桔梗 (已結業)

好出名嘅良心餐厅，经常都爆满，都系咁啱因为有预约嘅人no show ，所以先有位，第一次嚟支持吓。第一样叫嘅系最出名嘅 日本A4黑毛和牛三文治，全份HKD 148，有4件，亦都可以叫半份，2件 HKD 78。 面包比想像中出色，脆而不硬，和牛就正常level。鸡泡鱼干，用嚟倾偈闲聊做小食一流，点沙律酱再上一个层次。台湾牛肉面，有两碟小食，之后牛肉面有两旧牛肉同埋两旧牛展，半只糖心蛋，都唔错。炸甜薯条，隔篱𠮶个系酸梅沙律酱，同鸡泡鱼干嘅沙律酱唔一样，偏酸。佢应该系番薯条嚟，大大条热辣辣好出色，就算唔点酱都好好食，推荐。仲叫咗杯咖啡，外貌同味道都一流，打卡之选。