高興 (已結業)

朋友相聚的時間又到了，為方便朋友，去咗觀塘呢間店，呢頭我唔熟，試吓新嘢先～海鮮意大利飯 $72好多海鮮，有蜆、帶子及青口，最鍾意個帶子煎得好香，整體幾好食😋卡邦尼煙肉意大利粉 $68小朋友好鍾意食，食到成咀都係汁，可愛到爆，味道ok。美式炸魚配粗薯條 $48炸魚香、脆、嫩，上碟仲好熱，新鮮出爐，勁正，薯條有調過味，可以唔點茄汁，都好好食。雜莓乳酪沙冰 $34我見Openrice 張相賣相好正就點左佢，點知黎到個杯唔同左，即刻down左，睇杯飲品都幾好飲，挽回返啲分數啦。

話說早排約了朋友去觀塘行街，所以特意去食個Tea休息下。係網上見到位於工廈內的餐廳，除了係星期日開之外，仲人氣幾高。餐廳用了仿古的設計，除了可以食好西之餘，仲可以不停影相打卡。餐廳係叫職員幫手下單，大家食完之後就出Cashier比錢。我們黎食Tea，當然睇下較抵食的下午茶餐先啦。不過睇黎睇去，只有牛油果多士係較吸引。我們其餘就係Main Menu散叫。牛油果多士有D失望，佢係牛油果醬多士之餘，佢用上普通的荷包蛋，而唔係poached egg。食落整體又唔係特，特別香。由於有朋友未食Lunch，所以我們叫左一份芝士蘑菇雞肉意大利粉。呢份意份落單5分鐘就到了，味道都幾香，食落真係幾好食。意粉充滿口感，個埋個咸香的芝士味，而唔係平常的罐頭的白汁味。加上炒香的雞肉及蘑菇，會令大家一口接一口。咁多個女仔，通常都會叫份沙津去Balance下。呢客摩洛哥雞肉沙律七彩繽紛，真係好有摩洛哥的風情(笑)。沙律無加入大量的醬汁 ，令整體夠乾身又健康。此外，沙律用上不同口感的材料，比如香軟的南瓜、炒香的雞肉，硬實的果仁及脆口的紅蘿蔔，令整體口感Up！一份有5隻的水牛城雞翼，雞肉肉質軟滑，但呢到的雞翼如果可以加

觀塘工廈真係好多好野食，今日黎到成業街一間小餐廳，雖然地理位置比較難搵，但係一入到鋪頭，真係要比個like佢。餐廳裝修落左工夫，用左舊式髮型屋嘅設計，打卡一流。 而且淡黃燈光氣氛好適合一班朋友一齊食飯。美國頂級肉眼扒 (9oz) $158因為男朋友中意食牛扒，所以今次都叫左牛扒，慣例都係叫五成熟跟薯菜，汁就蒜蓉汁。上台個時賣相唔算吸引，但感覺有啲乾添，覺得有七成熟。但係食落又唔錯啵，當然呢個價錢冇得同出面扒房比較，算係不過不失啦。白汁蟹肉蝴蝶粉 $68蝴蝶粉係季節限定。食落唔錯，蝴蝶粉主要都係靠個白汁，個汁味道濃淡度岩岩好唔會特別淡，入面有啲蟹肉同埋好多蟹籽，食落去好有口感。黑松露雜菌意大利粉 $78雜菌同黑松露忌廉汁一直都係意粉行列係不敗之選，只要唔係太淡太浠，都一定會好食。士多啤梨Pancake $68最滿意係Pancake好厚身，平時人地三塊先有嘅厚度，而家兩塊已經有咁厚。再加上入面啲士多啤梨果醬同士多啤梨雪糕，食落好滿足。百香橙梳打特飲$16 (好似係跟餐先有半價)店員介紹左呢杯soda，賣相一般但飲落幾好，邊食野邊飲好解油膩感。雜莓乳酪沙冰 $34smoothie真係好好飲，

今日想高興d，就去左係觀塘嘅高興食飯，係觀塘b2出口行過去大概4分鐘，都好易搵一入到去已經比入面嘅裝修擺設吸引住😻好特別，我不停影相😂同埋依度唔會有壓迫感，每張枱同枱之間都相距好多空間㗎😊飲水係自助嘅，埋單就要出去櫃台埋☺️美國頂級西冷扒$148牛質新鮮，保留到原本嘅肉味沙津都好新鮮，份量都好多丫白汁蟹肉蝴蝶粉$86除左蟹肉，仲有蟹籽添，其實我都係第一次食蝴蝶粉😉😉幾特別，同埋煮嘅時間啱啱好，我鍾意有d口感雜莓乳酪沙冰$34配上d cream，甜甜酸酸士多啤梨Pancake$68好多士多啤梨丫，配埋d 雪糕好好味，而且份量都好足，唔會話太甜

🎐熊妹等熊大放工食飯，阿豬媽又話要跟埋一齊食，加多雙筷🥢又可以食多啲何樂而不為？📍今次黎到觀塘成業街工廈地區的年青人咖啡店《高興》chill下。📍工廈地方🏬少不了的鐵閘🚧，設計一啲都唔古舊反而非常新穎特別，保留住工廈復古又切合時代的味道。🚪📍一進門，係煥然一新的感覺。燈火通明💡，牆壁有著懷舊香港🇭🇰的設計，五顏六色🎨，幾有心思💕。📍《高興》餐牌📋熊妹認為反而遜色少少，係一張張🅰️4️⃣卡紙印上的餐牌，由於長年累月被各食客翻揭再翻看，紙角都皺皮又摺起📃，似乎有失外觀。📍一般咖啡店大路的食物，小食🍢，意粉🍝，咖哩飯🍛，全日早餐🍱，排類🥩，沙律🥗，漢堡包🍔，班㦸🥞，甜品雪糕🍨，都應有盡有，無人等位可以任座🛋，食下野傾下計💬，📍特飲餐牌款式都唔少，自創的梳打飲品🍸同特式沙冰🍧都幾吸引。摩洛哥雞肉沙律，$74📍熊妹跟阿豬媽，熊大跟熊妹都愛沙律🥗，黎親咖啡店都必點一款沙律。摩洛哥雞沙律一上枱個個都嘩嘩聲😱，紅橙綠紫啡五彩繽紛，真係好吸睛👀，唔食得都睇得喇。紅色蕃茄🍅，橙色南瓜🎃，綠色沙律生菜🥬，紫色提子乾🍇，啡色杏仁粒🥜，齊哂，仲有幾舊煎過的雞肉🐣，非常豐富，營養價值高又美味，唯沙律醬🍼唔算多，但都好值