豪隍點心工房

营业中

休息中

之前食過工廠嗰邊間店 今次試下分店呢間距離地鐵站遠少少 但一樣咁多人😅周末下午茶時間去都等咗15分鐘左右今次主要試下之前未食過嘅，幾好無失望🔸XO醬蘿蔔糕個醬幾香，蘿蔔糕唔會太淋🔸點心拼盤有兩隻蝦餃、兩隻粉果、同兩個包蝦餃入面真係好大隻蝦，其他好食但無驚喜🔸香茜牛肉腸入面嘅牛肉真係好有牛肉味，食得出有質素🔸金錢肚幾入味，煙煙韌韌～唔會話太韌咬唔到見店員做到踢晒腳，不過忙得嚟都算有禮貌環境畢竟新裝修會靚過本店，但係呢邊感覺就逼啲、嘈啲，各有不同

第一次到新鋪食 因為舊鋪等40張枱 新鋪只係等廿張，30分鐘內就入座（預期之內）兩間鋪都係隔個轉彎位 如果舊鋪太爆不妨試轉新鋪 個人覺得新鋪味道 重點的蝦餃王燒賣王依然大大隻 一粒頂人兩粒！最貴的金錢肚諗甜惹味 最啱口味 亦都對得住價錢😋雪山飽都好熱辣軟熟，只不過雪山皮比之前食的略薄 會覺得油膩 如果再厚少少就完美了鮮竹卷好香甜 不過唔愛食西芹的話環留意 入面餡好多西芹🙈牛肉球（無拍照）雖然好香 不過肉質反而有明顯粉紅色 略略有太生的感覺 唔好生肉都可能要留意食過2次舊鋪的比較之下 此店品質控劑好過好多大鋪 大路點心齊全 而且款款都岩食 如果再開分店都一定會再試（如果港島區有就正啦）因鋪頭新開無幾耐 裝修環境同埋衛生好過舊鋪就一定的了，無論座位餐具新淨度無得比，最驚喜係店內播的純音樂真係好舒暢 這種品味愈見愈少了🥲

今日路經觀塘，順便去食下點心，上一次試左佢工廠區樓上點心，覺得都抵食，但係覺得味精味太多重，都尚算可以，點心大大粒，見佢開左地鋪，甘就去試下個下午茶，去到3:30，人唔算多，食物都係有少少失望