LA FAMILLE

营业中

休息中

買蛋糕最大的煩惱，莫過於要遷就所有人的口味。這間蛋糕專門店主打的10cm戚風蛋糕正好解決，有多款口味總有一款合口味，而且每件份量剛剛好。當然生日等慶祝之用，也有大尺寸的蛋糕更具儀式感。香濃開心果 - $67整個蛋糕表面也被開心果味朱古力覆蓋著，連裡面綠色的戚風也是開心果味，中央的夾心忌廉好細滑，上面還有開心果慕絲，整個用上伊朗的開心果果仁香特別重。皇牌士多啤梨 - $58上層一片晶塋剔透的啫喱好特別，有點像水信玄餅；下面有一粒粒鮮甜多汁的士多啤梨，就連整個蛋糕也是士多啤梨味，更有少許果醬，莓香味爆燈。榛果炭燒咖啡 - $58同時擁有果仁香和咖啡的烘培香，入面的夾心有榛子碎及幼滑的忌廉，朱古力脆脆增添口感，有陣陣咖啡回甘香。雙重朱古力 - $58朱古力控必點，裡裡外外都充滿朱古力，上面鋪了很多不同的朱古力，有的更有脆感，即開流出朱古力忌廉。桂香玄米綠茶 - $58靜岡產的玄米綠茶出名幽香清雅，入面更藏有玄米味的巴伐利亞布丁，加上清新的桂花忌廉和食用花好igable。

之前出差出左三個禮拜左右，都無機會同老豆慶祝生日，返黎之後拿拿臨同佢補祝返😳以前都已經買過好多次呢間既蛋糕，貪佢細細地一人可以清一個，每次可以按人頭數買唔同口味既黎試，而且質感鬆軟得黎又唔會話乾身😌▪️ 盛莓藍蝶（7/10）💲54面頭有藍莓、紅莓、士多啤梨粒，蛋糕身以陣陣香濃既藍莓味為主，唔會話係人工藥水味嗰種，酸酸甜甜比預期出色😎▪️ 皇牌士多啤梨（7/10）💲54顧名思義係士多啤梨蛋糕，味道就無藍莓既咁濃，會係偏向走清幽路線🍓▪️ 日本白桃（6.5/10）💲60白桃同埋忌廉佈滿蛋糕面，不過味道略為淡左啲，個人覺得有少少寡咁👉🏻👈🏻▪️ 雙重朱古力（7.5/10）💲54呢個係我每次買都必定會返兜既口味之一，面頭有朱古力粒粒同埋輕盈既朱古力忌廉，入面當然唔少得半溶既朱古力粒，入口似朱古力醬咁，感覺唔會過份甜膩🍫▪️ 西瓜玫瑰Bavarois（7.5/10）💲49店員另外介紹左Bavarois，見到賣相好靚忍唔住試一個😍麵面頭類似啫喱果凍咁，包裹住可食用既花瓣同埋水果粒，底下係西瓜玫瑰慕絲，都幾有驚喜可以一戰😛🔎 整體評分（7/10）

完成左個大Project，同事們決定鬆一鬆，tea time食件cake開心吓~ 其中一位甜品達人就提議不如試吓La Famille既戚風蛋糕，皆因佢外型好可愛又的骰，做下午茶一流咁話~我地買左幾隻味一齊分享，點知爭崩頭，因為真係好似一口雲朵咁鬆軟，食落好輕盈，連忌廉都好light，一啲都唔膩，一個女仔食大半個都不為過。意式香草奶凍 $54奶凍非常滑溜，蛋糕亦有濃香蛋味，最愛佢既地方係一切落去係會回彈既，空氣感做得非常好。和茶三色 $54和茶三色甜度相對較低，好啱我心意，因我愛食唔係「甜到漏」既輕甜品。上面仲點綴左幾粒紅桑子，酸酸甜甜好開胃。雙重朱古力 $54雙重朱古力蛋糕上有薄片脆脆好好味，夾心既朱古力忌廉冰冰凍凍食落好舒服同好軟滑。朱古力味亦夠濃厚。日本完熟蜜瓜 $60蜜瓜當造香甜多汁，果肉清香撲鼻，不時不食既野真係要好好把握呀~另外仲買左兩個瑪德蓮蛋糕(抹茶及朱古力) $18@蛋糕既口感比戚風實啲啲，有少少鬆散，同樣都係主題味道夠突出而且唔會過油或過甜。整體黎講佢呢度既蛋糕水準高得黎好平均，每隻味都貼題，口味選擇又多，物有所值。