牛脾氣

营业中

休息中

聽朋友講話呢間餐廳幾好食😋終於有時間去試吓😊😊唔知係咪撞啱今日係落雨天🌧🌧間鋪唔係好多人，得兩台🙈值得一讚嘅係雖然鋪仔細細，但都唔會好似其他舖頭咁擺到好迫👍🏽👍🏽可以好舒適咁喺度食個飯☺️☺️我哋兩個人嗌左兩個定食🍱分別係厚切牛舌心定食🐮有沙律有飯有野飲，個飯未拎到黎已經聞到嗰陣牛嘅香味，因為我唔係好食到生野。所以就叫佢整熟少少🤏雖然係咁，但牛舌都唔係好韌，而且好有牛味👍🏽👍🏽加上有隻半山熟嘅蛋加埋碗調咗味嘅珍珠飯。簡直係絕配😋😋而隻蛋亦好有蛋香味😌吉列豬扒定食🐷超級大碗飯！黎到個賣相都好吸引，豬扒大大件，炸得超鬆軟😌😌好正宗就係蛋漿加上麵包糠嘅味道，係好食嘅吉列豬扒😋如果個飯有多啲汁就更加好🤩個沙律都唔差🥗好清新🤤係油子汁黎既，配埋個吉列豬扒一齊食又可以減輕油膩感🤪正👍🏽仲有兩個小食🥟本身就淨係嗌一個，但係見到人哋隔離枱個雞皮餃子好似好吸引咁就叫埋試吓啦🙈😂雞皮餃子🐥一碟有四件，雞皮超級脆🤤包住啲肉，咬開嘅時候仲有少少汁流出來，都相當之驚喜😌😌炸三文魚鮨🐟都係一碟有四件。炸得好脆身，有三文魚本身嘅味道，略為淡咗少少🤏如果有調味就會比較好，但都好食嘅😊整體來講我都會推介俾大家👍🏽👍🏽希望多

早前看過《喱週》其中一段訪問影片介紹位於大埔的牛脾氣，打正旗號主打爐端石板燒肉或吉列牛等牛肉料理，從澳洲M7和牛、美國1855牛肉以至於日本A4和牛亦有所供應。事實上除了牛肉以外仍不乏其他食物選擇，據知其中又以吉列芝士豬扒飯最受歡迎，價格親民絕對物有所值。這次選擇外賣自取感覺仍無可挑剔，份量十足之餘每款套餐均包括一罐汽水，而且更會貼心地送上一包印有店名的紙巾，連即棄餐具質料都相當實在，但值得一提的是每款外賣食品均需分別另收$2。一口炸雞球飯 ($58) 雞球外層炸衣輕薄香脆，肉質保持鮮嫩並留有肉汁，配以沙律醬酸酸甜甜能夠中和油膩感，而飯底亦加入墨魚汁毫不單調。蒜茸牛柳粒飯 ($68) 雖然牛柳粒份量不算太多但肉味香濃，加上炸蒜片令整體更加香口惹味，不過個人認為如果牛柳粒切得更厚會更有口感。雞皮餃子 ($38) 以雞皮代替餃子皮炸至金黃色，雞油油香四溢裏住雞肉及蔬菜餡料卻肥而不膩，令人難以抗拒。

今次又嚟到大埔搵好嘢食🤩睇到一間叫牛脾氣既日式小店!店舖外面午餐牌見到好平價於於是同朋友喺度食午餐!店舖不大但乾淨企理衛生,坐得比較舒適🙈食物質素好食而且價錢便宜覺得不錯!黑椒牛舌飯🌟套餐包埋沙律同汽水只需($68)我覺得好抵食👍牛味濃郁肉質有咬口,而且每塊牛舌都大塊又厚加埋日式醬油一齊食味道絕配!吉列芝士豬扒飯🌟味道令我好驚喜😋吉列豬扒外皮炸得好酥脆裏面有好多芝士,醬汁係明太子味道好好食!而且個滑蛋好嫩十分推介👍雞皮餃子🌟脆卜卜雞皮加上餃子原來咁好味,新鮮嘅配搭😋

今日要介紹呢間CP價高既小店俾大家! 小食:1. 日本室津生蠔 $55無諗過呢到都有日本生蠔食，生蠔好肥美，鮮甜! 配埋柚子醬~ 竟然有一個好fresh配搭又幾夾wor!! 真係未試過呀!2. 雞皮餃子 $38 外面個層雞皮炸到金黃色~熱辣辣又勁脆，雞皮入面包住左隻餃子~ 內餡既肉好多汁! 外炸內軟感覺，好好食呀!!! 好幸福呀!! 套餐 (跟餐配沙律菜+ 汽水)1. 炭燒雞扒拼明太子雞翼飯 (拼汁煮牛肉) $68明太子雞翼原來係將明太子塞入雞翼到，包住晒d明太子，好考功夫~而且仲要好好食好好食呀!! 從來未食過咁。 雞翼煎到全部金黃色~又香口~又肉質鮮嫩! 雞扒好大塊~燒到皮香肉嫩! 配埋佢個汁煮牛肉撈飯食~ 一級棒吉列豬扒飯 配沙律菜 $58 (配明太子沙律醬) 吉列豬扒大大塊，外層炸得好鬆脆，豬扒亦好厚肉~ 加埋佢個個滑蛋~半熟架 ! 蛋汁出晒黎 ~配埋佢個明太子沙律醬! 無得輸啦。 送飯一流!!沙律菜加火龍果配沙律醬~酸酸甜甜咁~好開胃呀!