添好運點心專門店 (裝修中)

今晚成班網友一齊去睇入樽🥳🥳🥳約左其中一個友人去澳海城食野再一齊行去，咁黎到就睇下有乜好食，見到呢，懷念舊屎馬拉糕味，就入去食。點左唔同點心，最緊要就係點個馬拉糕啦😋😋 豉汁蒸鳳爪普普通通，冇咩好講叉燒腸料多皮滑，唔錯😋金銀蛋瘦肉粥幾好食，佢個粥底幾特別，但係又講唔出有咩唔同，係同平時食既粥有好大分別，各位知唔知有咩唔同？紅油抄手都係冇乜特別，我覺得不過不失鹹水角幾好食，料多過一般酒樓，唔錯👍杞子桂花糕好軟淋，覺得咬落好易散開，有陣花味，鍾意食既會覺得好食。酥皮焗叉燒包真係後悔太遲先食，呢款唔食尤志可，一食就覺得好好味，酥皮又脆又軟，入面又熱又香，一人一件，食完都回味無窮，再叫多碟食，誠意推薦👍👍👍👍👍👍馬拉糕就失望啦，同我n年前食既馬拉糕好唔同，以前食落係又香又軟又甜入心。而家覺得好普通，係我記憶錯左？懷念腦海中既味道🥲🥲不過成餐都唔錯，可能下午去，坐得舒服。

馬拉糕細件左，味道普通左，似一般酒樓既馬拉糕，冇以前咁好食。🥲🥲🥲金銀蛋瘦肉粥，料多，味道幾好，我覺得粥底有啲特別，同出面啲粥有唔同，但又講唔出有咩唔同紅油炒手小小辣，肉質夠新鮮，夠嫩。皮幾薄，唔錯。叉燒腸皮薄但唔多滑，料多，屬正常野。咸水角皮脆又煙韌，餡夠熱又多，趁熱食好好食👍👍蒸鳳爪味道幾好，正正常常焗叉燒包多餡，菠蘿皮脆又甜，叉燒餡又咸，甜中帶咸，食落又好好食😋😋，如果熱啲應該會仲好食，本人最推薦👍👍👍食完唔夠飽再叫多碟食，正😁😁杞子桂花糕，足料，多杞子，多桂花，不過好甜😅😅😅整體幾好，不過可能我懷舊，覺得十幾年前喺旺角食嗰陣，好食好多，尤其馬拉糕。唔知係哋美化左以前，覺得而家冇以前咁好食。

平價高質點心，為咗酥皮叉燒包以來，我的至愛❤️👍🏻 酥皮叉燒包$23外脆內軟，同普通白皮叉燒包唔同。用咗酥皮真係好鬆脆，厚度剛好，唔會食到成口粉漿，叉燒調味好，非常惹味。 不過朋友話酥皮太甜，但我個人鍾意。👎🏻 金銀蛋瘦肉粥$23比較稀，瘦肉太鹹，金銀蛋真係得嗰幾粒。料唔多。麻麻。👍🏻鮮蝦腸$28粉皮好薄好滑，蝦好大，彈牙。good 👍🏻蝦餃$31皮薄，蝦肉多，夠彈牙。熱辣辣點心真係超好食，新鮮。👌🏻紅油炒手$26皮薄料多， 比平時嘅雲吞細粒， 食落冇乜口感 。有啲不足就係個汁唔夠辣。 芝麻都幾惹味，香。👎🏻 香煎蘿蔔糕$19 點解蘿蔔糕可以咁淋？係一架就散，夾到去個辣醬，已經再夾唔起，因為散得太厲害。而且裏面冇臘味 。料唔夠多，無口感。差👍🏻豉汁蒸鳳爪$21鳳爪呢啲都係靠個汁，個汁做得好好，食到有陳皮味。 鳳爪夠新鮮👍🏻豉汁蒸排骨$20平平無奇嘅蒸排骨竟然有驚喜。豬肉好爽，有豬肉味， 量不多但對得住呢個價錢，好食。兩個人食咗9 個點心，人均一百多啲。抵食呀，茶錢仲要收四蚊。

添好運雖然點心款式唔多, 但勝在價錢都算適中同埋全日供應,晚餐都可以食到點心! 不過愈來愈多遊客幫襯, 等位時間耐左, 想去食嘅人可能要早少少等位~酥皮焗叉燒包呢樣係添好運嘅招牌菜, 同普通酒樓嘅叉燒飽相似, 不過佢外層就唔係普通麵包, 而係酥皮! 酥皮入面包住叉燒餡, 成個口感外鬆內軟,而且唔會似食完傳統叉燒包咁飽濟, 鐘意酥皮口感嘅人可以一試!蘿蔔糕+金銀蛋瘦肉粥呢個完全就係早餐嘅搭配XD 蘿蔔糕煎得幾香, 瘦肉粥亦都好夠味同埋都幾大碗,  作為一個清清地嘅晚餐亦唔錯!晶瑩鮮蝦餃每次都會叫, 蝦餃皮幾薄, 入面嘅蝦都幾爽口, 呢個價錢來講算係有水準!蜜味叉燒腸腸粉皮薄, 不過入面嘅叉燒就一般啦, 同平時茶樓食開嘅差唔多, 無咩特別驚喜。北菇蒸雞飯呢個係最近添好運先有嘅蒸飯(之前食過咁多次都無), 蒸雞嘅份量都唔少而且幾滑, 不過雞肉就有D碎, 整體都幾入味, 如果之後都keep住有嘅話都可能會再食返!