麵屋一平安 (已結業)

係幾年前朋友既推薦下食過係尖東既一平安，係好食喎時至今日見到美麗華商場既一平安有超過100個笑臉，成日都想黎潮聖，終於有機會黎試一試係星期日8點後黎到都唔洗排隊坐左係最埋面既2人座，傾計都幾好首先，食物夠熱已經係一個好優勝既地方必點既係長崎拉麵，大大碗，香噴噴，熱辣辣依然係以前既味道，有保持水準拉麵上面有兩隻擺放得好有美感既鮮蝦入面有各種蔬菜，腐皮，等等最讚係個湯底，鮮味十足友人都話湯底很鮮甜日式燒餅：呢個係呢餐既小食，放既木魚一點都不吝嗇鐘意呢個簡約既燒餅，雖然入面無想像中既海鮮，但食落厚度適中即使食左半個都唔會膩日式蛋包飯：呢個係友人點既，佢好鐘意食呢個人都覺得幾好食，蛋煎得幾滑，上面落左茄汁包住落左醬汁既飯同肉碎但送哥個麵豉湯就好普通了但都係很滿意既一餐!呢度傾計同坐都好舒服店員服務都唔錯,加茶很頻密,有禮認真消費：$130

閒暇尖沙咀,卻天公不造美,唯有入美麗華避下雨.搵間野坐低食個LUNCH,希望過一陣會好天啦女友說這間居酒屋式的店舖在OPENRICE廣受好評,於是入去試試下閒日既LUNCH唔算多人 唔使等位店內座位舒適,服務幾好,有D WAITER好似唔太識講廣東話 似日本人!我覺得燈光暗左D,所以影相有難度各自點左一個麵:廣東拉麵女友說還可以,不太出色,好似D糊咁,但D麵係彈牙爽口長崎拉麵呢個係我既,返黎睇返先知大家熱烈推介.真係好好味,一來好大碗(可以2個人食),二來豬骨湯底清甜,拉麵彈牙,加埋豐富既配菜,真係無懈可擊!!埋單一人六七十LUNCH黎講算貴既,但呢D真係叫物有所值

這次我點了長崎拉麵, 很大碗, 價值$72我很喜歡那個豬骨濃湯底, 鮮甜, 不油不膩, 很讚, 麵質尚算 ok, 但再彈牙一點會更好, 始終認為橫綱的麵底比較有質素, 至於價錢, 橫綱比起麵屋一平安更為便宜, 值得等候!說回麵屋一平安的長崎拉麵, 材料豐富、有大量新鮮蔬菜包括椰菜、紅蘿蔔絲、芽菜、木耳、蔥花和切成條狀的鳴門卷、豚肉, 蜆肉, 魷魚, 炒過的日本魚旦片...等等, 用料新鮮, 熱騰騰的大碗麵, 有時反而覺得太大碗, 無空間試其他小食。裝潢是日本拉麵店風格, 還有很多日本人光顧, 幾有特色, 遺憾的是沒有試清酒, 如果用清酒佐麵, 效果可能更佳。

I have always wanted to pay a visit to this restaurant ever since my boyfriend told me its ramen is pretty decent, and he turns out to be right!Our orders:長崎拉麵 - quality soup, loads of vegetables and seafood秘製拉麵 - quality soup, awesome pork!青椒麵豉青瓜 - authentic and really delicious miso with crunchy cucumber雞柳蔥串燒 and 雞絞肉串燒 - both above parWith decent service (most of the waiters and waitresses speak Japanese) and authentic food, Ippei-An has surely become one of my favorite ramen restaurants!

同完男朋友行街知道佢鐘意食拉麵就帶左佢黎食不過地方細, 所以要等差唔多半個鐘先有位鋪頭好有特色, 好有日本拉麵店風格waiter waitress有d係日本人===是日晚餐===長崎拉麵男朋友既拉麵我第一個感覺就係: 好多菜味道我覺得清淡d, 麵質同札幌拉麵好唔同前身比較淋, 後者比較彈牙!札幌拉麵我既札幌拉麵呀~~~食過咁多間既札幌拉麵, 呢間拉麵水準一流麵質彈牙, 豬骨湯香味濃郁, 叉燒同埋豬軟骨好好食仲有我最愛既味蛋呀!!!! 味蛋與餃子味蛋(我叫佢糖心蛋)煮得岩岩好蛋汁流出黎, 同埋麵一齊食簡直一流!餃子皮比較薄身, 容易入口嘴嚼! GOOD! 日式燒餅有別其他地方既燒餅係我食咁多燒餅以黎認為最正宗既一個食落去既感覺就好似食燒墨魚丸既表皮咁(個人整日式燒餅經驗: 其實墨魚丸都係用呢D燒餅粉整)總結我一定會再黎呢間食野實在太好食, 下次一定要試燒物(一次最少要叫3件, 無得單叫)

三個女仔想食得清清地, 決定食日本菜....咪去呢間試下招牌長崎拉麵我就好欣賞，因為我本身都幾鍾意雜菜，不過友人就話淡左d，拉麵都幾彈牙，唔錯日式燒餅我本身好鍾意食日式燒餅(咩風味都鍾意)，熱辣辣食，加上醬汁都木魚，正~蛋包飯食過好差既蛋包飯(都唔係包住既，放隻煎蛋上面就算都有=_=)，所以見到呢度既蛋真係包飯，都算唔錯，入面既炒飯都幾好食，炒得算乾身，加埋茄汁，都幾開胃服務ok，雖然都有唔少人等位，但店員都唔會想催你落單，趕你走咁總括黎講，算係各款都做得唔錯既日式店，會再黎呀~

上次和弟弟試過後覺不錯， 所以今次和薑餅人再去平安屋。要了魷魚刺身， 鐵板燒牛脷， 燒油甘魚鮫和長崎拉麵。魷魚刺身還算新鮮， 最愛韌糯的質感。牛脷是薄切， 帶爽不韌， 但牛羶味欠奉。油甘魚鮫外燒得乾身， 皮帶點脆， 但魚肉內也有點過乾。長崎拉麵配料很健康， 菜多肉少， 麵質彈牙， 湯底也可口。

今晚難得和女朋友來到尖沙咀，一於帶女友來試試我最喜愛的正宗地道拉麵店（以前一個人每個月總會來吃一、兩次）！由於女友中午因太忙祇吃了一個老麥飽，所以晚上七點左右已經和她來吃，可能太早，不用等位！已經不記得有多少個月沒有來過，雖然環境依然保留住日本拉麵店的地道特色，應該說沒有改變過，但menu 已經換了新裝，而且多了本地侍應（至少多了一個女侍應和男經理），日藉女經理（老闆娘）和部份菲藉女侍應可能過了去銅鑼灣新鋪。女友點了咖哩拉麵，我則點了招牌--長崎拉麵，以及一客鰻魚蝦肉芝麻餅，而且拉麵在點了之後五分鐘內已經上檯。咖哩拉麵：很香口，不是很辣，很鮮味，拉麵有咬勁，不過淋！長崎拉麵：好像比以往大碗左，奶白色的湯底依舊是很鮮甜，不油不膩，真正做到味清淡而湯濃郁，絕對正宗且沒有味精！大量新鮮蔬菜椰菜、紅蘿蔔絲、芽菜、木耳、蔥和切成條狀的鳴門卷、豚肉等配料鋪滿了整碗麵，好像吃極也吃不完。麵條應該是正宗日本麵，有咬勁。而且整碗拉麵很熱，一邊吃一邊在流汗。鰻魚蝦肉芝麻餅：芝麻很香口、蝦膠充滿蝦味而且很爽、有點彈牙，唯獨是鰻魚沒有味道，略嫌失色。之後，女友再點了個甜品WarabiMoci（唔好意思，忘記了

4/7/2008又到星期五，和女朋友搵食的時間。早上已經決定來這店了。六時多入座，不用等位，很好。問問侍應有甚麼推介，我便要了長崎拉麵，女朋友要了叉燒拉麵。這個長崎拉麵份量很大，用料很多，以野菜為主，但亦有蜆肉、魷魚、魚蛋、豬肉等配菜，而配菜分量也不少，也挺新鮮。湯底有點淡，但味道很鮮甜。麵是幼麵，不是太淋，亦有質感。這個拉麵的味道很不錯，但份量真的很大，女朋友吃完了她的叉燒拉麵，我還沒有吃到一半。=.= 一路吃，一直吃不完的感覺。吃完了，已經覺得很飽很飽，再吃不下小食了。環顧四周，沒有其他食客點長崎拉麵……中計了！下次還是試試其他口味。