Forever 友緣西餐 (已結業)

同朋友入流浮山買海味，日落西山時份，冇响嗰度食海鮮，反而出番去元朗食好嘢，元朗係一個勁多好嘢食嘅地方，好難抉擇！最後揀咗呢間個名幾特別嘅西餐廳友緣相聚，因為時間尚早，人客唔算好多，我哋可以安排到卡位坐！餐廳格局最吸引係天花頂一大盞水晶燈，好有情調呢！呢度無論晚餐定散叫嘅選擇唔算多，咁有時選擇太多都未必係好事，反而得幾個餐，質素會有驚喜！我哋最終揀咗軟殼蟹手作麵同三文魚伴大蝦餐！雜菜湯配牛角包，配！牛角包size啱啱好，唔會太飽，外脆內軟！好有驚喜嘅三文魚餐，平時食親熟咗嘅三文魚多數會有啲腥同鞋，呢度三文魚居然煎得滑同唔腥！軟殻蟹墨魚麵好好味，但有啲漏！餐後飲品居然有比較特別嘅果茶，正！真係估唔到响元朗區居然會有啲高質素嘅西餐，無論食物、環境同服務都值80分以上，唯一美中不足嘅係餐廳入面冇洗手間，要攞鎖匙過對面商場，唔係太方便！

幾個月前曾來過這裡晚餐, 感覺良好。 今天星期六中午時段再來, 顧客較多, 室外陽光猛烈, 室內光照充足, 有種喧鬧的感覺。 跟上次昏暗浪漫晚餐, 氣氛截然不同。店員服務水準仍然保持, 我們坐下便送上welcoming drink, 西柚乳酸, 醒胃醒神。我們都點了午餐, 餐湯是雜菜湯, 湯中雜菜分量很多, 材料中有紅腰豆, 最是特別。 雜菜湯味道清淡, 適合炎夏飲用; 蒜蓉包則略軟, 牛油及蒜蓉有點少。烤焗加拿大黑毛豬扒, 豬扒分量很大, 烤至金啡, 顏色吸引, 伴碟還有雜菜及薯條。慢煮熟透的黑毛豬, 肉質厚廷卻腍軟, 富有水份, 有水準。 醮上旁邊的蘋果蓉, 増加清新甜美感。朋友的美國頂級安格斯肉眼扒, 牛扒大塊但較薄。 朋友說5成熟剛好, 肉質嫩滑, 牛味濃; 唯獨薯條濕軟, 不夠新鮮脆口。另外點了一份甜品, 椰子忌廉雪糕(忘記全名)。 將雪白雪糕放在椰子殼中, 中間心形士多啤梨醬, 旁邊放雕花鮮士多啤梨, 及藍莓, 賣相漂亮。椰子忌廉雪糕入口甜綿香滑, 帶點絲質的感覺, 配合鮮士多啤梨吃, 酸酸甜甜, 別有一番滋味。椰子下面有冰鎮著, 不怕溶, 可以慢慢食, 慢慢談。

元朗開左好多食肆, 最近就搵到一間好浪漫的西餐廳,於是同好姊妹行完千色店就一齊去食晚餐~由遠處已經見到優雅的裝潢, 餐廳用左落地玻璃, 中間有大大的玻璃吊燈,台上放左蠟燭, 2人座位仲係用公主沙發椅, 好才我地早去, 可以坐到窗邊的台~最特別係餐廳會為每位客人送上果汁,仲會轉口味, 呢晚係熱情果汁, 味道酸酸甜甜,醒精開胃又健康之後我地點左2個set dinner,可以加＄35轉套餐,包括餐包、餐飲、餐湯<蒜蓉飽 >熱烘烘的, 香脆可口是日餐湯係<雜菜湯>用左蕃茄涉底, 酸酸的, 好多雜菜, 材料十足<烤美國頂級肉眼排配牛肝菌汁> 我選擇7成熟, 牛排牛味濃郁肉質幼嫩, 有種入口即溶的感覺就連配菜薯塊都好好味<烤虎蝦龍蝦汁手作麵>由餐廳自家製作的手作麵, 麵身粗有嚼勁龍蝦汁香濃夠creamy, 仲有大大隻新鮮虎蝦,爽口彈牙~之後仲可以加錢選擇升級甜品<藍莓芝士蛋糕>芝士味濃香滑,伴碟有甜甜的芒果醬&奇異果汁 <法式焦糖燉蛋>上面焗到金黃香脆, 焦糖唔會太甜燉蛋好滑好creamy, 充滿蛋味