順日本料理 (已結業)

順係一間位於天后嘅日式小店，最出名嘅應該就係佢哋嘅牛舌飯，每件牛舌都有成2cm厚，非常誇張～ 但原來除咗厚燒之外，仲有其他2款煮法：慢煮同埋咖喱～•🥢 厚燒牛舌飯 (定食) $158牛舌係用咗啲黑椒同鹽調味，燒到外面微脆，帶點焦香，表面可能熟啲，外面就有少許韌，中間尚算軟嫩juicy~ 整體都不錯～ 不過一個人食晒5件都幾濟！🤣 牛舌下面有啲淋咗燒汁嘅飯，略嫌太多汁，同埋本身啲飯煮得有啲太腍～定食仲包咗沙律、醃蘿蔔同埋味噌湯，味噌湯無都算幾足料👍🏻•🥢 関東風慢煮牛舌素麵 $148慢煮牛舌呢款就只有3件牛舌，不過每件慢煮牛舌都比厚燒嘅更厚！側面睇落有啲似牛餐肉罐頭🤣 慢煮牛舌咬落非常軟嫩，味道幾好，但就個人比較鍾意有少少爽彈嘅牛舌口感～素麵份量超多，而關東煮嘅湯汁就味道稍為偏甜，配素麵都不錯～ 另外嚿白蘿蔔好出色，清甜無渣，仲煮到超腍😛•🥢 炸雞 $90一碟只有5件中等size嘅炸雞，$90有少少貴🫣配咗泰式辣醬(好唔日式🤣)同檸檬汁~ 炸衣口感幾有趣，食落係介乎吉列同唐揚之間，比唐揚脆身香口，但又無吉列咁「𠝹口」，幾鍾意個炸衣本身有調味👍🏻

今次返黎港島呢邊覓食😛 拜訪呢間餐廳同之前有啲唔同🧐相比起之前琳琅滿目嘅菜式，呢間就反而專門啲，更係牛舌關注組長期排行榜上有名！久違佢地傳說中嘅超厚牛舌，今晚梗係唔會放過同牛牛親密接觸嘅機會啦🤤 《 厚燒牛舌飯 》 $158  5 / 5 🌟🌟🌟🌟🌟鎭店名物厚燒牛舌飯‼️五大塊成吋厚嘅牛舌，真係同平時食到嘅厚勁多🤩 每塊都經過醬汁炙烤，表皮焦脆入面仲熱辣辣，咬落軟熟又香口😋 配埋珍珠米飯，滋味又滿足👍🏻 《 関東風慢煮牛舌素麵 》 $148 5 / 5 🌟🌟🌟🌟🌟成吋厚嘅牛舌用湯熬煮後更腍更入味！😛尤其係舌芯部份肉質好柔軟仲好𝘑𝘶𝘪𝘤𝘺💦點埋黃芥辣醬食仲惹味😝 素麵同蘿蔔吸收哂上湯味道鮮甜濃郁，加分位係店長仲好貼心咁幫忙添湯😊 暖胃又暖心👍🏻《 香煎鵝肝 》 $130  4.5 / 5除咗牛舌之外，呢度都有多款日式菜式😈 一啖入口鵝肝油嘅甘香配合酥脆多士嘅口感瞬間佔領味蕾😍 鵝肝烤得外脆內嫩，油脂感飽滿十分邪惡🤤《 乳酸梳打 》 $23  4 / 5嘆完肥美鵝肝同牛舌，飲返杯酸爽解膩嘅氣泡飲品就啱哂😚甜度適中而且氣泡感好強，飲完口腔有種清新嘅感覺～ 總括黎講非常滿意嘅一餐👍🏻店舖空間雖然