丸十日本食堂 (已結業)

新都會廣場有幾間日本食肆，呢間款式多、價錢又合理。預先蒸好，上枱時係凍的，蒸蛋的湯底只係得個鹹字，兩片冬菇冇味道當晚是星期三，有幾樣食品半價。我哋點咗3樣：大蝦算新鮮，可惜牛肉嚡咗啲！帆立貝大隻新鮮，略嫌啲汁冇清酒味。鐵板夠熱，上枱時仲滋滋聲。雞扒冇雪味，燒得香脆，洋葱加埋醬汁，好香有五款食物，索咗湯汁，味道ok。賣相好靚，三款都新鮮、有鮮味吞拿魚都算新鮮，魚蓉卷亦唔差，但如果畀我揀，我寧願要多一碟剌身只可以同坊間外賣小卷比，因為賣相差，紫菜淋晒！餐廳整體來講算唔錯，服務好、上菜快、地方寬敞，可惜有少少油煙味。

味道★★★★*自家製鰻魚玉子燒每次光顧必點✨玉子內的明太子和鰻魚，都真材實料，其中鰻魚玉子燒充滿蛋香，仍有蛋漿流出，並且鰻魚/明太子令玉子燒味道層次跟上一層樓，令人回味無窮。*鐵板燒地雞鐵板一直保留熱力，令板燒雞保持熱辣辣🔥但雞肉仍然嬾滑，CP值高，完全值得一試！*丸十刺身盛壽司刺身部份亦非常出色，食材絕對新鮮，能夠食到當中嘅鮮味！唔會有"梅肉感"😶環境★★★環境整潔乾淨舒適，喺餐桌上有口罩袋和消毒酒精提供👍服務★★★★侍應服務態度，又帶位，以致用餐完結都令人感覺舒適舒服😌而且都會好體貼一直留意有冇需要加水！而且落order速度都好有效率。CP值★★★★絕對值得再三回顧🤍✨

葵芳新都會大裝修之後，多左好多新餐廳！其中一間就係＂丸十日本食堂＂啦～呢日同朋友行過葵廣之後，就決定試一試呢間餐廳！　入到去，店面好闊落，裝潢都幾無印風，令人覺得好舒服，冇焗逼感。除左有卡位外，仲有吧位。不過有得簡，都係想坐卡位多D～落完單之後就已經好快上菜啦！鐵板牛肉壽司漢堡之前已經聽聞過米漢堡，所以今次見到呢間餐廳有，即刻叫左黎食。平時食開既包變左飯，而且仲要用日本精米！煎完之後帶點飯焦，咬落鬆脆～中間夾左我最愛既牛肉，經鐵板燒左一燒，味道都唔同D ～仲有芝士，蕃茄同生菜等，好食都停唔到口！絕對可以再安可！鐵板燒地雞雞肉好有炭燒味，配埋蔥黎食一流！自家製鰻魚玉子燒　蛋仲保持到＂嫩＂同＂滑＂，蛋味好濃。配埋咸咸地既鰻魚，味道變得好豐富。再加少少燒鰻魚既醬汁，食落唔會覺得好乾～久違地食左個好食既玉子燒！！丸十彩虹卷 有生文魚，吞拿魚等魚生配上牛油果，青瓜等蔬果組合而成。味道清爽唔會膩～而且size岩岩好，一啖可以食晒！抹茶雪糕配紅豆、白玉丸子 抹茶味道濃郁，紅豆唔會太甜，但唯一不足之處係白玉有點硬，好似解凍未完成咁。抹茶阿法奇朵 朋友叫左呢杯阿法奇朵，倒左Ｄ熱熱地既抹茶醬之後抹茶味do

晌葵芳新都會開咗間香港首家「當店精米」嘅居食屋「丸十日本食堂」，同老表講不如去試吓，佢話「蒸」米，咪即喺盅頭飯，我話唔喺呀，「精」米喺另一樣嘢嚟，解釋完佢先恍然大悟。更誠意到做「當店精米」，又睇睇佢哋啲出品可唔可以做到「丸」近馳名！餐廳就位處4樓花園側，唔知喺新開，定因為喺精米關係，都只喺閒日晚啫，都已經好多人晌門口等位。不過，由於餐廳原來都好大吓，所以，排得唔算耐就好快有位。裡面分幾個區域，而且，有唔少卡位，卡位嘅間板亦專登做高少少，唔會受前後側邊嘅客人騷擾，有少量卡位對正平台花園，更喺心水靚位，不過，今次就無我份。此外，分開幾個專區：串燒、鐵板燒、壽司吧，特設一列吧位，可以直接睇到師傅做菜，亦喺小弟覺得次選嘅心水位。而整家餐廳，一派木系和風裝修，亦掛有唔少相關裝飾，不過，呢晚人太多，所以，就無周圍影。上文提過「當店精米」，相信都唔喺流，因為晌等位期間，就喺門口接待位旁嘅玻璃房，就放置咗一部循環型精米機。咁！其實咩叫「精米」呢？打開餐牌就揭開謎底：「精米」就喺將米糠從粗硬嘅玄米表面輾走，再打磨成口感軟熟白米嘅工序，日本人相信剛完成「精米」過程嘅白米喺最好食。又研究發現，去除米糠之後，