點茶館

营业中

休息中

今日同fd去Apm行街~諗住去food court食d野先慢慢行～點知竟然發現有點心食😮😮就試試佢～💜蝦餃皇皮厚度適中,蝦肉大大粒～💜炸雲吞即叫即炸,好脆必食～💜豉汁蒸鳳爪豉汁好juicy唔乾媽媽,鳳爪唔會散晒～💜金錢肚同鳳爪一樣汁好多好入味,份量都幾多～💜北海道溫泉蛋馬蹄牛肉飯牛肉鮮味,用溫泉蛋撈埋黎食真係perfect match,因為用荷葉包住,食落仲多左浸荷葉香味～總結係幾好既～不過由於即叫即蒸所以會要少少時間🤏🏻🤏🏻要自己衡量一下趕唔趕時間～

我都幾鍾意去Food court，選擇多又唔貴估唔到連而家連點心都有得食!而且免茶芥(想飲茶先再加錢)免加一，仲要like 社交平台 有9折，即刻試下先😎 🍴加一服務費：✖ ✿ 北海道溫泉蛋馬蹄牛肉飯+香菇燒賣 $68套餐超抵! 牛肉餅有厚度，鋪滿飯面加埋溫泉蛋&甜豉油，好送飯個人鍾意馬蹄，多啲就更好😂燒賣都唔錯😍 ✿ 蟲草花雲耳雞件飯+棗皇糕 $68雞件嫩滑無骨，啖啖肉👍 飯都幾軟熟，底層飯粒偏濕少少(牛肉飯都係)超推薦棗皇糕🤤煙韌香甜，紅棗&椰汁層味道都突出! ✿ 五目素餃 $33呢個都好推薦😍 餡料飽滿，菇味好濃好香，尤其有少少鹿茸菇(?)味，好鍾意吃完再encore咗一份，發現唔同顏色😳 職員話有兩款，深色係濃味啲不過我覺得淺色嘅都一樣濃味好味😜 ✿ 金錢肚 $387、8件幾厚身，軟淋得嚟有啲咬口

Food court都可以飲茶😂而且平平地午市套餐$68有飯有點心。環境餐牌除咗午市套餐，都可以單點。 午市套餐 $68套餐有荷葉蒸飯＋點心＋精選茗茶。荷葉蒸飯五選一，揀左鳳爪排骨飯，而點心同樣都係五選一，就揀咗香菇燒賣。荷葉蒸飯即叫即蒸，鳳爪兩隻排骨有成5-6件，份量有誠意，醬汁好惹味，欣賞飯底唔會太濕。香菇燒賣好足料，燒賣彈牙。 點心拼盤 $52叉燒包（1個）＋蝦餃皇（1粒）＋飛碟雲吞（1件）＋香菇燒賣（1件）＋棗皇糕（1件）。有5件點心，滿足一次想食多款點心嘅人，各款都做得唔錯，同係酒樓食嘅質素一樣，棗皇糕幾有驚喜，煙煙韌韌又唔太甜。金錢肚（特點） $38 另外叫咗個金錢肚，份量都不少，金錢肚稔身醃得入味。