禮記 (已結業)

同朋友黎到Monterey Place 食飯，呢度間間餐廳都咁靚，連呢間中菜都一樣裝修得入型入格，地方又濶落，食都食得舒服啲。一坐低飲啖名叫 “瑰荔堂煌” 既茶，味道好特別，淡淡玫瑰花香帶點清新荔枝果味。叫左個唔係周圍都有得食既錦鹵雲吞，真係有懷舊既感覺，炸到金黃色既雲吞堆到成座山咁。傳統的錦鹵雲吞會用啲餸頭餸尾來整，例如內臟等來煮個酸甜汁，但呢度就用上雞肉、蝦、鮮魷、青紅椒來煮，個酸甜汁比一般冇咁酸，好啱我口味。另外叫左個上湯菜膽貴妃雞，雞肉好滑好滑好滑! 真係冇誇張，雞皮都勁滑，平時怕肥唔食雞皮既我都照樣連皮食埋。仲有啲小棠菜比一般既幼嫩、爽甜。食埋呢個豉汁安格斯牛柳條炒河粉，用高質牛柳絲、銀芽來炒河粉，炒得好夠火喉，每條河粉都索咗肉汁，好好味，好滿足!

放假去將軍澳行下，行完donki後在附近搵食，發現了這間裝修古色古香，感覺好精緻嘅中菜廳。茶杯都充滿藝術氣式，以中國風畫點䮕，氣氛也好好，唔單止坐得好舒服，仲播著中華特色音樂。茶的款式也頗多，包括一些特別些的如玫瑰荔枝，味道清香錦鹵雲吞的雲吞是新鮮炸起，超脆香得來不油膩，點上微甜酸醬，好惹味，雲吞+甜酸汁是主角😎甜酸汁內有軟嫩雞肉、墨魚、蝦，味道不錯。招牌鴻運脆皮雞（半隻）同樣是不錯的菜式，是新鮮炸起的，雞肉皮薄脆微甜，入面肉嫩有肉汁，就連雞胸都嫩滑有肉汁，雞脾就更嫩滑😋金銀蛋浸小棠菜的小棠菜淋香，湯底清甜，配上蒜頭同皮蛋、咸蛋等，配搭不錯。當時仲係端午節前，有粽賣呢

呢間新餐廳位於將軍澳南近海邊，如果由地鐵行去大約10-15分鐘左右就到。餐廳裝潢時尚型格，配合新派中菜主題。同媽咪兩人叫左四碟餸，必點推介一定係《銀牙肉絲脆麵》。上菜時候已經好浮誇，麵上面竟然有一對懸浮筷子，勁有睇頭，啱晒打卡，服務員之後會幫你淋上豉椒醬汁，同剪短d麵等你容易d食，麵保持脆卜卜，不過記得要襯熱食。《錦鹵雲吞》炸雲吞好大塊，大約有手掌咁大，醬汁夠酸，伴隨蝦仁、肉絲，食落好開胃。《懷舊鳳梨咕嚕肉》賣相非常精美。《銀杏鮮腐竹扒小棠菜》腐竹好滑，湯底好鮮。