韓半島 (已結業)

今日秋涼很濃，突然想起之前經過厚福街，有個用唔咸唔淡嘅廣東話介紹佢間餐廳，所以決定去試一試。店內環境簡約 空間感不錯由於初嚟埗到3個人叫左幾款菜試下佢d菜名好特別青松亭之路（五花腩凱薩沙拉配特製醬油）仙巖村的秋天 （韓式蕎麥冷麵配特製甜酸芝麻醬）陽光與搜勝臺竊竊私語 （韓式燉牛短肋骨配土豆泥及什菇）纜車中觀賞麗水市 （香煎扇貝配蟶子沙律及海鮮味泡泡）智異山日出時分（生拌牛肉配自製甜黑醋及時蔬）雜貨店購物去野營（迷你燒烤，4款：五花腩，牛肋肉，肉眼牛扒，牛扒）每款菜式由賣相到味道都很出色韓菜同西方菜合併 配合得很到位份量唔算大 要食返澱粉質先夠飽但卻已令嘴饞朋友留下很好印象大家亦一致認同一定會再嚟食👍🏻

一行3人 book左位下午1點黎食生日lunch，點知到達餐廳嘅時候只有一枱客人！變相我地好似包左場咁😆雖然餐廳有set meal，但由於我地有唔同野想試，所以最終order左5款食物+1個甜品。仙巖村的秋天 — 冷面加上開胃酸甜汁；非常開胃 👍🏼👍🏼👍🏼纜車中觀賞麗水市 — 帶子蟶子加上少量鮮果 ；幾好味蕎麥花開時 — 一條條嘅薯仔整成pizza大小，上面舖上芝士 ，另配蜜糖，脆、咸、香中帶甜；邪惡但好味😈陽光與搜勝臺竊竊私語 — 炆牛骨+菇+薯蓉；超焾嘅牛骨肉，菇亦烤到好香，薯蓉都好味；好好味嘅一道菜！極力推薦！👍🏼👍🏼👍🏼👍🏼👍🏼風選米飯的母親在哪裡？— 最令人想笑嘅一個菜名！其實是Nachos，加上牛肉碎及芝士，另配莎莎醬及泡菜；中規中矩，同一般Nachos差不多，無甚驚喜。最後係要黎慶祝生日嘅甜品—檸檬批但唔知點解會食到有雞味😂除左呢樣咁有特色而又唔係人人接受到嘅味道外，個檸檬sorbet 都幾refreshing總括而言，係一間唔錯嘅餐廳！下次要再試埋其他菜～

與老公在尖沙咀看完燈飾，忽然想吃韓菜，便到厚福街轉轉，沒想到找到這家煮法新穎的Fusion韓菜。只看食物名稱水蛇春般長，也不知道是吃什麼？！反而是看食物說明才知道。其實食物份量都不多，不過2人吃4道菜算是剛剛好。除了咸得我以為快要得腎病的貝殼湯外，其他的三款菜是又好看又好味道。燉牛肋骨肉軟稔得很，不用刀也可以切開。蕎麥麵很好吃；五花腩肉也是超讚的好吃😋這間店值得再來，會有意外驚喜

夜晚6點鐘做左晚市第一枱客人，餐廳入面侍應好似都係韓國人， 當一打開餐牌被d名吸引到續個續個名研究，餐廳應該係將餸菜同韓國既風景名勝天氣好有詩意咁融合一齊，好比心機咁研究晒成本Menu ,跟住決定叫升上神仙臺（五花腩配特製醬油）一黎到以為五花籃冇咩味要點醬油，點知原來已經入晒味又唔會太咸，如果唔驚肥嘅話呢個可以一試陽光與搜勝臺竊竊私語（燉牛肋骨配薯蓉）係全晚覺得性價比最低最嘅餸，因為上到黎牛肋骨得一件而且好細舊，味道亦咸左少少，反而薯蓉同啲菇係比牛肋骨做得出色連理枝的因緣（炸紫菜飯卷）味道真係好普通而且個炸飯卷真係有啲油

星期五晚原本去厚福街另一間，訂枱話已full，就嘗試到那餐廳walk-in，結果岀𨋢多人到企都無位企。突然諗起樓下韓籍大叔勁宣傳自己餐廳，就落1/F睇吓，結果全餐廳坐得三分一，猶豫但唔想周圍走嘅前提下，一試這間韓菜。環境的確舒服， 擺位沒有同座其他餐廳嘅壓迫感，再加上顧客唔爆，係H8難得一見。服務就中規中矩，唔算特別好。食物就:香炒葉香蒜蝦配沙律菜 - 普普通通沙律菜，蝦仔算爽，份量少！ 炸紫菜飯卷 - $88兩條炸飯卷，唔抵但都幾好味！松露醬油海鮮意粉配芝麻香草醬 - 都幾香幾好味，但頗油，又係份量少！香辣泡菜雞丁玉米餅 - $128得三塊，少辣泡菜夾簿餅，好味嘅但一樣又貴又少！韓式燉牛肋骨配土豆什菇 - 牛肋骨入味，但都係嗰句"份量少又貴"！甜辣年糕配魚串 - 沒有特別，一樣份量少！每款菜式都好似藝術品呈現，整體食物質素係唔錯，但「份量少」三字每款菜式都會岀現。以這個價錢與這個份量，若果抱食fine dining心態可能會接受，但我就真係只此一試，就因為完全無再光顧嘅意欲，真係無法給上「笑臉」！

黎到尖沙咀食飯永遠花多眼亂, 走到H8樓下, 正在唸有乜好食既時候,有個操唔咸唔淡廣東話的男人 (以下簡稱泡菜男)走過來sell menu , 原來是韓國菜! 泡菜男話佢地新開張,D 野好好食, 見泡菜男sell 得咁落力, 我地又唸唔到食乜, 就一於上去試下廳位於1 樓, 直接行上去就可以, 唔洗排果條長長既人龍坐低拎起餐牌睇下, 發現入便D菜名全部都好有創意, 睇完都唔知食乜 , 好彩每道菜都有簡介~先點左個陽光與搜勝臺竊竊私語(HK$148)這道菜係牛肋骨個肉醃得夠入味, 是偏甜的韓式醬汁, 我個人幾中意甜甜的汁,肉好淋滑美中不足的是索價連加一要成$160的牛肋骨只係一小塊...一個人食都唔會飽一起玩樂於農樂 - 就是人蔘雞湯湯用茶壺盛載, 上菜時先倒入大碗中入便真係有人蔘, 有蔘味但湯唔夠熱 , 大約4 小碗份量仲有一份我們家鄉的環形天橋 - 泡菜五花腩薯仔煎餅 這個是3 個菜中最出色的一個! 上菜時熱辣辣食真係無得頂, 微辣的泡菜配上帶油花的五花腩味道很好! 而且煎餅好香脆, 份量適中, 可分到6 件整體好食, 食物款式幾多幾特別, 只係份量真係偏細...性價比不算太高