福源川香閣

营业中

休息中

Hello 大家好👋🏻！今日我嚟到位於灣仔嘅「福源川香閣」。 鐘意食辣野嘅我，有朋友介紹依間店舖嘅四川菜好正宗，今日朋友仔又喺灣仔收工，一於同佢食好西啦。美食攻略：佢地嘅川菜種類繁多，花光眼亂攪到我樣樣都想食，問下侍應靚姐佢推介「招牌自選香鍋」，招牌香鍋有兩種鍋底選擇，一個係「經典香辣鍋」，另一個係「秘製醬香鍋」，之後再從數十種不同食材任意配搭。我哋揀咗經典香辣鍋“小辣”配搭肥牛、萵筍、鮮蝦、台灣魚腐、同埋蓮藕片。份量十足大大碟，又香又惹味，味道豐富，尤其是鮮蝦炸到卜卜脆可以連殼一齊食埋。我哋亦都叫咗招牌酸菜魚，我哋揀咗鱸魚，魚片新鮮嫩滑，冇骨啖啖肉，配埋鮮味酸菜湯，酸菜同魚都一樣正宗好食😋見到隔籬枱食炸饅頭，我哋都忍唔住叫咗一碟金銀小饅頭，果然冇叫錯，饅頭炸得甘香皮脆，點埋煉奶一齊食絕配👍🏻最後不得不介紹一下佢哋嘅「茶」，侍應靚姐特別向我哋介紹係來自新疆嘅「雪菊花茶」，清熱解毒又解辣，係食川菜嘅最佳配搭。茶芥包埋呢種茶，唔使特別另叫。美食指數：5🌝最高味道：🌝🌝🌝🌝🌛環境：🌝🌝🌝🌝🌚服務：🌝🌝🌝🌝🌛賣相：🌝🌝🌝🌝🌚

❣️招牌香鍋經典香辣鍋(中辣) $38🥢牛柏葉 +$38🥢美國肥牛+$48🥢田雞+$48🥢蓮藕片+$24🥢如意寬粉+$25個碗好大隻份量都好多 寫咗加麻但好似辣多過麻牛柏葉洗得都幾乾淨 沾滿辣油辣椒 食落爽口又辣辣地好過癮 肥牛數量都幾多 吸收晒香辣鍋精華 一定好食過平時打邊爐就咁煮💁🏼‍♀️田雞好滑好多肉 鍾意食田雞嘅人都知田雞腳先係精粹 加上麻辣香超好味蓮藕片煮到軟綿綿好淋 薄切嘅厚度剛剛好 配上超掛湯嘅寬粉 軟硬夾功 越食越辣越食越惹味❣️醋溜薯絲 $55以酸味為主 薯絲唔算煮得好淋 仲食得出相當爽口 前菜嚟講味道唔算好濃味 酸酸溜溜好開胃❣️金蒜粉絲蒸娃娃菜 $68見到呢個價錢但估唔到咁大份 超香🧄味 粉絲底大大盤 清蒸感覺好健康 粉絲吸滿豉油香 怖滿蒜粒嘅娃娃菜一齊食 重口味得嚟又帶點清胃❣️蓉城蒜香骨 $88味道不遜於大排檔 同樣有鑊氣 薄薄一塵炸粉包住啲肉 骨細肉大咬落啖啖肉 肉質依然嫩滑 蒜粒炒香更添香氣❣️金銀小饅頭 $3830幾蚊有六粒真係超抵食 仲要粒粒勁大粒 炸饅頭超香脆 唔見油淋淋 即使點完煉奶咬落仲係索索聲

天氣涼涼地唔想咁熱氣就最啱食酸菜魚啦～ 餐廳主打多款正宗地道嘅川菜💗 同時亦提供唔辣嘅選項令更多客人品嚐到四川嘅美食😋 整體環境闊落舒適，除咗有卡位仲有大圓枱坐，幾適合同親戚朋友過嚟聚一聚😝🐟 酸菜魚 魚片夠嫩滑，大大塊而且啖啖肉🥺 配上爽口嘅酸菜同秘製醬汁，酸酸辣辣咁超級開胃🔥 不過有啲細骨所以記得慢慢食🫣 酸菜魚湯底鮮甜惹味，食到停唔到口😳🍜 金蒜粉絲蒸娃娃菜 娃娃菜味道甘甜，簡單美味🤪 粉絲份量十足，夠濕潤唔會黐住一嚿嚿～ 上面仲鋪滿大量炒至金黃色嘅蒜蓉，超級惹味😉🍲 農家酥肉湯 第一次品嚐呢款四川地道菜式～ 酥肉嫩滑彈牙，外面有層脆脆嘅表皮，內裡滑溜，啖啖肉好滿足呀😋 湯底清甜，熱辣辣好暖胃🥺 配上新鮮嘅蔬菜一齊食🥬 簡直係人間美味呀🫣🥟 私房自製水餃 私心推介嘅一道菜式～ 餡料十分豐富，咬落去仲會爆汁添💖 放埋落去個酥肉湯飲都幾夾😍🥔 酸溜薯絲 薯仔去皮切成細絲，入口十分爽脆，絕對係涼拌小食嘅必點之選😍 🥠 金銀小饅頭外層金黃香脆，咬落去超級軟熟好得意呀😚 點埋煉奶簡直係perfect match😌唯一不足之處係如果全部都係金銀嘅小饅頭就好啦～

灣仔站📍福源川香閣-呢間川菜有驚喜，out of my expectation😍招牌香鍋（$212）呢個香鍋要左經典香辣鍋（小辣🌶），加左田雞、滑牛肉、萵筍、年糕同埋如意寬粉五樣餸。好彩只係叫小辣，可能因為廚師係煮開四川菜，辣度都比坊間利害🌶🔥田雞有走油再炸，好香口👍🏻滑牛肉淡淡孜然香，而且都滑、寬粉吸晒香鍋既香辣味，必叫🙌🏻年糕就略為硬身。成個香鍋香、麻、辣都有齊，份量都唔少，適合幾個朋友一齊share。仔姜啤酒鴨（$168）呢個啤酒鴨同樣係上台好香，食起上黎有細細個返鄉下個種風味，好正宗。鴨肉有淡淡啤酒香🍻配埋薑絲（本身以為係榨菜😹）、青辣椒、應該仲有沙茶醬一齊煮，好惹味，忍唔著叫返碗白飯（$12）🍚😻金蒜粉絲蒸娃娃菜（$68）呢個未叫都知岩晒送飯。份量超多，一上台見到坐粉絲山，配埋生蒜同炸蒜，好滋味。鹹度適中，娃娃菜係底，清甜得黎又有少少蒜味🧄金銀小饅頭（$48）呢個饅頭不知不覺都食淨一件😹煎饅頭係細個去酒樓必嗌既情意結，次次餐廳有我多數都會叫😽配埋煉奶一流😋如果再炸脆身少少更加正，同埋建議只出金饅頭，香口野我最中意🤪另外老闆娘送左碗黑糖冰粉比我地試，好清涼解膩，面頭仲有少少芝麻

💎總評分：6.5/10-舊公司係灣仔，之前成日嚟食lunch，今日約舊同事食飯就反嚟老地方食dinner🍽️。碗碟依然都係好有中國風，未至於超級精緻奢華，但都幾有特色🐉，設有大枱同卡位，樓上鋪環境尚算闊落。大廚有20年以上川菜經驗，主打傳統正宗地道川菜🌶️，好多菜式喺新派川菜館未必見到。1️⃣ 晾衣蒜泥白肉 $78純遂為打卡而叫嘅冷盤，白肉片同青瓜片🥒一層層疊喺「晾衣架」上面，賣相特別，但係白肉無預先調味，同醬汁分開上，單靠食前點下醬汁，略為缺少蒜泥白肉應有的香濃蒜味🧄。2️⃣ 農家酥肉湯 $68酥肉其實係炸過嘅豬肉🐷，但浸喺湯入面所以唔會脆口，但食落會更惹味。湯夠清淡，時菜每日不同🥬，清清地正好balance反主菜嘅川辣同油膩👍🏻。3️⃣ 酸辣金菇肥牛 $128水煮牛同酸菜魚就食得多，酸辣金菇肥牛聽落幾特別喎😆～ 除左金菇仲有萵苣，牛肉份量都唔少🐂，同水煮異曲同風，但係多左陣酸味，唔見酸菜但係落左泡椒調味，若然加少少寬粉做底就更完美😉。4️⃣ 招牌自選香鍋 35種自選配料任君選擇✏️，鍋底由$38起，「經典香辣鍋」同「秘製醬香鍋」兩款🌶️，小編揀咗前者，最少揀5款配菜，由$22至$58不等，蓮藕片$24、滷