Ocio (東港城) (已結業)

好耐冇去東港城啦，被Ocio嘅裝橫同甜品吸引左我入呢間餐聽，以為呢間係以甜品做主打嘅Cafe，估唔到鹹點選擇都有幾多，淨係晚餐都有11款選擇，另外主餐牌都有好多小食，我哋叫左兩個晚餐同一個甜品。晚餐跟是日餐湯同埋飲品，餐飲叫咗檸檬薑茶同凍鮮奶咖啡 (+$19)。晚餐仲可以加錢另配小食，不過我哋決定留返個quota食甜品。是日餐湯係蘑菇湯，味道香濃，每一啖都食到蘑菇醉，有驚喜。大頭蝦海鮮龍蝦汁手工意大利粉 （$158）一上枱望落去個賣相以為係龍蝦伊麵，望真啲原來係手工意大利粉，意粉口感煙韌，龍蝦汁香濃有鮮味，大頭蝦大大隻又彈牙，食得出呢個意粉係心機之作，唔怪得知每日只限定12份。香草酥羊架配新薯燒汁（$168）羊架賣相精美，肉質清爽彈牙，羊羶味唔會太過濃烈，伴菜有薯仔青瓜可以解膩。鑊仔抹茶紅豆雪山熱香餅（$79）用鑊仔上熱香餅可以完美保存溫度，熱香餅口感鬆軟，入面係比較濕潤帶點空氣感嗰隻質地，配埋雪糕同紅豆抹茶醬一齊食有冰火雙重口感，好滿足！如果抹茶味更濃郁就perfect ! 呢間環境、服務同食物質素都唔錯，見到隔離食豬手同窩夫都好吸引，下次會嚟再試吓!

除左Beans 坑口難得嘅小清新cafe🌱餐廳以淺木色為主 環境乾淨舒服👍🏻點完菜好快上晚餐跟嘅湯同餐飲⭕️蘑菇湯 偏稀 菇味唔濃 有粒粒菇增加咬口 不過不失⭕️檸檬茶 有檸檬味 茶味偏淡 甜度適中👌🏻⭕️炭燒美國肉眼伴紅酒燒汁 $189點左五成熟 真係煎到五成 不過牛味欠奉🤨味道偏淡 好似無落鹽咁😥不過肉質軟硬適中 有肉汁 緊緊合格👌🏻個紅酒燒汁好似茶記洋蔥汁😂冇紅酒咪好普通🤔相反伴菜嘅翠玉瓜爽甜juicy😋仲有grill味😋👍🏻薯條係帶皮粗薯 有薯味👍🏻鹹度適中👍🏻⭕️無骨BBQ春雞伴黑松露薯蓉 $138唔係完全冇骨 仲有2條雞鎚骨同雞軟骨🤥雞肉唔鞋但未至於好滑 加埋上面嘅茄汁好夾👍🏻最好味係個薯蓉🤩雖然唔係好滑但好香黑松露😋⭕️德國鹹豬手伴薯條 $148味道適中唔會太咸👍🏻但係個皮太硬🤥似係炸唔係燒/焗出黎🤔所以食落係硬脆唔係鬆脆😟不過皮好香豬油味 肉質淋滑👍🏻⭕️鑊仔抹茶紅豆雪山熱香餅 $79Pancake真係熱辣辣☀️配上凍冰冰嘅抹茶雪糕好夾😋抹茶味濃👍🏻加埋軟嘅紅豆同脆卜卜杏仁片 口感好豐富🤩整體絕對值得一試嘅餐廳👍🏻食完鹹點一定要叫甜品😋👍🏻

🥞 [ 鑊仔抹茶紅豆雪山熱香餅 | HK$79 ] 面頭抹茶雪糕，兩大塊厚身熱香餅，最底有抹茶醬、紅豆蓉、杏仁片。凍冰冰嘅雪糕配上熱辣辣嘅熱香餅，彷彿冰火交融。熱香餅身有淡淡抹茶味，但蛋香唔出。原本講到明係熱香餅，無預佢係Fluffy身。佢係厚身，所以熱香餅食起黎口感都幾綿密，完甜品超飽。.🥣 [ 冬陰功大蝦燴意大利飯 | HK$138 ] 顏色睇起黎好似無乜特別，但個人幾喜歡佢意大利飯嘅味道，幾冬陰功香，味道偏酸，然後後黎少少辣，非常開胃嘅味道。配料配上上大蝦、草菇、蕃茄仔、蝦餅，所以配搭都幾有泰味。 講到意大利飯身，個人中意食番原始生飯心嘅飯。雖然餐廳未之餘煮到個種生度，不過飯粒算幾有咬口，起碼唔會好似香港好多餐廳煮到全熟。.🍝 [ 芝士焗肉醬千層麵 | HK$138 ] 送到黎已經覺得好香，面頭芝士佢到脆脆。肉醬真係啖啖肉粒，唔係得汁。中間肉醬同芝士比例幾多，所以整體幾有味道。焗得還好，千層麵身唔會變糊仔。

今次山長水遠黎到東港城覓食，行完街下午茶又係時候諗下食咩好！見呢間餐廳好光猛，裝修簡單清新，座位多我黎都好闊落，個menu 早午下午餐都有得揀，就入黎試下。鑊仔抹茶紅豆雪山熱香餅（$79）見大家都叫鑊仔就唔執輸叫返個啦！賣相很不錯，上到黎個抹茶紅豆醬仲滾緊，加埋啲雪糕溫度岩岩好！抹茶味好夠，唔會好甜。質感似疏乎厘，所以唔會好擠！不過質感稍稍濕左少少，但都唔影響佢既味道！價錢黎講都合理，比較其他甜品鋪，而且擺盤做法都比較特別！

為食之旅第二擊，由觀塘黎到將軍澳，居然俾我見到Ocio，上個禮拜先去過旺角個間，食完唔係好夠喉，原來將軍澳東港城都有分店，真有緣，不如快手食個甜品。上次見到佢地d熱香餅已經好想試，決定揀我最鍾意既抹茶紅豆味。鑊仔抹茶紅豆雪山熱香餅 $79+10％落左單之後超快就食得。個抹茶味熱香餅好大份，好似海綿蛋糕，軟軟熟熟，有淡淡既抹茶味。個熱香餅明顯係個鑊仔度整熱，上凍下熱。上面一球抹茶味雪糕，味道都唔錯，好鍾意佢下底好多粒粒紅豆同杏仁脆片係熱抹茶漿度，加埋凍雪糕一齊食，冷熱交融，脆軟綿滑，口感複雜，味道超夾。另外叫左杯野飲。草莓奶昔 $45+10%草莓奶昔好大杯，草莓味同奶味適中唔太甜，上面好似仲有草莓雪糕溶緊凍冰冰，好飲。上菜超快，坐低食完唔洗半個鐘。呢度舖頭光猛，座位舒適，鬆動過旺角舖好多。今日又試左個好正既甜品，作為一個慶祝活動都唔錯。