桔梗 (已結業)

呢間位於旺角砵蘭街嘅「桔梗」地方好大，樓底好高，上面仲有一層閣樓，裝修風格簡約。主打和牛食品，王牌有壽喜燒套餐，日本A4黑毛和牛刺身生雞蛋丼飯，日本A4黑毛和牛三文治🥪好可惜和牛刺身生雞蛋丼飯同黑毛和牛肉燥飯已經賣晒，所點左個Combo Set ， 有迷你和牛肉燥飯同和牛三文治半份。桔梗和牛Combo Set 漬物前菜有車厘茄同醃蘿蔔，酸酸甜甜好開胃👍🏻；和牛三文治包皮焗得好脆，和牛炸到5成熟好鮮嫩，入口口感軟熟，牛味香濃😍；和牛肉燥飯牛肉比較結實，食落似牛柳粒，醬汁香濃，送飯一流，牛味都好香濃😋，糖心蛋就未夠入味，感覺有啲過熟，糖心效果唔夠明顯。台灣牛肉麵🍜牛肉肥瘦適中，牛味香濃，好軟熟，咁樣薄切好易咬開，面身爽口，湯底濃度適中😋雞泡魚乾🐡口感好似魷魚乾咁樣，不過除咗鹹香中帶點魚香味同醬油味，好香脆好惹味，點埋沙律醬食非常夾😆熱·蜜桃綠綠🍵水果香味綠茶，有蜜桃🍑同芒果香，綠茶味相對比較淡整體感覺食物質素都不錯，不過主食嘅選擇太少，可以多啲變化，環境舒適寬敞，地點方便，下次來試吓壽喜燒套餐。

好出名嘅良心餐廳，經常都爆滿，都係咁啱因為有預約嘅人no show ，所以先有位，第一次嚟支持吓。第一樣叫嘅係最出名嘅 日本A4黑毛和牛三文治，全份HKD 148，有4件，亦都可以叫半份，2件 HKD 78。 麵包比想像中出色，脆而不硬，和牛就正常level。雞泡魚乾，用嚟傾偈閑聊做小食一流，點沙律醬再上一個層次。台灣牛肉麵，有兩碟小食，之後牛肉麵有兩舊牛肉同埋兩舊牛展，半隻糖心蛋，都唔錯。炸甜薯條，隔籬嗰個係酸梅沙律醬，同雞泡魚乾嘅沙律醬唔一樣，偏酸。佢應該係番薯條嚟，大大條熱辣辣好出色，就算唔點醬都好好食，推薦。仲叫咗杯咖啡，外貌同味道都一流，打卡之選。

終於到假日，好適合同朋友出嚟談心。喺旺角Cafe數目唔少，當中我已經book mark來自台灣嘅桔梗好耐。桔梗算係喺旺角來講空間感好大嘅Cafe，樓高兩層，用木為主調，俾人一種好休閑嘅感覺。日本A4黑毛和牛刺身生雞蛋丼飯，淨係睇呢個名都已經好吸引。呢度嘅和牛係熊本県生產。 第一次食和牛刺身，食之前都有猶豫過會唔會太生呢。賣相好吸引一片片和牛鋪滿飯面，中間有隻橙黃色嘅蛋黃。和牛油脂分布均勻，咬落有油脂慢慢滲出，和牛最天然嘅滋味。個人覺得同燒和牛好唔同，刺身食法冇燒嘅濃艶牛味，而係好清新、淡淡出嚟嘅牛味。好值得再食！而朋友就叫咗桔梗早餐，好豐富，連男仔都食唔晒。加$15叫咗茶飲，朋友杯瑰神好香，聞到淡淡士多啤梨嘅酸味。小食叫雞泡魚乾share。雞泡魚乾好香口，不禁一條一條咁食，好快就食完。最後食個甜品做完美嘅結束，叫咗伯爵茶豆腐提啦米蘇。佢嘅賣相好唔Tiramisui，食落都唔似，但好有驚喜。伯爵茶嘅愛好者一定好鍾意，因為好重嘅茶味，甚至面頭仲有茶葉碎。軟熟嘅蛋糕上邊同中間有層cream，食落有啲似tiramisui 咁有啲濕潤嘅口感。好值得下次嚟encore甜品同埋再品嚐其他和牛嘅美食，