脆皮無骨雞胸排 $38🌟脆皮無骨腿丁 $35❄️金菇酥 $12❄️脆皮杏鮑菇 $22📌 地址:紅磡 蕪湖街123號海德豪苑地下營業時間: 14:00-23:00