蒸蒸日上倫哥私房菜 (已結業)

呢間倫哥其實係上年年尾食左～但一路都冇時間打食評真係超多野食～大約300$ 有雞煲、大閘蟹（遇岩季節先有）、鮑魚燘冬菇、椰子雞湯、邊爐料（多數任食，牛送一碟，特別海鮮就冇得添～）、甜品、飲品包括酸梅湯罐裝飲品任飲～講完以上既野相信大家都見到係有幾咁多野食個雞煲唔夠仲可以添，放左魷魚同牛柏葉入去炒非常之惹味鮑魚都好林好入味個雞湯就好足料，好濃味～個雞煲有專人幫你炒，食完之後就上個湯底打邊爐啦～食完雞煲都飽左一半跟住就開始打邊爐，基本上每樣海鮮食完一件之後都好飽亦都幾新鮮～D丸都好好味，不過太飽都唔係好食得落～最後仲有個甜品，真係食到勁飽又抵食…查看更多

其實我都唔係普通人份量，但係倫哥先嚟一個雞煲，再換爐打海鮮邊爐，真係唔係正常人可以食得曬既份量！不過係好味既，啲姐姐又nice!首先一坐低就比兩款前菜，另一個係涼拌唔知咩豆，由於太好食，好快俾我清咗唔記得影相。木耳就一般。 之後又有鮑魚同冬菇做前菜，冇諗過會有，算係bonus ？味道OK。之後同朋友超滿意個湯！未見過打邊爐會送過高質既蟲草花瘦肉燉雞湯，超足料，普通食既雞（唔知咩品種所以叫普通雞）同烏雞都有，每人一盅，好甜好正，好可惜冇得叫多，不過我會再因為個湯再去㗎，希望出名之後唔好改變啦！之後就上雞煲，兩個人有半隻啦應該，味道OK但唔夠入味，雞有啲唔夠淋，而且我叫中辣都好似小辣咁....整體都OK，不過勸大家千祈唔好係哩part食咁多！！之後就到重頭戲海鮮邊爐啦姐姐會睇我地食完味未幫我地換爐，雞煲冇曬，轉打邊爐，但係一上就係番茄薯仔湯底，唔知會唔會有其他湯底？雖然哩個都OK，但冇問我地就算啦。個海鮮拼盤有幾樣係唔可以任食而且每人只得一隻按人頭俾既，包括象拔蚌，蠔，帶子同蟹（唔明起碼都一人半隻啦，但佢係俾半個蟹蓋同半個身同一邊蟹鉗俾我兩個，咁點分呢），其餘可任食既海鮮包括龍躉，翠肉鯇，蜆，蝦，花蚧。其實都好豐富同埋全部都新鮮又大隻，300一個人真係抵。除左海鮮，仲有墨魚滑同蝦滑，墨魚滑好正，蝦滑唔係彈牙個種但都好足料我幾鍾意既質感。唔知可唔可以refill, 但我已經飽飽地。個牛又係好驚喜，因為完全冇期望主打海鮮會有咁高質既牛，雖然唔可以refill，但唔知加幾錢就有，好正，唔係一般任食可以有既質素。其他任食既嘢都係姐姐自動拎俾我地，其實我想有任食點單紙囉，因為唔係樣樣我都想食㗎嘛。姐姐做緊promotion, like fb 就有得抽獎，見到隔離真係抽到好似$500即時俾，我地抽到6個送一個既優惠券同埋買xo醬有平既券，但一罐xo醬要120蚊我比較想買前菜涼拌x豆既醬，希望之後可以有，因為我真係停唔到咁食個豆環境有啲逼，而且難搵。希望你地做得好有多啲生意但又唔好咁多人發現之後要排長隊啦…查看更多

這間店一直都好想去。朋友和家人都推介。今次因爲朋友想私密點和唔想經常限時間，所以選擇了這里。去之前其實問左幾個曾經去過的朋友食評，都係好評多，所以對今次都充滿期望。首先會送上前菜和調味料：其實前菜都唔係太吸引，普普通通啦！無咩味道可言。調味料又吹三吹四要還，不過都算好有禮貌。所以我都明白。跟著就有雞煲，雞煲可以選擇辣度。我地太怕所以選擇唔辣。都幾夠味😆雞煲可以加雞，但如果決定打邊爐後就唔可以再食雞啦！食完雞，可以選擇湯底，開始打邊爐。打邊爐的選料，款式食店已經定曬，我地無需自已選擇，靈活性唔高，有些還唔可以加的。所以要留意。這個湯每人一個，都幾足料。雖然唔知係有咩料的湯，但都好開心。這個青口，平均一人一個，已經熟左，但其實真係覺得佢搞得好Hea咩汁都無。失敗😓這個涼茶算比較正氣。但很快就無曬了。最後問佢地拎清水，還要等一段時間。這個甜品名叫-真的假不了。唔知佢想表達咩，我就覺得一點都唔有趣。可能佢想形容那些燕窩，但本身燕窩都唔算多啦！講呢句好無聊囉。這間店抽風系統超差，根本坐在樓上的食客，大部分都咳足一晚，因為那些辣味太勁，我已經反映了。其實員工都知情，但無法，本身硬件唔夠好。其實今次經歷真係唔太好。因為員工都唔太主動。原來佢地誤會我地已經光顧了很多次，但好其怪，原來佢地最近改了餐單，但佢地係完全唔提醒的。我好老實講，這間食店員工禮貌很好，但食物質素真係需要改善，那些海鮮一點鮮味都沒有。可以加的食物選擇少。…查看更多

我唔是打手!我唔是打手!我唔是打手!因為好重要，所以要講3次!之前由一位老友係whatsapp post左張傳單出黎，見到$268一位任食海鮮火鍋無限時，任食海鮮無限時喎?心諗唔_係呀，今時今日仲有呢咁好既野咩，咁真係要試試佢，幾經辛苦終於約到班朋友，早3日前book位已經話得返太子果間有位，唔理照殺book左6點半，一行7人浩浩蕩蕩向太子出發，一入門口見到有幾個獎狀，火鍋大王至專大獎，乜咁把炮既咩? 坐低之後其實冇人食過，都唔知點叫，好快阿雪姐(偷偷地望到佢名牌)已經送左2碟小食黎，辣辣地既豆(唔知叫咩豆), 又幾好食，好開胃，之後收銀枱既哥哥已經問我地雞煲要咩辣，其實有d奇怪我地唔係黎食海鮮火鍋咩，點解會有雞煲，不過唔理要左一個小辣一個大辣，因為我地7個人分左2個煲，雞煲未到之前有鮑魚同聖子食!?原來人人黎都有得送一人一隻，食埋岩岩好雞煲到，因為我自己係可以食得好辣既人，所以2個雞煲我都覺得唔辣，不過就好香幾好食，唔錯，如果辣返d就perfect池喇。食完雞煲開始我地海鮮火鍋，我地加左30蚊要左龍蝦湯底，因為分2煲既關係所以龍蝦開邊，每煲半邊，湯底幾得意有西瓜同南瓜一齊煲，一黎個海鮮拼盤，真係好正，排得靚之餘望落係堅新鮮，有花甲，海蝦，鮮魷片，帶子仔，刀貝，象拔蚌仔(其實唔係咪，不過個樣好似)，鯇魚片，仲有其他丸類有種丸第一次食成粒黑色，朋友話係墨汁丸，韮菜餃，魚皮餃。食完一盤又一盤，我地食到第唔知4定5盤再嗌既時候，我同收銀枱哥哥講海鮮盤同其他丸同餃樣樣都要d，佢答我“好肚餓?” 哈哈! 我話係呀, 佢即刻樣樣都幫我落order, 咁做生意先留得到客，我一定會返黎再食，希望唔好black list我地(因為我地嗌左好多盤:()，仲有漏左講一開始送唔止鮑魚同聖子，仲有2揸西瓜汁，唔錯幾好飲，飲完西瓜汁仲有其他汽水都係任飲，啤酒就另費，今晚食都我地個個嗌飽都唔洗3千蚊，一人大約$326，唔錯唔錯，I will be back!…查看更多