錦麗 (MOSTown新港城中心(4期))

营业中

休息中

呢間係一間越南牛肉粉專門店，有好多間分店，之前食過唔同既越南餐廳，粉類都係錦麗比較好食。今餐試錦麗綜合粉，生牛肉、熟牛肉、牛丸，三種牛肉雖然口感不同，但全部都有牛肉味，好吃!食物質素不俗，環境清潔整齊，只要對香茅、香料沒有特別抗拒，就會覺得係好好吃的越南餐廳。

原本很抗拒大集團食市，週二的起心肝試下以越南色彩作主打的錦麗，點了幾樣東西，食感右下:我叫了錦麗综合粉，很多越式河粉店如李錦基會叫呢D做火車頭河，即咩都有包括牛肚但錦麗的只有生熟牛肉及牛丸。湯不錯，熟牛腩好淋又不油膩，係非常出色!牛丸也爽口有牛味，香草金不换芽菜也洗得乾淨，但個份量扣分，最敗筆。牛油鷄翼很香口但畧油脂過多，但食材選了细隻的雞翼所以有啲乾。蝦/札肉粉卷很好，很清新。香矛豬扒飯，蝦膏蒸蛋也不錯。也叫了一客庶蝦，庶虾一定要試，香茜調味，蝦肉弹牙而不實，但庶欠一點庶汁及庶香，大蝦札肉撈檬一般，中規中舉。埋單三百多元，算合理。

好耐無行商場，經過見到開左間新嘅越南餐廳就入左去試。一坐低會放低點餐紙同越南粉嘅配料俾客人，好似叫點心咁，自己揀完交俾侍應就得。湯河粉嘅選擇比較少，主要都係牛肉河粉，無我想食嘅雞絲河...除左湯河，仲有幾款撈檬同飯，餐牌選擇唔算多。朋友叫左個綜合粉，有牛肉同牛丸。佢中意個湯底，夠味得黎又夠清。我就揀左個熟牛肉粉，牛肉唔係肉片，反而有啲似牛腩片，不過都唔錯。雞翼好香口！因為即叫即炸，所以十分脆！上面有蒜蓉醬，雖然加左係幾香，但略嫌過油膩，但都係好食嘅😋

邊個話馬鞍山係美食沙漠，冇啖好食嫁？我覺得 錦麗 嘅越南粉質素都唔錯丫.假日lunchtime & dinner time 都見好多人排隊.所以我大約6:00pm就到餐廳排隊，等咗15分鐘左右就有位喇.錦麗綜合粉 HK$66依個綜合粉有生熟牛肉同埋牛丸.我覺得依個粉好好食，因為個湯底好濃.生熟牛肉好軟好嫩，牛丸好彈牙.餐廳無限量供應咗香葉、芽菜等配菜，而且張枱有教學，教你點樣正確地落香料.落埋香料食，味道更好，個湯更香.香茅豬扒撈檬 HK65依個係朋友點的.佢話個豬扒好好食，肉一d都唔靭，亦唔乾身，而且好香香茅味.檬汁味道啱啱好，唔會太酸.不過個檬粉唔夠靭，撈撈下碎晒.越式三式飯 HK$66都係個香茅豬扒最好食.不過睇唔出嗰兩件炸物係蝦膏蒸蛋同埋香炸扎肉.依兩件炸物味道都係普通.總括黎講，雖然唔係樣樣食物都高質，但綜合粉的味道真係唔錯，真心推介.

女友今天返晏，又可以兩小口子撐枱腳食個lunch,本來諗住去香港地食，但行過見到新開左兩間餐廳，一間係茶餐廳，好多人等位，另一間係呢間越南牛河店，想試呢間越南牛河很耐了，但最近也要去大埔，估不到馬鞍山開了分店，女友早兩日先話想食越南嘢，正好，就去食碗pho 做lunch,我們排第二，等了差不多5分鐘就有位了，叫了兩碗錦麗綜合粉，有齊生牛肉，熟牛肉和牛丸，再叫了一個小食，大蝦扎肉米紙卷。小食先到，米紙卷卷得實實的，米紙唔乾，足料，點一下魚露醋醬，開胃好味。期待的牛河到了，滿滿一碗，份量正常，熱辣辣，試一啖湯，香濃牛肉味，清甜味，牛丸彈牙，生牛肉香滑，但最好食的是熟牛肉，肉味濃，唔硬，鬆軟好吃。唯一不好的是堂食雖然有水供應，要自己去庒不是問題，但卻是紙杯，如果環保一些會好D！